En Direct | Premye Okazyon | 11 Juin 2021

Premye Okazyon | 11 Juin 2021
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Météo avec Chrisnette SAINT-GEORGES
Kija Potoprens leve maten an? avec Mackenson RÉMY (4*4)

Titres
1- Anpil fanmi ki nan sant espòtif kafou-a, plas piblik fontamara ak lakou mango, 3 pi gwo sant ebèjeman ki resevwa anpil moun ki chape poul yo anba zak vyolans ant gang gran ravin ak tibwa-a, mande otorite konsène yo pran bon jan dispozisyon pou pèmèt yo retounen rantre lakay yo.
Se nan sans sa-a, yo mande otorite yo sispann fè dilatwa-a sou sitiyasyon popilasyon ki nan katye defavorize yo ki pa konnen ki sen pou yo rele. Nap gen poun swiv yon repòtaj avèk Jean Georges BLAISE nan jounal la-a.

2- Vyolans nan mitan gang ak zam yo nan 3èm sikonskripsyon pòtoprens. Yon polisye ki pèdi lavi, yon òt blese epi 2 lòt disparèt nan kad atak ki fèt kont antèn lapolis ak sou komisarya nan zòn metwopolitèn nan, soti 05 pou rive 07 jen 2021 an, dapre pòt pawòl a.i polis la-a, Marie Michelle VERRIER.
Sou bò pal, Direktè jeneral A.I polis nasyonal la-a kif è konnen enstitisyon polisyè-a depase, envite sosyete-a revòlte.

3- Nan sèl zòn metwopolitèn nan, genyen plis pase 22 gang ak zam kap fè lalwa-a, ransone, tiye epi fè kidnaping direktè jeneral a.i polis nasyonal la-a, di evènman yo depasel fwa sa-a.
« Kote gang ak zam yo soti ? Kiyès kap finanse yo ? Poukisa yo vyolan konsa fas ak polisye yo » Se ansanm kesyon Léon CHARLES poze.

4- Oganizasyon Eta Ameriken an pral gen yon lòt konpreyansyon sou kriz plizyè dimansyon kap brase bil peyi-a depi kèk tan.
Se deklarasyon manm Antant Nasyonal pou yon Tranzisyon koupe Fache. Ansyen senatè Steven BENOIT mize nan sans sa-a, sou tout enfòmasyon yo pataje ak delegasyon an.
Nan okazyon chita pale sa-a, opozisyon politik la-a pwofite ekspoze sitiyasyon sekirite-a, ansanm krim politik ak masak ki fèt nan diferan katye popilè yo.

5- Swivan tout enfomasyon yo pataje ak delegasyon an, Steven BENOIT di li espere Oganizasyon Eta Ameriken pral gen yon lòt konpreyansyon sou kriz la.
Òganizasyon sosyo politik VIV AYITI ak Brigad sendikal anti koripsyon BSAK di yo regrèt opozisyon politik la pat rive antann li pou te bay Oganizasyon eta ameriken yon leson istorik.

6- Pa ka gen òkenn referandòm, ni eleksyon ki posib nan peyi-a avèk Jovenel MOISE sou pouvwa-a. Pati Antant Nasyonal la reyafime pozisyonl fas ak sitiyasyon malouk peyi-a ap konnen akoz movèz gouvènans ekip ki sou pouvwa-a.
Sou bò pal, ansyen depite Abel DESCOLLINES estime administrasyon amerikèn nan eksprime pozisyonl twò ta sou referandòm Jovenel MOISE la-a, pandanl swete administrasyon BIDEN nan voye yon siyal klè bay ekip sou pouvwa ki deside mennen peyi-a nan plis kawo.

7- Ansyen depite premyè sikonskripsyon Senmak Samuel D’HAITI ak pòt pawòl Tab Konsètasyon Tirivyè Latibonit la, Andre SAINT-LOUIS reyaji favorableman ak desizyon plizyè dirijan politik ki te aksepte rankontre delegasyon diplomat òganizasyon eta ameriken yo. Dapre pèsonalite sa yo, sa ap pèmèt diplomat OEA yo pi byen konprann kriz politik ayisyèn pa rapò ak pozisyon patizàn anbasadris Helen LALIM ak sekretè jeneral OEA Luis ALMAGRO.

Réalisation et mise en ligne : Mysuel THIMOTÉE