En Direct | Premye Okazyon | 05 Octobre 2021

Premye Okazyon | 05 Octobre 2021
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).
Invité du jour : Sénateur Patrice DUMONT.

Les titres
1.- Travay jidisye yo reprann ofisyelman premye lendi mwa oktòb la nan tout 18 jiridiksyon yo –
Premye minis Ariel HENRY ak lòt otorite nan la lajistis la patisipe nan seremoni pou demare ane jidisye a nan lakou kasasyon .
Se vre lane jidisyè-a ouvè, men lajistis te deja pap fonksyone depi kèk tan, dapre batonye lòd avoka pòtoprens yo, ki pwofite site non ansyen komisè Bedford CLAUDE kòm moun ki tap bòykote ankèt sou asasina ansyen batonye a met Monferrier DORVAL.

2.- Se vis prezidan lakou a ,jean Claude Theogene kite jwe wol prezidan seyans pou pwosede ak repriz travay jidisye yo nan plas ansyen prezidan met Rene Sylvestre kite mouri swit ak maladi kowona 23 jen pase a .
Nan bilan li prezante,vis prezidan lakou a revele tribinal yo nan repiblik la rann Mil 822 desizyon pami yo 48 are bokote lakou kasasyon .

3.- Oganizasyon sitwayèn pou yon nouvèl ayiti-a mande direktè jeneral polis la Léon CHARLES konstate echèk ak enkapasite li pou dirije komandman polis nasyonal la, epi remèt demisyon li san pèdi tan.
Kowodonatè OCNH la-a, mèt camille OCCIUS pran pozisyon sa apre sa ki pase nan matisan vendredi passe-a, kote yon lòt polisye pèdi lavil anba bal bandi nan zòn sa. Dirijan OCNH la kondane fason Léon CHARLES kontinye ap voye polisye yo al mouri nan move konsisyon.

4.- Grèv Yon gwoup nan sektè Sendikal la te paralize gen dives sektè aktivite ,pami yo lekòl ak kèk antrepriz prive ki pat louvri pot yo pou premye jounen grev avetisman sa .
Inisyatè mouvman sa a ki fè konnen modod grèv la leve salye kolaborasyon popilasyon an ak divès lot sektè ki daprè yo pote kole pou reyisit jounen protestation sa pou te di non ak ensekrite jeneralize peyi a ap konnen depi kek tan epi zak kidnaping yo kap ogmante chak jou ,mete sou sa pwoblem gaz ki genyen nan ponp yo.

5.- Paste Jean Mary Ferrer Michel ak 2 lot manm asanble Jesus Center yo toujou nan men ravise yo – Fanmi paste a ki gen 76 lane enkyete anpil akoz eta sante li ki frajil anpil –
Konferans Pastè Ayisyen eksprime kè kase li genyen fas ak fenomèn ensekirite-a ki pa epanye legliz yo, 2 dimanch youn apre lòt. Dapre pastè Jean Ernst VINCENT, se yon seri atak sible ki fet kont sekte a .
Prezidan COPA mande kretyen yo pou angaje yo batay kont fenomèn kidnaping nan kip a epanye òkenn sektè nan sosyete-a.

6.- Polisye ki pa sispann tonbe anba bal bandi nan operasyon yo revòlte Sendika Polis Nasyonal la-a ki egzije revokasyon direktè jeneral a.i enstitisyon an, Léon CHARLES. SPNH-17 la-a remete an kesyon, konpetans patwon PNH la-a.
Ogmantasyon zak kidnaping yo, lanmò polisye Michelet EXIL, vandredi pase-a, nan matisan, se 2 lòt zak, ki dapre manm sendika polis la-a, ki vin pwouve aklè enkonpetans Léon CHARLES nan tet enstitisyon an .

7.- Nou aprann enspeksyon jeneral polis la ta konvoke pou jounen madi a pot pawol SPNH-17 la,polisye Domond Synci swit ak denye konferans li te bay 20 septanm pase a kote li denonse DG PNH la kap pesekite polisye sendike yo.
Se met Arnel Remy kap genyen pou akonpaye pot pawol sendika lapolis la,dapre kodonate jeneral SPNH-17 la ,jean Elder Lundi .

Rédaction : Ganito FRANCOIS
Réalisation & mise en Ligne : Mysuel THIMOTÉE