En Direct | Premye Okazyon | 13 Octobre 2021

En Direct |Le 19-20 | 12 Octobre 2021
Premye Okazyon | 13 Octobre 2021
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).

Les titres
1.- Ansyen anbasade ameriken an an ayiti soti 2009 rive 2012 Kenneth Merten ap retounen ofisyelman nan peyi a kom chafe dafe .
Se sekrete deta ameriken an Anthony Blinken ki anonse nouvel la .Apre li kite Ayiti,Kenneth Merten te okipe fonksyon kodonate espesyal pou ayiti ak sou sekrete adjwen pou ayiti nan biwo zafe emisferik oksidantal yo .
Prezidan se ayisyen ,tout peyi a sonje deklarasyon sa anbasade Merten te fe nan pale nasyonal nan moman Michel Martelly te nan toumant fas ak leve kanpe kite genyen kont li komkwa li te genyen doub nasyonalite .

2.-Ansyen depite sikonskripsyon Dame Marie a Jean Acclush LOUIS-JEUNE di li wè deyè desizyon administrasyon amerikèn nan pran pou chwazi Kenneth MERTEN kòm chaje dafè pou ayiti, men ansyen prezidan an Bill CLINTON.
Se yon demach, dapre ansyen palmantè-a, ki vize toujou kenbe peyi-a nan kriz. Jean Acclush LOUIS-JEUNE konsidere Kenneth MERTEN Kòm youn nan pi gwo alye ekip PHTK.

3.- Fòmasyon yon nouvo konsèy elektoral pwovizwa-a- Si sektè Vodou-a anonse lap genyen pou voye lis 3 moun pal yo, mèkredi 13 oktòb la-a, Sektè laprès, Dwa moun ak Inivèsite-a yo menm pa antann bay swit ak korespondans primati-a.
Asosiyasyon medya yo poze kom kondisyon retablisman klima sekirite-a nan peyi-a, pou yo ta patisipe nan yon tèl demach. Alòske sèten òganizasyon dwa moun refize kategorikman, demand Ariel HENRY a, pandan yo mete aksan sou sitiyasyon sosyal ak sekirite peyi-a kap deteryore chak jou pi plis.
Kanta konferans rektè yo, Prezidan ak Dirijan Enstitisyon Ansèyman Siperyè Ayisyèn (CORPUHA), denonse fason chwa yo ap fèt la-a, ki pat prevwa nan akò 11 septanm nan. Nap gen plis detay Johnny FERDINAND nan jounal la .

4.- Premye minis Ariel Henry fè konnen, yo te retire ajan ki tap bal sekirite yo san pre-avi, nan sware asasina ansyen Prezidan Jovenel Moïse la.
Chef gouvènman an fè revelasyon sa yo, nan yon memo li voye bay jounal ameriken an Washington Post.
San li pa di kiyès ki te retire sekirite l yo, Chèf gouvènman an deklare, li te pè pou pwòp lavi pal aprè krim nan.
Nan memo sa a ki pibliye dimanch 11 oktòb 2021 an nan ribrik “opinion” jounal la, Ariel Henry kalifye de “enpridan, e san fondman”, tout akizasyon ki pote sou dol, kòmkwa li ta enplike nan asasina a.
Plis detay ak Luckson SAINT-VIL, korespondan pèmanan nou Ozetazini…

5.-Premye minis Ariel Henry rankontre aye madi a sou sekrete deta ameriken nan sekirite sivil,demokrasi ak dwa moun ,madam Usra Zeya ,sou sitiyasyon jeneral peyi a.
Okazyon pou Ariel Henry te fe pwomosyon ako politik pou yon gouvenans apeze ak efikas la ,epi renouvle apel li bokote gouvenman ameriken anfave polis nasyonal la ,nan kad batay kont ensekirite ,banditism ak kriminalite .
Se te okazyon tou,dapre biwo kominikasyon primate a pou premye minis la te renouvle angajman li pou organize eleksyon nan lane 2022 ,pandan li mande antred lajistis nan anket sou asasina prezidan Jovenel MOISE .

6.-Lapolis nan depatman nò peyi a mete anba kòd, 13 prezime kriminèl nan komin Kap Ayisyen, Lenbe ak Pò-Mago, soti 6 pou rive 10 oktòb 2021 an.
10 nan prezime asasen sa yo ta patisipe nan kidnapin yon polisye UDMO Jocelyn Jean PHILIPPE, 5 oktòb pase-a, epi 3 lòt yo ta enplike nan asasina plizyè migran ki te ansanm ak yo sou yon bato, ki tap tante rantre ilegalman Etazini.

7.- Legliz Shalom paste Muscadin ap dirije deside depi 4 oktob kanpe tout aktivite li yo .Dirijan yo pran desizyon sa pou pwoteste kont zak kidnapin yo ki sible sekte pwotestan denye jou sa yo kote bandi kidnape plizye paste .
Legliz la ki pa vle ekspoze fidel li yo poko gen yon dat pou reprann aktivite yo ,dapre yon sous pwoch misyon an . Men nou aprann sa fe anviwon 3 mwa depi paste Muscadin pa nan peyi a . Menm sous la fe nou konnen paste a twouve li ozetazini ,yon fason pou li kapab al fe mizanplas legliz shalom Tabernacle de Gloire kap baze kounya nan Kissimee ak orlando .

8.-Pandan dives sekte ap reklame demisyon li kom Dg PNH la akoz enkapsite li pou garanti sekrite sitwayen yo depi li rive nan tet enstitisyon an ,Sendika Nasyonal Polisye Ayisyen yo deside pran defans direktè jeneral a.i Polis Nasyonal la-a, Léon CHARLES.
SYNAPOHA kanpe an kwa kont tout lide pou ta voye Léon CHARLES ale.
Kòdonatè jeneral sendika sa-a admèt ogmantasyon ka kidnaping yo bay lenpresyon lapolis ajenou. Toutfwa-a, Lionel LAZARE ankouraje Léon CHARLES chita dyaloge ak polisye yo pou remonte moral twoup yo kap travay anba lòd li yo.

Rédaction : Ganito FRANCOIS
Réalisation et mise en ligne : Dhanael Bedor