En Direct | Premye Okazyon | 21 Novembre 2022

Premye Okazyon | 21 Novembre 2022
Présentation : Dieuseul GUERRIER, Pierre Renel RENÉ (PRR), Lydie ALEXANDRE & Johnny FERDINAND.
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).

Les titres
1 .- Aktyalite a se kanmenm 22 zyem edisyon koup du mond foot ball la kil anse ofisyelman aye dimanch la nan peyi katar kote 32 ekip ap gen pou afwonte soti 20 novanm pou rive 18 desanm.
Se Lidè Qatar kite louvri Mondyal la ak yon apèl pou moun tout ras mete sou kote diferans yo. Li te pran la pawol kom dirijan peyi oganizatè a, ki fè fas ak yon pakèt kritik poutet move tretman travayè etranje yo epi mepri yo vizavi dwa moun LGBTQ yo.
Premye match Qatar janm jwe nan yon Mondyal Foutbòl pat fini byen pou li, apre advèsè li, Ekwatè te vannen li 2 gol a zewo devan 67,372 fanatik nan stad Al Bayt la. Nap gen plis detay ak Jacques Hans Vilfort ,Jako.

2.- Atyalite a tou se Etazini ak kanada ki sanble kontinye ap mete presyon sou yon seri pesonalite nan peyi a ki ta gen men yo tranpe nan zak blanchiman lajan, trafik dwog ak nan finansman gang ak zam. 
Premye minis kanadyen an,justin Trudeau anonse peyi li pran sanksyon kont ansyen prezidan Michel Joseph Martelly ,ansyen premye minis Laurent Salvador Lamothe ak jean Henry Ceant.
Kanada pran sanksyon tou kont ansyen prezidan chanm depite a,Garry Bodeau, ansyen senate Herve Fourcand ak senate an fonksyon Rony Celestin . Gouvenman kanadyen an di li anvizaje pran nouvel sanksyon kont yon seri lot pesonalite ak antite an Ayiti.

3.- Okenn nan pesonalite sa yo pap gen dwa pile sol peyi kanada epi fe tranzaksyon lajan nan peyi sa akoz yo te itilize fonksyon yo pou pwoteje ak pemet aktivite ilegal gang kriminel ak zam epi lot zak koripsyon tankou blanchiman lajan.
Li enpotan pou kanada ak kominote entenasyonal la fe tout sa ki posib pou fe presyon sou gang yo ak patizan yo ,yon fason pou mete fen ak zak vyolans yo nan peyi dayiti, dapre minis afe etranje kanadyen an, Melanie Joly.

4.- Minis afe etranje ayisyen an Jean Victor Geneus kite prezan bokote minis afe etranje kanada nan kad konferans pou lapres nan some frankofoni an ki dewoule ane sa nan peyi tunizi , lanse yon apel bay kominote entenasyonal la pou aji vit parapo sitiyasyon dijans ki genyen nan peyi a.
Pou reponn ak apel gouvenman ayisyen an ,minis Melanie Joly mande peyi meksik ,ajantin ak Rwanda pou soutni demand bourad teknik Ayiti pou rive kwape zak bandi ak zam yo kap teworize popilasyon an.

5.- Senate sant la ,Rony Celestin denonse sanksyon kanada pran kont li yo. Avoka senate a nan Quebec di gouvenman kanada pa bay okenn prev pou apiye sal repwoche kliyan li an.
Alexandre Bergevin anonse yo pral konteste sanksyon yo.
Se menm reyaksyon an bokote,Jean henry Ceant , Gary Bodeau ak Laurent Lamothe ki we desizyon sa tankou yon manev pou elimine li sou sen politik la . Laurent Lamothe ki raple se sou gouvenman li an yo te demantle 2 gwo rezo gang mande Gouvenman kanadyen an pou founi prev konkret li ta enplike nan finanse gang an ayiti sinon li dwe retire akizasyon sa yo ofisyelman.

6.- Kanada ak etazini te déjà pran sanksyon epi mete lajan sou tet plizye chef gang gang an ayiti tankou lanmou san jou Ti lapli ,manno ,Vithelom ,Gaspiyay ak Barbecue.
Minis an fonksyon Berto Dorce ak Litz quitel, prezidan sena Joseph Lambert ak ansyen senate Youri Latortue.
Non Tout moun sa yo pral twouve yo sou yon lis nasyon zini ap prepare kote pral gen lot non ki ajoute tankou yon seri moun nan sekte prive ayisyen an ,dapre jounal Lenouvelis ki site yon sous diplomatik.

7.- Gouvenman an finalman reyaji sou sitiyasyon difisil migran ayisyen yo ap konnen sou teritwa dominiken an.
Nan non gouvenman ,minister afe etranje kondane tretman lawont sitwayen ayisyen yo ap sibi anba otorite dominiken yo, sakap teni imaj repiblik dominiken atrave mond la epi mete an peril lespri lape ak amoni ki dwe gide relasyon ant 2 peyi yo ki pataje menm zile a.

8.- Ministe edikasyon nasyonal envite tout aktè kontinye mobilize epi aji pou fè respekte dwa timoun yo genyen pou yo ale lekòl nan kelkilanswa sikonstans la.
Nan okazyon Jounen mondyal timoun yo, 20 novam 2022 a , Ministè Edikasyon Nasyonal raple Lekòl pa ka tann e se responsabilite chak sitwayèn ak chak sitwayen, responsab nan Leta, òganizasyon sosyete sivil la, kominote edikatif la, patnè finansye ak teknik yo , pou mete men pou pwoteje dwa timoun yo. 

9.- Pa dwe gen menas ni atak kont lekòl. Okontrè, sosyete a dwe akonpaye timoun yo pou ede yo ale lekòl, sèl chimen pou pi byen bati avni yo e reyisi vi yo.
Edikasyon, se pi gwo zouti pou devlopman timoun yo ak peyi a,dapre yon not biwo kominikasyon ministe edikasyon nasyonal ki pwofite anonse lap travay sou yon nouvo kalandriye adapte pou ane lekòl la.

Productions : Jean-Claude DOLCÉ.
Coordination : Peterson LUXAMA.
Rédaction : Dieuseul GUERRIER.
Réalisation & mise en ligne : Mysuel THIMOTÉE.