En Direct | Premye Okazyon | 06 Mai 2022

Premye Okazyon | 06 Mai 2022
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).

Les titres
1.- 39 moun mouri , 68 blese ak 8 lot disparet – Bilan ofisyel anviwon 2 semen afwontman ant neg ak zam 400 mawozo ak chen mechan ,nan komin taba ak kwadebouke.
Dapre direksyon pwoteksyon sivil ,gen 9000 moun nan katey but boyer, kwademisyon,santo ak lot katye anko ki blije kouri kite lakay yo pou refijye yo nan lot vil pwovens ak sou plas piblik zon ki poko touche yo.

2.- Yon lot kote otorite lapolis yo mennen yon seri operasyon nan komin kwadebouke ak taba . Plizye bandi mouri oubyen arête.
Lapolis komanse debleye plizye twonson wout kite bloke pandan batay la,dapre direksyon pwoteksyon sivil. Antouka malgre ti akalmi ki genyen nan plenn nan anpil fanmi ki twomatize poko pare pou retounen lakay yo.
Moun sa yo krenn pou bandi 400 mawozo yo pa ta retounen vin atake baz Chen mechan nan zon kwademisyon .Pou rezon sa yo mande lapolis nasyonal pou tabli baz yo 24 sou 24 nan zon nan ,yon fason pou pwoteje popilasyon sivil la.

3.- Dives vwa kontinye leve pou deplore epi kondane zak bandi yo kap twoke kon yo nan laplenn nan kote prensipal viktim yo se popilasyon sivil la.
Tout aktivite yo bloke pandan plis pase yon semen nan katye but boyer, bon repo,kwademisyon ,shada ak santo.
Kolektif avoka pou defans dwa moun yo ak kabine advocatus kwe lapolis nasyonal bezwen bourad yon fos etranje pou ede yo frennen zak bandi yo nan peyi a.

4.- Pwoblem timoun kap domi leve nan lari peyi dayiti,depi kek tan ,kap diminye nan zon metwopoliten potoprens la,toujou reprezante yon gwo danje pou sosyete a, dapre analiz kek sosyolog ayisyen.
Pou ekspe nan domen sa a ,se dabo responsabilite leta pou bay chak timoun bonjan ledikasyon .nan sans sa ,konsta yo montre pa gen yon politik edikasyon leta a mete soup ye ki vize tout timoun nan peyi a ,san wete sila yo kap viv nan lari a . Nap gen poun swiv yon papye ak Mischly ALEXIS.

5.- Dapre chif UNICEF founi , 80 pousan timoun Ki femen nan prison andedan peyi a toujou ap tann yon desizyon Jistis.
Reprezantan unicef la ki kwe Li pa nomal , raple angajman leta ayisyen te pran ki gen pou wè ak respe dwa timoun yo.
Claude Madnas fe konnen timoun yo dwe Sant enterè leta, pou évite minè yo tonbe nan vye zak.

6.- Selebrasyon jounen mondyal saj fanm yo,jedi 5 me 2022 a.
Nan okazyon an ,asosyasyon saj fanm dayiti yo organize premye konferans nasyonal yo anba tem : « Pour une maternité sans risque et une bonne santé reproductive: orientons nos regards vers la pratique des sages-femmes ».
Etidyan ak saj fanm pwofesyonel kite patisipe nan jounen selebrasyon sa denonse poutet pratik sa meprize an ayiti ,aloske yo genyen yon enpotans kapital e reprante poumon matenite a.

Rédaction : Dieuseul GUERRIER.
Réalisation et mise en ligne : Mysuel THIMOTÉE.