Premye Okazyon | 04 Octobre 2021
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).
Les titres
1- Rantre vandredi premye oktòb 2021 an, 4è
Judicature Konsèy Siperyè Pouvwa Jidisyè (CSPJ).
Se nan lokal CSPJ a, seremoni prestasyon sèman
dewoule matin vandredi-a, an prezans premye minis
Ariel HENRY avèk divès lòt pèsonalite nan ekip
gouvènmantal la-a.
Se te okazyon pou Frantzy PPHIKEMON ankouraje
majistra yo travay pou bay sistèm jidisyè-a yon lot
imaj, pandan yo dwe respekte prensip yo.
2- Fòk genyen bon jan dispozisyon ki pran pou manm
konsèy Siperyè Pouvwa Jidisyè yo voye je sou travay
jij yo pou pa gen okenn soupson koripsyon sou yo. Se
deklarasyon premye minis Ariel HENRY, nan
okazyon enstalasyon manm konsèy la-a.
Chèf gouvenman an, ki rekonèt gen moun kap soufri
nan prizon ki paka jije, mande CSPJ pran
responsablitel pou evite sitiyasyon sa kontinye pran
chè nan sistèm nan.
3- Alòske yo nan misyon an Ayiti, emisè ameriken yo
ki chita pale avèk divès aktè ki enplike nan kriz la-a,
pwopoze pou tout akò yo fè youn.
Brian NICHOLS, sekretè deta adjwen zafè amerik yo
ak Juan Sebastian GONZALEZ, asistan espesyal bò
kote prezidan, nan yon konferans pou laprès vandredi
premye oktòb la-a, yon ti jan panche bò kote akò
montana. Toufwa-a, yon kontinye plede an favè yon
konsansis lajman laj.
4- Se konfime, 5.5 milyon dola ameriken gouvènman
ameriken te dispoze pou akonpagne migran ayisyen yo
disponib sou kont Oganizasyon Entènasyonal
Migrasyon (OIM), daprè direktè prensipal konsèy
sekirite nasyonal la Juan Sebastian GONZALEZ.
Alòske li prezante eskiz li bay popilasyon ayisyèn nan
pou konpòtman gad ak cheval yo te Genyen fas ak
migran ayisyen yo sou fontyè ant peyi etazini ak
Mexique la-a, Diplomat la fè konnen dènye vèsman an
fèt sou kont Oganizasyon Entènasyonal Migrasyon an,
ayé Jedi-a.
5- Liberasyon kont ranson jedi swa, Marie Marthe
LAURENT, madanm dyak Sylner LAFAILLE. Menm
si pa genyen detay sou kantite lajan ki al jwenn
kidnapè yo pou liberasyon sa-a. Toutfwa-a, se
konfime, ravisè yo te egzije nan yon premye tan, 2
milyon dola ameriken, anvan yo te vin desann nan 50
mil dola apre yon seri negosiyasyon.
6- Mezi entèdiksyon depa ki te pran kont jij lakou
kasasyon, Mécène JEAN-LOUIS nan fevriye 2021 an,
alòske li te prezidan dezinye nan epòk la-a pou tal
asire transizyon an, Pòt pawòl sektè demokratik ak
popilè-a, wè nan demach sa-a, yon etatp nan
aplikasyon akò 11 septan nan. Toutfwa-a, nap raple
anpil moun kritike mèt André MICHEL depi kèk jou,
pou tèt li pat janm nonmen non mèt Mécène JEAN-
LOUIS nan òkenn nan entèvansyon li yo, depi kèk tan.
7- Pwodiksyon teyat Toupatou lanse, vandredi premye oktòb
la-a, nan pako, pòtoprens, 6èm edisyon festival ki batize
« Quinzaine Internationale Handicap et Culture », « anba
tèm « L'art au service d'une cause ».
Festival sa ap genyen pou dewoule soti vandredi premye-a
pou rive 15 oktòb 2021, dapre direktè atistik, Johny
ZEPHIRIN, ki fè konnen genyen diferan aktivite ki prevwa
reyalize nan kad festival sa-a, tankou Atelye Fòmasyon,
espektak ak konferans
Rédaction : Ganito FRANCOIS
Réalisation & mise en Ligne : Mysuel THIMOTÉE