En Direct | Premye Okazyon | 07 Octobre 2021

Premye Okazyon | 07 Octobre 2021
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).

Les titres
1.- Ekriven ayisyen DR Rony GILOT mouri mekredi 6 oktob la nan lopital St luc,komin taba . Ansyen depite,ansyen minis ,sekrete jeneral sena repiblik la,Rony Gilot se pitit seksyon kominall Bodarie,komin grangozye,depatman sides peyi a .
Medsen chirugien,politolog,Rony Gilot te ansyen depite komin grangozye,tyot ak ansapit soti lane 1973 rive 1986 ,ansyen minis enfomasyon ak kodinasyon soti 1978 rive 1979,ansyen sekrete jenerall adjwen pale nasyonal sou prezidans Jocelerme Privert .

2.- Dr Rony Gilot ki ekri anpil liv sou peryod Duvalier a pibliye yon yon kenzen tom nan seri Augre de la mémoire kote li ekri sou dives pesonalite tankou leslie Francois Manigat,Michel Martelly,Youri Latortue,Joseph Lambert ak Garry Conille .
Rony Gilot te prezan ak plizye liv li tap siyen nan 27em edisyon livre en folie ki te dewoule soti 31 me rive 13 jen ane sa .

3. – Asasina Jovenel MOISE. Ansyèn premyè dam Martine MOISE pase plis pase katrèdtan, mèkredi 6 oktòb la-a, ap reponn kesyon jij enstriksyon Garry ORELIEN, ki chaje pou mennen ankèt nan kad dosye sila-a.
Martine MOISE konfime li reponn tout kesyon jij la kòm sa dwa, e li rete disponib pou reponn lajistis sou nenpot ki dosye ki ta genyen nonl site. Jistis pou Jovenel MOISE, Martine MOISE di Li pap fè bak.

4.- Ofis Pwoteksyon Sitwayen OPC dil enkyè pou sekirite jij kap ankete sou asasina ansyen prezidan Jovenel MOÏSE la, Garry ORELIEN ak kondisyon lap travay .
Biwo jij la pa aksesib, li toujou gen pwoblem kouran, daprè pwotektè sitwayen an. Mèt Renan HEDOUVILLE mande ministè Jistis ak CSPJ pou pran dispozisyon nesesè epi kreye kondisyon pou jij la kapab fe travay li kom sadwa.

5.- Pou pi piti yon trantèn moun arete madi 5 oktòb 2021 an, nan vil senmak, dapre sa korespondan nou rapòte.
Arimay sa fèt nan kad yon operasyon ajan PNH yo mennen swit ak divès enfòmasyon yo resevwa kòm kwa te gen manm baz 400 marozo kite vinn pran refij yo nan Vil Senmak.

6.- Ensekirite ak ka Kidnaping yo kontinye ap vale teren nan kapital la-a pwouve aklè, enkonpetans, ak mank volonte Léon CHARLES. Oganizasyon sosyo-Politik la kontinye reklame demisyon san kondisyon direktè jeneral a.i polis nasyonal Dayiti-a.
Dapre responsab VIV AYITI yo, patwon enstitisyon polisyè-a pa bay okenn rezilta, fas ak fenomèn ensekirite-a ki kontinye ap mete dlo nan je popilasyon an chak jou pi plis.

7.-Bandi kidnape polisye Jocelyn Jean Philippe madi 5 oktob 2021 an ,nan kap ayisyen .
Jocelyn Jean Philippe ki soti nan 26 em pwomosyon PNH la te afekte nan UDMO ,li te apen transfere soti senmak pou ale kap ayisyen .

8.-Pwoblèm gaz la kontinye pèsiste sou mache-a, kote chofè ak pwopriyété machin pa sispann kouri monte desann dèyè yon galon gazolin.
Manm sekté transpò-a ki denonse sityasyon sa-a kwè se feblès dirijan yo ki lakoz dezòd sa-a kap rapouswiv nan peyi-a, kote menm gang yo rantre nan detounen kamyon gaz, tribò ba bò.

Rédaction : Ganito FRANCOIS
Réalisation et mise en ligne : Mysuel THIMOTÉE