En Direct | Premye Okazyon | 07 Avril 2022

Premye Okazyon | 07 Avril 2022
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).

Les titres
1.- Direkte egzekitif rezo nasyonal kap defann dwa moun yo ,Pierre ESPEREANCE kontinye denonse sa li rele konplo ansyen prezidan Michel MARTELLY ap marinen ki vize asasinen li.
Atrave zak sa,nimewo 1 PHTK antann elimine dirijan oganizasyon dwa moun an akoz denonsyasyon li yo ,sitou nan dosye asasina ansyen Jovenel MOISE la,dapre Pierre esperance.
Pou Pierre Espérance Michel Martelly enplike nan asasina 7 jiye 2021 an.

2.- 9 mwa apre asasina prezidan repiblik la ,kriz sosyal ak politik la kontinye ap fe chimen li malgre siyati yon seri ako kite vize jwenn yon solisyon nan kriz la.
Entewoje sou sije sa ,anpil sitwayen kritike klas politik tradisyonel la ak tout kominote entenasyonal la ki ,selon yo pa inosan nan male ayisyen yo . Yon dosye ak Jean georges Blaise nan jounal la.

3.- Odyans yo ,tankou abeas corpus ak asinyasyon an refere ,ap reprann jounen jedi 7 avril la ,nan tribinal premye enstans potoprens la,ki fek jwenn yon ti kote pou kwense ko li nan tribinal depe seksyon sid potoprens la.
Se sa dwayen Bernard Saint vil ki déjà enstale li anonse . Yon lot kote dwayen an anonse li pral voye yon korespondans bay CSPJ pou enfome li sou move konpotman seten jij nan tribinal de pe seksyon sid la parapo ak dekana.

4.- Anviwon yon semen apre grev sendika anplwaye lopital jeneral yo fin leve , okenn aktivite poko reprann nan swadizan pi gwo lopital peyi a.
Poutan ,responsab yo nan sendika te anonse yo kanape ak mouvman swit ak yon rankont yo te genyen ak otorite yo nan leta.
Sal yo vid ,medsen yo pa prezan ,se kek anplwaye kite prezan sou lakou a.
Nan HUEH, aktivite yo paralize ,dapre konsta Caraibes fm pandan yon vizit jounen mekredi a . Gouvenman montre li pasif malgre pwomes lite fe grevis yo ki jiska prezan poko respekte.

5.- Siyati jounen mekredi a 2 dokiman ofisyel ant inivesite leta ak ministe touris la. Youn ladan yo kreye yon chaire pou fe rechech nan zafe tourism ak patrimwan nan IERAH.
Lot la gen pou we ak itilizasyon kafeterya campus Henry Christophe la kom espas fomasyon pou etidyan nan lekol Hôtelière d’Haiti nan depatman no peyi a.
Dapre rekte UEH la , seremoni siyati sila fe swit ak yon pwotokol patenarya kite siyen ant 2 enstitisyon yo nan mwa septanm 2021.

6.- 1273 resotisan ayisyen ki gen pwoblem papye sou teritwa repiblik dominiken rapatriye nan peyi a pandan selman mwa fevriye ak mas pase a , 7 mil 546 imigran retounen ak pwop volonte yo nan peyi a ,dapre gwoup kap apiye refifye ak rapatriye yo (GARR ).
Responsab kominikasyon ak pledwaye yo nan GARR ,joseph Mike Lysias kritike otorite dominiken yo ki ap vyole san rete kovansyon entenasyonal dwa moun yo.
Yon lot kote ,li kritike konpotman leta ayisyen ki pa pran okenn mezi pou akonpaye rapatriye yo.

7.- plizye moun mouri ak bal nan rejyon metropolitan potoprens jounen mekredi a pami yo ,yon ajan surete nan ayopo entenasyonal tousen louvetu.
Se endividi ak zam ki touye andedan machin li Loujames Valmond pa two lwen ayopo a.
Yon lot sitwayen ki te apenn fin depose madanm li kap travay nan BRH la mouri anba bal bandi nan sant vil potoprens.

8.- Lapolis nan depatman sant peyi a mete anba kod yon papa pou tet li ta touye 3 pitit li.
Sewanet Jean Louis ,35 lane ,se non sitwayen sa lapolis arete sou akizasyon li ta touye 3 pitit li, Wavenson,Djempsley ak stephanie jean louis ki gen laj 11, 8 ak 3 lane ,nan lokalite lawoy,depatman sant peyi a.

9.- Popilasyon nan depatman sid peyi a ,sanble pa deside kanpe ak mouvman yo tanmen depi kek jou pou fose pouvwa santral la debloke matisan.
Pou rezon sa ,yo prevwa pran lari a yon fwa anko jedi 7 ak vandredi 8 avril la . Dives oganizasyon nan 3zyem vil peyi a te déjà oganize 3 jounen manifestasyon pou di non ak fenomen ensekirite ak kidnapin kap vale teren nan peyi a.

Rédaction : Peterson LUXAMA.
Réalisation et mise en ligne : Mysuel THIMOTÉE.