En Direct | Premye Okazyon | 14 Décembre 2021

Premye Okazyon | 14 Décembre 2021
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).

Les titres
1.-Gwo mouvman pwotestasyon kont desizyon gouvenman pou ogmante pri gaz la nan ponp yo .
Plizye zon nan kapital la tankou wout boudon, delma ak petyonvil sikilasyon an te paralize akoz barikad .
Chofe machin yo te bloke wout la pou di non ak monte pri gaz la epi desizyon gouvenman pou pri kous y opa chanje .

2.- Sitiyasyon ekonomik peyi a vin pi grav chak jou pi plis epi bay gwo kè kase , daprè analiz ekonomis Thomas Lalime.
Ayiti anrejistre yon to kwasans ekonomik negatif pandan 3 lane youn dèyè lòt,dapre pwofesè inivèsite a.
Pwodwi Ayiti enpòte sou mache entènasyonal la, ensekirite kap vale tèren nan peyi a kote machandiz yo pa ka sikile akoz nèg ak zam bloke plizyè zòn , se kèk nan prensipal rezon ki lakoz sitiyasyon ekonomik peyi a vin malouk konsa epi fè enflasyon an ap galope,dapre Thomas Lalime .

3.- Dosye asasina prezidan repiblik la Jovenel MOISE-
Ansyen minis jistis peyi a,Rockfeller VINCENT pa reponn envitasyon jij entriksyon an , jounen lendi a, li evoke pwoblem sekirite.
Rockfeller VINCENT mande jij Garry Orelien yon odisyon atrave visiokonferans ,nan yon dat ki poko fikse .

4.- Ansyen chef CSPN nan ,Dr Claude Joseph anonse lap reponn jounen madi a envitasyon jij Garry Orelien nan kad anket sou asasina prezidan jovenel Moise 7 jiye pase a .Se yon pwosedi nomal piske mwen te chef CSPN epi minis afe etranje anmenmtan ,deklarasyon Claude Joseph ki raple asasen Jovenel MOISE yo pap kapab entimide li ,ni fel kouri kite peyi a .

5.- Malgre Ariel Henry deside mete kanpe yon nouvo gouvenman , sa pa anpeche etazini toujou ap tann yon antant ant diferan akte yo,yon fason pou jwenn yon solisyon nan kriz la , dapre Kenneth Merten –
Youn nan kondisyon pou gen bonjan eleksyon ki organize nan peyi a lesa posib , dapre Chaje dafe ameriken an ki ankouraje aktè politik yo chita ansanm pou jwenn yon akò tet ansanm.

6.- Obsevatwa sitwayen pou yon nouvel ayiti (OCNH) di li gen dout kanta aplikasyon desizyon konsey nasyonal tranzisyon an ap gen pou pran .
Chwa yon prezidan pwovizwa ak yon premye minis se pral egzesis difisil epi konplike loske nou konsidere Ariel Henry déjà akapare pouvwa menm pale nasyonal ,dapre kodonate OCNH la.
Camille OCCIUS plede pito anfave yon depasman nan nivo diferan akte yo .

6.- Kadav dokte Makinedi Guerrier rive depi apremidi lendi a nan peyi dayiti – Li pou kounya nan yon mog prive nan komin tyot depatman sides peyi a,dapre majistra ansapit la Harry Bruno kite sou plas nan moman kadav la tap travese fwontye a .
Poko gen yon dat ki fikse pou chante fineray Dr Makindi Guerrier ki mouri nap raple dimanch 12 novanm nan , yon semen apre li te fin resevwa plizye bal anbamen bandi ak zam kitap tante kidnape li ansanm ak madanm li , zon bois verna 4 desanm pase a.

7.- Unesco, wo komisarya dwa moun nan ak IMEDIA, yon platfom an liy lanse 13 desanm nan ,yon pentu sou mi nan lone 11 jounalis ayisyen ki mouri asasine an ayiti . Aktivite sa ki batize zewo enpinite ‘se yon pwoje jounal an liy nan ki jwenn sipo ONU .
Se yon kanpay sansibilizasyon ki vize garanti dwa jounalis yo an ayiti epi jwenn jistis pou sila yo ki mouri asasine nan egzesis pwofesyon yo, dapre Marc Evens Lebrun, jounalis epi responsab jounal IMEDIA

8.- Seksyon kominal Bellevue la Montagne ki twouve li nan komin petyonvil finalman gen yon lopiltal modèn pou desevi plizye milye moun kap viv nan zon sa . Rive lopital sa pral évite fanm ansent yo kontinye pèdi lavi yo nan move kondisyon.
Direktè lopiltal sila, Wilkens Gilbert ki fè konnen yap fè fas ak pwoblem ekonomik , fè apèl ak sipò ministè sante piblik ak òganizasyon kap Travay nan zafè lasante pou ba yo bourad kap pemet yo asiste plis moun nan zon sa a ki pa gen gwo mwayen.
nap gen poun swiv yon repotaj ak Reginald Remy.

Rédaction : Ganito FRANÇOIS.
Réalisation & mise en ligne : Mysuel THIMOTÉE.