En Direct | Premye Okazyon | 20 Avril 2022

Premye Okazyon | 20 Avril 2022
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).

Les titres
1.- Anviwon 24h aprè dram gonayiv la, kote yon polisye 31 lane ta rive touye 3 manm nan fanmi li aprè li touye tèt li.
Cherie Rose Armel kise madan polisye a, ki t’ap retounen sou sèn trajik sa a, konfime se efektiman mari li Accil Blemur ki komet zak la.
Toutfwa li inyore konplètman si maril’, te genyen yon kèlkonk maladi mantal kontrèman ak sa k’ap di nan lari a. Plis detay nan jounal la ak Dieulivens JULES.

2.- Kontrèman ak sèten lòt moun bandi te kidnape men ki pa vle pale , pè Excellus Jeanrilus deside soti nan silans li. Prèt sa a ki te kidnape nan dat 25 janvye 2022 rakonte ak òganizasyon sant Karl Levêque peripesi li pase Pandan li te nan men bandi yo kote li te menm rive bwè pipi ak dlo Santi.
Prèt la rankonte tou move tretman lòt otaj yo te sibi . Nan yon rapò detaye SKL mete deyò li fè divès rekomandasyon bay otorite yo ,yon fason pou rive frennen flewo sa a ki pa sispann fè Viktim nan Peyi a. Yon dosye nan komansman jounal la ak
Rép Reginald Rémy.

3.- Lapolis nan jakmel atrave SDPJ ak UDMO mete anba kob yon seten Fernando Pascal ,18 lane,aye madi a ,nan vil jakmel.
Endividi sa se solda Etienne Jean Charles alyas Rafo prezime chef gang ki rele Scorpion kap opere nan lokalite watapanna , tou pre vil jakmel.
Pandan operasyon an ,fos lod yo sezi yon pistole 9 milimet kise pwopriyete lapolis nasyonal dayiti . Zam sa te disparet apre bandi te asasinen ak yon bal nan tet polisye Videau Reginald 20 jiye 2012 nan dikini,li te afekte nan komisarya Omega , dapre direksyon depatmantal polis sides.

4.- Konfli nan lajistis deptman no peyi a- Bawo ak Konsèy Lòd Avoka yo dozado ak Komisè Gouvènman jiridiksyon an Mèt Richmont Florival.
Avoka yo akize chèf Pakè a kòm moun kap fè kòripsyon, kap vann lajistis nan libere prezime bandi pou gwo mago lajan.
Konsène a, Radyo Karayib te rankontre, pa deside reyaji.

5.- Ayisyen yo kontinye ap sibi rapatriman fose nan peyi dominikani ,dapre sa gwoup kap apiye refijye ak rapatriye yo(GARR).
Soti 11 pou rive 16 avril pase a ,imigrasyon dominiken rapatriye sou fwontye peyi dayiti plizye santen resotisan ayisyen ,selon done oganizasyon sa kap defann dwa migran ayisyen yo.
Pami viktim yo ,nou jwenn anpil fanm ak timoun kote dwa yo pa sispann pase anba pye malgre pwotokol ako ayiti siyen ak dominikani sou fason pou rapatriman yo fet.

6 .- Ayiti konnen gwo difikilte ekonomik pandan plizye deseni . Sa fe plis pase 40 lane depi leta te fe chwa restriktire mahce a epi antre ayiti nan yon ekonomi liberal san bon jan planifikasyon.
Mezi sa sa yo non selman jete barye dwanye yo men tou kraze plat ate pwodiksyon agrikol la ki te reprezante 60 % nan tout sa peyi a te konn voye vann nan peyi letranje.
Yon papye espesyal ak Jause Varin.

7.- Lakou dekont sou wout pou pwodwi rapo definitif li sou jesyon lajan ki gen pou we ak pandemi Covid-19 la ,swa 9,2 milya goud ,dapre jounal lenouvelis.
Lakou a te déjà voye bay gouvenman rapo prelimine sou jesyon lajan sa kite la pou depanse pandan pandemi Covid-19 la pou reyaksyon ,yon fason pou respekte prensip kontradiktwa.
Gouvenman voye bay lakou a reyaksyon li sou dokiman ,pou kounya lakou a ap analize li anvan pou li pwodwi rapo final li nan mwens pase 2 semen.

8.- ANADIP anonse ponp yo manke gaz ,konpayi petrolye yo pa livre yo gaz .Yo mande gouvenman pou entevni rapid ,yon fason pou livrezon yo kapab reprann touswit.
Se nan sans sa nou aprann gouvenman te rankontre aswe madi a enpotate pwodwi petwolye yo .Pa gen twop detay ki bay sou rankont sa.
Toutfwa gen plis pase 550 mil galon gazolin ak 130 mil galon diesel ki livre aye madi a kote plis pase 98 kamyon siten te chaje nan sant estokaj petwolye WINESCO a.

Rédaction : Peterson LUXAMA.
Réalisation et mise en ligne : Mysuel THIMOTÉE.