En Direct | Premye Okazyon | 08 Novembre 2022

Premye Okazyon | 08 Novembre 2022
Présentation : Dieuseul GUERRIER, Pierre Renel RENÉ (PRR), Lydie ALEXANDRE & Johnny FERDINAND.
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).

Les titres
1.- Depatman Deta Ameriken anonse òf rekonpans pou enfòmasyon ki mennen ak arestasyon oswa/ kondanasyon 3 Chèf Gang Ayisyen poutet yo te oganize epi patisipe 16 oktòb 2021, nan konplo pou kidnape 16 misyonè kretyen ameriken ak yon misyonè kanadyen epi kenbe yo pou ranson.
Nan kad jefò pou kontinye enpoze konsekans epi rann moun ki fòmante vyolans ann Ayiti yo responsab,depatman deta ameriken yo anonse òf rekonpans jiska 1 milyon dola chak, pou enfòmasyon ki mennen ak arestasyon oswa/ a kondanasyon 3 sitwayen ayisyen – Joseph Wilson alyas Lanmò Sanjou, Jermaine Stephenson, alyas Gaspiyay ak Vitel’Homme Innocent — pou konplo yo fè pou patisipe oswa eseye patisipe nan krim transnasyonal òganize.
Anons sa fèt nan kad akizasyon Depatman Lajistis Ameriken mete sou tèt 3 endividi sila yo.

2.- Anplis, lajistis ameriken devwale lot akizasyon nan ka ki enplike 3 lòt gang ayisyen: Lidè gang Gran Ravine lan, Renel Destina, ke yo rele tou “Ti Lapli,” ki gen 40 an, te enkilpe nan akizasyon pou otaj la.
Akizasyon an akize gang lan ki te kidnape yon viktim Ameriken nan mwa fevriye 2021, kote yo te kenbe viktim nan pou anviwon 14 jou.

3.- Chef gang Village de Dieu a , Emanuel Salomon alyas “Manno,” ki gen anviwon 30 an, te akize nan yon plent kriminèl pou kidnapin yon sitwayen Ameriken nan mwa janvye 202.
2 chef gang Kokorat san Ras, John Peter Fleronvil ak Jean Renald Dolcin, te akize ak yon plent pou kidnapin ak zam twa viktim Ameriken nan mwa Jiyè 2022.

4.- 2 prezime bandi mouri nan echanj kout zam ak lapolis ,nan stasyon Puits blain an,lendi 7 novanm nan.
Lapolis rekipere yon pistole 9 milimet kite nan men prezime bandi yo . Komisarya delma deside ogmante patwouy li yo nan nivo plizye twonson wout tankou nan delma 75 ,delma 33 kote yo anrejistre plizye ka kidnapin nan denye jou sa yo,dapre PNH la.

5.- Bandi ak zam asasinen anba bal jounalis Fritz Dorilas, samdi 5 novanm pase a, nan zòn Karade, komin Taba.
Sa fè 3zyèm jounalis ki mouri asasinen nan mwens pase yon mwa nan peyi a.
Jounalis Fritz Dorilas te youn pami animatè emisyon ki rele « Le droit, la loi et la justice », ki pase sou antèn Radio Megastar. 19 jounalis mouri ou byen blese Soti mwa janvye pou rive jounen jodi a ,dapre RNDDH.

6.- Plis pase 70 oganizasyon ki soti nan divès sektè nan lavi nasyonal la Pami yo sektè pwotestan an siyen yon ” pak pou lapè”.
Dokiman sa a rive siyen aprè plizyè mwa chita pale ant pwotagonis yo ,daprè reponsab oganizasyon relijye ki Pote non vizyon pou Ayiti ak le mond lan pastè Maxo Joseph. Nan dokiman sa a aktè yo prevwa pou diskite ak tout sektè nan lavi nasyonal kou entenasyonal la, daprè responsab oganizasyon inisyativ sitwayèn pou chanje site solèy ki fè konnen gen yon trèv 30 Jou ki prevwa pou pèmèt lavi retounen nan peyi a epi pou fasilite timoun yo rive pran chemen lekòl.

7.- Siyatè akò Montana yo chita pale ak plizyè estrikti nan sosyete sivil la dimanch 6 Novanm nan.
Daprè prezidan akò Montana se te yon rankont restitisyon pou di ak popilasyon an nan ki nivo yo ye ak diskisyon ki te tanmen ak plizyè sektè nan vi nasyonal la.
Steven Benoit pèsiste kwè akò Montana se pi bon pwopozisyon sòti kriz ki fèt depi lè Ayiti twouvèl nan sitiyasyon malouk lap konnen depi kèk tan.

8.- edikasyon – Pa vreman genyen elev nan gran sid peyi a soti depi nan komin kafou ki rive pran chimen lekol jounen lendi 7 novanm nan.
Kondisyon yo pa reyini ,dapre plizye pwofese nan komin kafou ak leyogan ki konsidere pwoblem gaz la , lavi che ak klima ensekirite a kom pi gwo tet chaje ki tad we rezoud anvan pou lekol yo ta komanse fonksyone.

Productions : Jean-Claude DOLCÉ.
Coordination : Peterson LUXAMA.
Rédaction : Dieuseul GUERRIER.
Réalisation & mise en ligne : Mysuel THIMOTÉE.