Premye Okazyon | 02 Février 2022
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).
Les titres
1.- Anket sou asasina batonye lod avoka potoprens yo,met Monferrier Dorval nan enpas –
Jij enstriksyon Loubens Elysee konfime li pa janm we ni touche dosye met Dorval la depi jou 5 oktob 2021 dwayen an te fin deziye li kom jij ki dwe enstwi dosye a jiskaske endividi yo rive idantifye te kase tribinal la epi pote ale kofrefo a kite gen ladan li dosye met Dorval la.
Dosye a pa nan kabine mwen e li pat janm nan kabine mwen ,deklarasyon majistra Loubens Elysee nan yon korepondans li voye bay batonye lod avoka potoprens yo,Marie Suzy Legros kite kirtike li komkwa li ta gen yon konpotman dezenterese nan dosye asasinay Met Dorval la.
2.- Jij Loubens Elysee raple nan mwa novanm 2021 li te ekri Kòmandan an chèf Lapolis la pou mande l afekte polisye pou sekirite li ak kabinè a.
Jiskaprezan li pa jwenn ni repons lapolis ni ankenn polisye pa rele li pou di yo jwenn otorizasyon pou detache ak li.
3.- Avantaj ,ak privilèj ta prensipal motif ki pouse seten sektè ak pesonalite kap chache rezoud pwoblem prekarite yo aksepte rantre nan fomasyon konsey elektoral pwovizwa ak yon premye minis ilejitim ki pa enspire konfyans pandan okenn kondisyon pa garanti pou ta chanje konstitisyon an epi oganize eleksyon nan peyi a.
Ant Salè ,prim de risk ,frè deplasman ak vwayaj ,premye ak dezyem rezidans , gaz ak kat telefon ,machin ak konsiltan pesonel chak konseye elektoral koute trezo piblik plis pase yon milion goud chak mwa.
Se tout entere sa yo ki ta pouse anpil sektè vle rantre nan KEP sa san oken konsansis pa degaje pou asire bon gouvenans leta . Nap gen poun swiv Yon papye ak Winchel Adrien.
4.- Kongre ameriken an plede anfave yon mobilizasyon bokote entenasyonal la pou yon soutyen ak ayiti ,yon fason pou rezoud kriz la.
Nan yon korespondans yo voye bay prezidan ameriken an,Joe Biden ,kongresman yo mande li pou mobilize yon sou soutyen entenasyonal anfave ayiti.
Pou jistifye demand yo a,senate yo evoke sitiyasyon sosyo ekonomik peyi a ki deteryore apre katastwof natirel ak pwoblem ensekirite a.
5.- OMRH nan tèt kole ak primati , ministè planifikasyon ak pwogram nasyon zini lanse pwogram modenizasyon leta a (ODD 16 ) madi Premye fevriye 2022 a.
Pwogram sa a vize modenize administrasyon piblik la ,devlope peyi a ak fè pwomosyon pou respè dwa moun.
Premye minis Ariel Henry ki t’ap pwosede ak lansman program sa a fè konnen devlopman peyi a dwe pase atrave ranfosman administration piblik la.
6.- 2 moun mouri nan komin limonad. Se bilan dega gwo lapli ki tonbe sou depatman no peyi a pandan 3 denye jou sa yo.
Se dlo ki pote ale viktim yo ,dapre responsab pwoteksyon sivil yo . Plizye jaden ak tet peyizan yo ale nan dlo,dapre sa korespondan nou Donald Germeus fe nou konnen.
Rédaction : Dieuseul GUERRIER.
Réalisation et mise en ligne : Mysuel THIMOTÉE.