En Direct | Premye Okazyon | 24 Janvier 2022

Premye Okazyon | 24 Janvier 2022
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).

Les titres
1.-Radio Caraibes an dey – Nicolas Pierre Rolin alyas Alcibiade mouri vandredi 22 janvye a.
Alcibiade 83 lane, se youn nan pi ansyen komedyen ayisyen ki chak dimanch te konn anime ansanm ak twoup li yon feyton radiofonik sou antenn caraibes fm ,94.5.
Nicolas Pierre Rolin se yon kolaborasyon anviwon 50 lane ak Caraibes FM . Nan non direksyon jeneral la nou prezante senpati tout ekip la bay fanmi,zanmi ak fanatik Biad yo,yon vwa kap rete grave nan memwa preske chak ayisyen.

2.- Premye minis Ariel henry di li tris apre nouvel lanmo komedyen ayisyen Nicolas pierre Rolin alyas Alcibiade.
Ariel Henry ki salye memwa imoris la kwe feyton li sou radio Caraibes ak espekak li yo ap kontinye make plizye jenerasyon li te fe ri ak reflechi.
Nan non gouvenman ,premye minis la prezante kondoleyans li bay fanmi atis la,kanmarad li yo ak kolaborate li yo nan radio Caraibes.

3.- Nan 15 jou anko se pral 7 fevriye –dat kap make fen manda prezidan repiblik la Jovenel Moise ,bandi te asasen lakay li 7 jiye pase a.
Sou envitasyon sena repiblik la, Dr Ariel Henry dwe prezan nan biwo sena demen madi a.
Antretan nou aprann premye minis rann yon vizit sipriz ak senate Joseph Lambert lakay li nan delma 40 B . Echanj yo te chita sou sitiyasyon jeneral peyi a oganizasyon pwochen eleksyon yo.

4.- manda premye minis Ariel Henry a pa lye ak dat 7 fevriye 2022 a. Deklarasyon sekrete deta adjwen ameriken an ,Brian Nichols sou radio vwad lamerik.
Toutfwa se akte ayisyen yo ki dwe jwenn yon ako pou rezoud kriz la,dapre sekrete deta adjwen ameriken an.
Nan yon tweet li te pibliye lendi pase a,Ariel Henry te fe konnen dat 7 fevriye a pap make fen manda gouvenman li an ki gen responsabilite oganize eleksyon lib ak demokratik nan peyi a.

5.- Dr Ariel Henry rankontre aye dimanch la ak plizye reprezantan oganizasyon dyaspora , yon fason pou diskite sou sitiyasyon jeneral peyi a epi nan pespektiv patisipasyon yo nan fomasyon konsey elektoral pwovizwa ak asanble nasyonal konstitiyant la.
Antretan gouvenman Ariel Henry a ap vanse sou fomasyon konsey elektoral pwovizwa –Dives sekte ta déjà soumet non reprezantan yo bay gouvenman.

6.- Minis afe etranje ayisyen an,Jean Victor Geneus ,konfime leta ayisyen déjà transmet tout dokiman ak enfomasyon lajistis peyi la Turquie te egzije nan kad demand ekstradisyon Samir Handal.
Otorite peyi Turquie yo te arete Samir Handal 15 novanm 2021 ,youn nan sispek kle nan asasina prezidan repiblik la.
Antretan jij Garry Orelien ki depote li nan dosye anket sou asasina prezidan Jovenel MOISE la konvoke nan enspeksyon jidisye jodi lendi a sou ansanm denonsyasyon RNDDH yo.

7.- Pa gen rate gaz sou mache a,dapre minis komes la,Ricardin St jean . Minis la pwofite demanti rime kap kouri ki fe kwe pri gaz la pral monte yon fwa anko nan ponp yo.
Se yon pawol ki pa kanpe sou anyen dapre minis komes la ki anonse genyen 243 mil 964 galon diesel ,yon kantite kewozen ak 208 mil 685 galon gazolin déjà kite teminal varreux a depi samdi 22 janvye a ,yon fason pou al distribiye nan ponp yo atrave peyi a.

8.- Bandi yo finalman libere Dr Daymara Helen Pérez Alabedra 34 lane , apre plis pase yon semen.
bandi yo te kidnape dokte kiben an kap bay sevis nan lopital tigwav ak gran gwav jedi 13 janvye pase a,nan katye matisan.
Fanmi an te oblije peye lajan pou jwenn liberasyon Dr Daymara aye dimanch la ,dapre direkte medikal lopital Notre dame tigwav la,Dr Fred Jasmin.

9.- Bandi ak zam kontinye ap kidnape moun jan yo vle,nen pot ki kote –
Nan zon penye nou aprann bandi kidnape anviwon 3 moun pami yo Rousseau Maxon, yon polisye USP men ki an detachman ,dapre sa nou aprann.

10.- Lapolis nasyonal dayiti kontinye ap trake bandi 400 mawozo yo – Plizye bandi ta mouri oubyen blese nan echanj kout zam ak lapolis.
Antretan enstitisyon lapolis la toujou poko vle konfime asasina komise polis Jean Ismay Auguste ak tout madanm li, Clotilde Vilus piske yo poko janm jwenn kadav yo .

Rédaction : Dieuseul GUERRIER.
Réalisation et mise en ligne : Mysuel THIMOTÉE.