En Direct | Premye Okazyon | 07 Décembre 2021

Premye Okazyon | 07 Décembre 2021
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).

Les titres
1.- Fanmi ,zanmi ak koleg Dr Makindi Guerrier yo kontinye ap solisite bourad chak moun pou ede jwenn mwayen lajan pou pran yon anbilans pou peyi kiba kote li ta dwe al opere .
Dr Makindi GUERRIER te resevwa plizye bal anba men yon gwoup bandi ki tap tante kidnape li menm ak tout madanm li samdi pase a, nan zon bois verna .
Pwofese inivesite ,Dr Mackendy Guerrier,36 lane selman riske paralize pandan tout res vi li ,dapre bilan medikal yo .

2.- Fanmi an déjà kominike 2 nimewo kont nan inibank sou non Clinique Dr. Guerrier Makindi : 210-1021-1545805 Goud oubyen 210-1022-1545813 (dola ) . Nap gen entevansyon kek nan koleg li yo nan jounal la Ayè maten.
Swit ak sa ki ensidan sa kliknik ephata konpleks medikal kote dr Guerrier tap bay sevis li anonse yo femen pot yo jiska nouvel lod.

3.- Sitiyasyon tansyon yon fwa anko nan rantre sud kapital la –bandi yo rive pran kontwol sou komisarya matisan polisye yo te abandone depi mwa jwen pase a epi bandi yo mete dife nan yon pati nan batiman .
Menm jounen an , Neg zam yo ki soti gran ravin ak vilaj de Dieu louvri kout zam sou yon tibus kife traje potoprens-jakmel ,bilan yon pasaje mouri ak plizye lot blese grav pami yo chofe a .

4.- Fondasyon Je klere denonse silans otorite yo nan leta fas ak zak ensekirite yo sitou ka kidnapping yo ki pa sispann miltipliye nan peyi a .
Konsta malouk anpil ,daprè oganizasyon kap defann dwa moun nan .
Se preske tout zòn metropolitèn nan bandi ak zam achte lajan kontan, yo fè sa yo vle, yo rwete lavi moun jan yo vle ,Alòske otorite ki la pou asire sekirite sitwayen yo rete kè popòz, yo pa pote okenn respons pou asire popilasyon an ki ap viv nan laperèz,dapre Marie Yolene GILLES .

5.- Unyon nasyonal nòmalyen ayisyen (UNNOH) nan tèt kole ak òganizasyon sendikal anseyan, kò profesoral College Jacques stephen Alexis anonse 2 jounen mobilizasyon pou Mekredi 8 ak Vandredi 10 Desanm k’ap vini la.
Mekredi 8 Desanm a midi ap gen yon mouvman bat tenèb epi yon manifestasyon pou Vandredi 10 desanm k’ap vini la, nan objektif pou di non ak fenomèn kidnapin epi egzije liberasyon tout viktim ki anba men kidnapè yo.

6.-Liberasyon 3 lot otaj pami resotisan etranje bandi 400 mawozo yo te kidnape samdi 16 oktob pase a ,nan komin kwadebouke .
Se oganizasyon Christian Aid Ministries ki fe anons sa jounen lendi a . Sa fe déjà 5 sou 17 otaj ki libere .

7.- Madi 7 desanm nan ap fe egzakteman 5 mwa depi yon gwoup mesene te asasinen prezidan repiblik la Jovenel MOISE . Jij Garry Orelien kap mennen anket sou dosye sa déjà tande yon tranten moun aloske déjà genyen 44 moun ki nan prizon .
Gen manda kil anse deye 19 lot moun ,pami yo 10 polisye USGPN-CATEAM ak USP kite sou pos lakay asasina prezidan repiblik la jou sa .Pou jounen lendi a jij enstriksyon an te tande polisye cange Willer .

8.- Dosye konpayi sogener ak leta ayisyen an retounen nan aktyalite a –
Dapre enfomasyon yo jij enstriksyon an Ickenson Edumé odone leve mezi konsevatwa 2 batiman kise pwopriyete Dimitri ak Jean Mary VORBE. 2 mesye sa yo menm gentan rekipere kay yo ki nan zon morn kalve ak peguyvil depi premye desanm pase a .
Nap note ,lajistis te mete aksyon piblik an mouvman kont responsab Soneger yo pou sifaktirasyon ,eskwokri,koripsyon ak detounman lajan leta nan kad kontra kite lye konpayi sa ak leta ayisyen .
Johnny FERDINAND ap gen pou retounen sou dosye sa kite kenbe aktyalite a pandan denye trimes ane 2019 la, nan yon papye espesyal .

9.- Ansyen depite sikonskripsyon Cerca cavajal la Antoine Rodon Bien-Aime mete an kesyon entansyon Ariel Henry ki triple bidjè mimistè kilti soti 825milyon goud pou rive 2 milya 722 milyon 975 mil 784 goud nan bidjè rektifye pou ekzesis 2021 /2022 an aloske yo diminye bidjè ministe jistis ki soti 32 milya goud pou tonbe nan 17 milya goud .
Dirijan antant nasyonal la kwè Ariel Henry ki pa genyen okenn lejitimite pou angaje leta dwe bay eksplikasyon pou konnen ki sa li pral regle ak kantite lajan li mete nan ministè lap dirije yo ak seten ribik nan bidjè sa.

10.- Konsèy nasyonal tranzisyon an (CNT) ap enstale Jedi prochen ,daprè manm biwo swivi akò Montana a ,mèt Arnel Rémy . CNT a kap gen ladanl reprezantan divès sektè nan lavi nasyonal la pral gen pou misyon deziye yon prezidan provizwa ak Yon Premye minis.
Manm biwo swivi akò Montana te profite bay detay sou tout Yon seri rankont yo deja reyalize nan Kad aplikasyon akò sa a

Rédaction : Ganito FRANÇOIS.
Réalisation & mise en ligne : Mysuel THIMOTÉE.