𝐏𝐫𝐞𝐦𝐲𝐞 𝐎𝐤𝐚𝐳𝐲𝐨𝐧 || 𝟎𝟕 𝐉𝐮𝐢𝐧 𝟐𝟎𝟐𝟒

1.- Envestiti ak enstalasyon gouvenman tranzisyon an ta dwe fet komansman semen kap vini la kote Pwochen kabine ministeryel la ta dwe konpoze ak 13 minis . 5 ministe kap asosye yo se ta dwe ministe agrikilti-anviwonman, ministe ayisyenn kap viv aletranje yo -ministe afe etranje, ministe kilti ak kominikasyon-ministe edikasyon nasyonal , ministe komes-ministe touris. Ta dwe gen 3 ministe san pot fey sou: sekirite, eleksyon ak solidarite .

2.-Otorite tranzisyon chita pale ak patne entenasyonal yo ak diaspora ayisyen nan pandan 2 jou ,madi ak mekredi pase a, yon fason pou ranfose lyen koperasyon ak solidarite ant peyi zanmi ayityi yo, dapre sa alterpress rapote.

Premye minis tranzisyon an,Garry Conille remesye reprezantan peyi zanmi ayiti yo pou solidarite ak amitye peyi yo ak ayiti ,nan seyans travay ,4 jen pase a.

Pandan rankont ak repprezantan peyi zanmi ayiti yo ak oganizasyon entenasyonal yo, Garry Conille mete aksan sou aksyon pwochen gouvenman, nan kad ako 3 avril 2024 la, pou yon tranzisyon pasifik ak odone ,ki siyen ant diferan pwotagonis yo .

3.-Prezidan konsey prezidansyel tranzisyon an,Edgard Leblanc Fils ak konseye prezidan Emmanuel Vertilaire rankontre ,aye jedi a ,reprezantan ayiti Matters ak oganizasyon lakou Lapè.

Diskisyon yo te chita sou posiblite yon patenarya ant gouvenman Irlande du Nord tankou sou posiblite yon patenarya ant gouvenman ant gouvenman Irlande du nord ak ayiti ,sou kesyon rezolisyon konfli .

4.- Primati mande tout ansyen anplwaye kontraktyel yo pou retounen bay enstitisyon an tout materyel ak ekipman kite nan men yo tankou machin ,swivan atik 12 ak 18 kontra yo .

Tout moun mezi sa konsene gen Selman 2 jou pou remet materyel ak ekipman sa yo ,dapre primati ki antann itilize tout mwayen legal yo genyen pou fose ansyen kontratyel yo obeyi ak desizyon sa.

5.-Lapolis nan depatman sides peyi a mete anba kod 2 evade prizon- Josue Sylvestre,31 lane pandan yon operasyon nan komin belans.

Devan ajan SDPJ sides yo, Josue Sylvestre konfime efektivman li te sove nan penitansye nasyonal lanwit 2 mas pase a,apre endividi ak zam te atake pi gwo sant kaseral peyi a.

Yon lot kote fos lod yo arete Jean Simon Lionel 5 jen pase a ,nan 9em seksyon kominal bene, li te nan prizon penitansye nasyonal depi lane 2010 .

6..- Atizan yo fè pati kategori pwofesyonèl vyolans gang ame yo, nan rejyon metwopolitèn Pòtoprens lan, afekte anpil.

Se ka Ronald Valet ki denonse sitiyasyon li,akòz se kèk grenn moun ki achte pwodwi li yo, yon lè konsa.

Anplis sitiyasyon ekonomik li ki pa bon, ensekirite a fè atizan sa gen gwo difikilte pou l jwenn matyè premyè pou kreye zèv atizanal.

7.-Ministe edikasyon nasyonal pran sanksyon kont anplwaye ki enplike nan zak koripsyon pou manipilasyon nan zafè legalizasyon diplòm ak sètifika epi ranfòse dispozisyon kontwòl sou dosye sila yo*

Konsa, MENFP deside sispann anplwaye ki enplike nan move zak sa yo e li pral fè swivi pou jwenn revokasyon yo.

Ministè a pran desizyon sa a apre rapò ki soti nan Direksyon Afè Jiridik (DAJ) ak plent izaje li te resevwa kont anplwaye sila yo, epi tou apre verifikasyon sou akizasyon zak koripsyon sa a.

Présentation: Dieuseul GUERRIER & Johnny FERDINAND
Météo: Chrisnette SAINT-GEORGES
Tansyon Lari: Mackenson RÉMY 4×4
Productions:Jean-Claude DOLCÉ
Coordination: Peterson LUXAMA
Rédaction: Dieuseul GUERRIER

Réalisation & mise en ligne: Jack thedd Jr Dieudonne & Jimmy Cly Théagène