En Direct | Premye Okazyon | 09 Juin 2021

Premye Okazyon | 09 Juin 2021
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Meteyo avèk Chrisnette SAINT-GEORGES.
Kija Potoprens leve maten an? avèk Mackenson RÉMY (4*4).

Sommaire
1- Anviwon yon milye moun ki soti nan matisan ak fontamara kal refijye yo nan sant espòtif kafou-a depi dimanck 7 jen 2021 an. Depi lè sa se nan kole zepòl moun sa yo rive jwenn yon ti lamanjay.
Sinistre yo ki pa konnen ki se pou yo rele mande otorite konsène yo pran tout dispozisyon pou pèmèt yo rantre lakay yo. Nap gen poun swiv yon repòtaj avèk Jean Georges BLAISE.

2- Refrandòm enkonstitisyonèl. Kèk sitwayen nan kapital la bat bravo lakontantman pou referandòm nan ki repòte, lè yo konsidere kontèks sosyal ak ekonimik peyi a.
Si ansyen patwon agritrans an vle reyalize san gade dèyè pwojè sa, sitwayen yo sou bò pa yo estime peyi-a pa gen pwoblèm konstitisyon men pito move dirijan, pandan yo rete kwè si referandòm nan anile lap pi bon.

3- Alòske referandòm nan pap fèt 27 jen an ankò, Divès estrikti, pami yo « Mache pou lavi », Fondasyon Je Klere ak NOU KONSYAN, fè konnen yo pran akt de desizyon otorite elektoral yo ki repòte referandòm nan ki te fikse pou 27 jen kap vini la-a, san pako genyen òkenn dat ki fikse pou sa-a.
Direktè egzekitif Sant Analiz ak Rechèch nan zafè dwa moun yo, CARDH fè konnenn batay la ap rapouswiv pou rive fè echèk ak referanfòm Jovenel MOISE la-a, ki déjà pa kadre ak manman lwa peyi-a.

4- Repò san dat referandòm enkonstitisyonèl la-a. FJKL rekòmande otorite yo nan pouvwa-a itilize lajan ki te disponib pou reyalize pwosesis la-a pou konbat ensekirite jeneralize andan peyi-a, epi ranfòse kapasite santè peyi-a pou rive fè fas ak Covid-19 la-a.
Oganizasyon kap defann dwa moun nan souliye non sèlman feblès estrikti sanitè yo nan peyi-a, siton pandan peyòd pandemi an, men tou FJKL mete aksan sou gang ak zam nan diferan katye kip a sispann fè viktim nan mitan popilasyon sivil la-a tankou nan kan lapolis.

5- Sektè demokratik ak popilè-a pa deside resevwa reprezantan konsèy pèmanan Oganizasyon Eta Ameriken, (OEA) an ayiti pou konvenk diferan aktè ki enplike nan kriz politik la-a chitan ansanm pou soti ak yon solisyon.
Estrikti sa nan opozisyon an fè konnen li jistifye avèk elegans pozisyonl poul pa patisipe nan seri diskisyon yo. Sektè demokratik la-a repwoche Oganizasyon Eta Ameriken an li estime kip a janm rate okazyon pou sipòte Jovenel MOÏSE sou pouvwa ak tout betiz li yo.

6- Oganizasyon Eta Ameriken pa genyen ni moralite, ni lejitimite pou jwe wòl mitan jwèt nan chita pale ant aktè yo sou kriz peyi-a. Se pozisyon Oganizasyon Sitwayèn pou yon Nouvèl Ayiti.
Kòdonatè jeneral OCNH la-a, mèt camille OCCIUS di li pa konprann koman pou yon lidè politik nan opozisyon an fè aksepte OEA vin jwe wòl medyatè pandan menm medyatè sa deja gen yon pozisyon arete an favè Jovenel MOISE nan kriz la.

7- Yon ansyen kazèk seksyon Twoudanfè, nan komin obòy PHILIPPE SÉLIMA mouri ak bal, yon jèn gason blese ak plizyè kay boule. Se bilan sitiyasyon tansyon kap devlope nan zòn sa depi anviwon yon semèn.
Daprè temwanyaj responsab divès òganizasyon popilè ak politik nan Obòy, se aktyèl kazèk zòn nan, OLIN JEAN ak patizan li ki ta komèt krim sa yo. Yo mande konkou otorite lapolis ak lajistis nan depatman nò-a.

Réalisation & mise en ligne : Mysuel THIMOTÉE.