En Direct | Premye Okazyon | 14 Octobre 2021

Premye Okazyon | 14 Octobre 2021
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).

Les titres
1.- Tout aktivite yo te paralize maten mèkredi 13 oktòb 2021 an nan biwo imigrasyon ak emigrasyon an sou lalu . Sitiyasyon sa vini swit ak mouvman pwotestasyon anplwaye yo kap manifeste kòlè yo, akoz anlèvman Johnson JOSEPH, yon kanmarad yo.
Pwotestatè yo pwomèt pou kenbe mobilizasyon an, jiskaske yo jwenn liberasyon Johnson JOSEPH.
Bandi te kidnape li madi pase a nan zon morn kabrit ak tout yon pwoch li ,dapre sa nou aprann .

2.- Ensekirite, zak kidnapping tribò babò, Konsekans yo pa piti sou sosyete-a an jeneral.
Anplis dekapitalize sila ki pi fèb yo pi plis toujou, chòk ki vini apre zak sa yo konn detwi lavi anpil moun nan popilasyon an, sitou jenn fi ki tonbe anba men bandi sa yo.
Se ka Johanne, yon jenn demwazèl 19 lane bandi nan Matisan te kidnape nan mwa Jiyè pase-a epi vyole avan yo lage li. Demwazèl sila kap viv ak anpil twomatis rive menm devlope lòt konplikasyon. Sitou sou plan medikal epi krenn pou sitiyasyon li pa agrave pi plis. Apre dram sa-a, Johanne deside rakonte istwa li. Nap gen poun rejwenn Michel JOSEPH, nan yon kontrandi.

3.- Polis Nasyonal Dayiti, atravè pòt pawòl li, demanti revelasyon Joana DORCEUS fè sou Magik9, kòm kwa bandi yo genyen antèn nan nivo direksyon santral polis jidisyè (DCPJ).
Enspektris divizyonè-a, Marie Michèle VERRIER ki fè konnen se yon istwa Joana DORCEUS envante, menase rapouswiv ansyen otaj la-a kap viv nan peyi etranje atravè Interpole.

4.-Sitiyasyon an pat bon menm pandan jounen an nan katye matisan kote bandi yo tap opere ,yo sezi machin ,fouye epi kidnape moun . jiska byenta aswe a nou aprann gen yon jenn gason ki mouri ak bal andedan machin li anfas fontamara 27 ,viktim nan te twouve li abo yon tokson ,gen plizye lot moun ki blese pandan jounen an .
Anpil moun kitap rantre soti blok sud la oblije retounen lakay yo,sila yo ki te déjà nan sant vil potoprens pa anmezi travese matisan . Malgre zak sa yo lapolis toujou rete absan ak prezans yon sel machin blende devan sou komisarya matisan .

5.- Komise Frenel Saintil se nouvo direkte depatmantal lwes polis la . Li ranplase Alex Pierre-Louis .
Frenel Saintil se te responsab inite BOID . Komise patrick Rozarion transfere nan direksyon santral polis administrativ ,se komise prensipal Calixte Exantus ki ranplase li nan tet komisarya petyonvil ,

6.-Avoka kap asire defans ansyèn premyè dam Martine MOISE yo deja adrese yon rekèt an desezisman bay lakou kasyon kont jij Ikenson EDUME ki chaje Martine MOISE kòm moun, ki dapre jij la ki viktim fo ak izaj fo nan siyatil.
Avoka yo ki deja siyifye majistra nan sans sa, ap tann arè lakou kasasyon pou konn ki swit kap bay k dosye sa.
Avoka yo pran desizyon apre yo fin konfime jij Ikenson EDUME se bòfrè Ansyen senate John Joel JOSEPH lapolis ap cheche pou enplikasyon prezimel nan asasina ansyen prezidan Jovenel MOISE.

7.- Pandan yon sèl semèn, responsab sevis byennet sosyal yo resanse 3 ka vyòl pami yo, yon pesonaj 70 lane ki vyole yon tifi 11 lane, dapre byenèt sosyal latibonit.
Vyòl ki pa sispann fèt sou tifi nan 5 komin depatman latibonit, bay direktè depatmantal byennèt sosyal depatman, Jean Cinedais JEAN gwo tèt chaje. Nap gen pou rejwenn Nixon DENEUS, korespondan nou depi nan vil senmak.

8.- Oganizasyon Sosyo-Politik VIV AYITI denonse desizyon premye minis Ariel HENRY pran pou envite diferan sektè voye reprezantan yon nan nouvo konsèy elektoral, lap gen pou fòme-a.
Pòt pawòl VIV AYITI estime moman pa pou eleksyon. Dayè, dapre sal di, pa genyen òkenn kondisyon ki reyini pou sa-a.

9.- Desizyon konpayi Digicel pran pou ogmante pri tranzaksyon sèvis Mon Cash la pa byenvini nan mitan popilasyon an.
Plizyè kliyan denonse aksyon sa Digicel vle poze-a. Sou rezo sosyal yo ak nan lari-a kritik yo anpil kont konpayi wouj e blan. Plizyè konsòmatè radio karayib kesyone estime li pa nòmal pou konpayi-a ap aji janl vle anndan peyi a. Peterson LUXAMA ap gen pou prezante nou yon repòtaj nan jounal la.

10.-Nan yon kominike konpayi a fe soti sou ajisteman sou fre nan sevis mon cash la apati 18 oktob kap vini la, yo presize chanjman sa konsene selman fre retre yo.
Tout lot tranzaksyon yo ap rete gratis ,dapre DIGICEL ki di chanjman sa fet akoz operasyon pou fe sevis la fonksyone koute plis kob chak jou .80% tranzaksyon moncash yo pa gen fre sou yo,dapre DIGICEL

Rédaction : Ganito FRANCOIS.
Réalisation et mise en ligne : Mysuel THIMOTÉE.