En Direct | Premye Okazyon | 08 Novembre 2021

Premye Okazyon | 08 Novembre 2021
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).

Les titres
1.- Etazini kontinye ap woule otorite ayisyen yo nan farin – 15 jou anviwon depi pot pawol lamezon blanch la te anonse Etazini pral ede ayiti jere livrezon petrol la anyen konkre poko reyalize jiskaprezan .
Okontre anpil enstitisyon leta ak antrepriz prive oblije femen pot yo oubyen redwi nan ore travay yo akoz yo pa kapab jwenn gaz pou fonksyone.
Chofe kamyon gaz yo toujou gen gwo difikilte pou al ranpli kamyon yo nan prensipal teminal yo kise varreux ak torland malgre anons lamezon blanch la kite di yo pral apiye lapolis nasyonal dayiti nan jefo li ap fe pou tabli yon pasaj ki ofri sekirite pou pemet livrezon petwol la fet .

2.- Efektivman anpil enstitisyon sevis piblik ak prive anonse gwo difikilte yo genyen pou jwenn gaz pou yo fonksyone , se ka DINEPA ki anonse dilijans ak kontak li fe bokote otorite nasyonal yo,enstitisyon an pa kapab jwenn gaz achte pou fe fe fonksyone 20 stasyon ponpaj li genyen nan zon metropoliten potoprens la.
San gaz pou fe fonksyone ponp yo ,popilasyon komin taba,site sole yak delma riske pap jwenn dlo pou yo sevi,dapre DG DINEPA ,Guito Edouard .

3.- Apati jodi lendi 8 novanm nan gichè bank yo ap fonsyone sèlman 3 jou nan semèn an, « Lendi, mèkredi ak vandredi », soti 8h30 nan maten pou rive 2h00 nan apremidi, dapre yon nòt Asosyasyon Pwofesyonèl Bank yo mete deyò vandredi pase a .
Responsab APB yo eksplike yo pran desizyon sa, pou tèt anpil difikilte ki genyen pou yo rive jwenn gaz pou fonksyone. Dapre nòt sa-a, se yon mezi kap kenbe jiskaske pwoblèm gaz la-a rezoud.

4.- Pesonn pa an mezi pou konnen kantite moun bandi touye oubyen kidnape pandan wikenn sa nan rantre sid kapital la .
Gang ak zam yo tire sou anpil machin kap tante travese wout matisan ,yo touye oubyen kidnape moun jan yo vle ,san okenn entevansyon lapolis nasyonal dayiti.
Yon sel Blende ki kanpe devan sou komisarya matisan sanble la selman pou sekirize batiman men pa pou garanti sekirite popilasyon an kap riske vi yo chak jou nan zon sa .

5.- Youn pami denye viktim yo se Esperanta Guerrier,yon granmoun 95 lane bandi asasinen andedan machin li samdi 6 novanm nan matisan 7.
Chofe a Reginald Chery li menm tou te mouri sou plas aloske 3 lot moun kite nan machin sa te blese gravman grav,dapre konsta jij depe kafou a .

6.- Depi premye jen gang ak zam yo nan katye gran ravin ak vilaj de Dieu ap batay kont gang tibwa ,yon fason pou rive pran kontwol matisan 4 kote ki genyen yon konpleks komesyal ak terminal petwolye ,dapre seten abitan .
Depi dat sa ,se toujou gwo risk pou moun ki prale nan depatman sides,grandans ,nip ,sid ak yon pati nan lwes la rive traverse katye matisan akoz bandi ak zam kap teworize popilasyon an .
Se chyen ak kochon ki manje Anpil nan moun ki mouri anba bal bandi nan katye sa ki anba kontwol neg ak zam yo san yo pa epanye pesonn moun .

7.- Sitiyasyon an pa diferan nan komin kwadebouke kote gwoup gang 400 mawozo kontinye ap teworize popilasyon an .
Pou avanye samdi a ,bandi yo touye ak bal yon ti gason 7 lane ki gen nasyonalite ameriken epi blese 2 lot manm fanmi an kise papal ak gran fre viktim nan ki gen 9 lane .
Dram sa rive nan moman machin sa kite gen manm yon sel fanmi tal pandan sou yon gwoup bandi kite louvri kout zam sou yo.

8.- Komise gouvenman potoprens la,met Jacques Lafontant mande lapolis nan jiridiksyon li an poucheche ,idantifye epi depiste tout kote yo sere gaz an kachet .
Nan yon korespondans li voye bay direkte depatmantal lwes polis la , komise gouvenman bay lod pou arete tout moun yo jwenn nan espas sa epi trennen yo devan pake a pou swit legal swivan dekre 20 desanm 1946 sou mache nwa ak espekilasyon ilisit .

9.- Aye dimanch 7 novanm nan fe egzakteman 4 mwa jou pou jou depi prezidan Jovenel MOISE te mouri asasinen lakay li,nan peleren 5 ,komin petyonvil . 4 mwa apre ,anpil nan prezime kriminel yo kontinye ap flannen nan lari .
Lapolis toujou poko kapab egzekite manda rale mennen vini yo gen yen kont Joseph Felix Badio,John Joel Joseph ,Windelle Coq Thelo,Rodolph Jaar ak Samir Handal malgre ministe lajistis te mete 10 milyon goud disponib pou nenpot moun ki pemet yo mete anba kod fijitif sa yo pou enplikasyon prezime yo nan asasina ansyen prezidan peyi a .

Réalisation & mise en ligne : Mysuel THIMOTÉE.