En Direct | Premye Okazyon | 09 Mai 2022

Premye Okazyon | 09 Mai 2022
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).

Les titres
1.- Dives oganizasyon sendikal kontinye pote Sipo yo ak 2 jounen grev jeneral ki lanse pou jodi lendi a 9 ak demen madi a ,yon fason pou mande gouvenman Ariel Henry a asime responsabilite li parapo ak zak bandi yo kap teworize popilasyon sivil la.
Oganizasyon sa yo pami yo kodinasyon sendikal ayisyen , Plamota ak fowum oganizasyon sendikal popile antann pwoteste kont rate gaz la sou mache lokal la.
Oganizasyon sila yo envite popilasyon nan tout 10 depatman peyi a pou respekte 2 jounen grev sa yo ki prevwa pou jodi lendi 9 ak demen madi a.

2.- Nan komin zon plen nan Plizye santen abitan nan te desann nan lari vandredi pase a pou dénonse klima vyolans ki genyen nan komin taba ak kwadebouke depi plis pase 2 semen kote gwoup gang 400 mawozo ap twoke kon li ak baz Chen méchan.
Pwotesate yo ki di yo pa ka viv nan sitiyasyon sa mande otorite yo pou asime responsabilité yo.

3.- Plizye zak kidnapin anrejistre denye jou sa yo nan kapital la – Bandi ak zam kidnape Bernard Gue , yon anplwaye DGI santral aye dimanch la nan zon dyeg ,komin petyonvil.
Marc Henry, yon anplwaye lopital Lapaix twouve li depi aye dimanch la anba men yon gwoup neg zam ki kidnape li ,nan komin petyonil . Se menm sitiyasyon an pou pedyat,

4.- 8 sitwayen peyi La turquie kidnape aye dimanch la nan zon Coutard komin kwadebouke, yo te abo yon otobus Mero kite soti repiblik dominiken.
Anbasad Turquie déjà enfome gouvenman ayisyen an konsenan dosye sa,dapre jounalis Yves Marie Channel ki presize ta gen plizye pasaje ayisyen nan bus sila egalman.

5.- 3 endividi pami yon jenn fanm arete ak 2 zam otomatik yon AR15 ak M14 ,samdi 7 me pase a ,nan komin laskawobas , depatman sant peyi a.
Wisler Israel ,Norilus Camilus ak Cathiana Jean se non 3 endividi sa yo ki pou kounya ap reponn kesyon lapolis.
Antretan swit ak yon alet lapolis nasyonal dayiti,solda dominiken yo arete epi remet bay PNH la, Elionot Bacilice alyas Je Wouj ki ta manm gang 400 mawozo.

6.- Depi plis pase 2 semen ,bandi ak zam ap twoke kon yo nan komin taba ak kwadebouke – Gang 400 mawozo anvayi baz chen mechan ,saki lakoz anpil moun viktim nan mitan popilasyon sivil la.
Dapre, Nasyon zini ,konfli sa lakoz 75 moun mouri pami yo fanm ak timoun ,68 lot blese ak 9000 moun kouri kite lakay yo,10 timoun pandan yon sel jounen dapre UNICEF.
Nasyon zini mande otorite yo pou reyaji fas ak demand popilasyon an epi pran dispozisyon nesese pou kontrekare zak bandi yo.

7.- Fineray jounalis Carl Dieudonne chante samdi pase a ,nan legliz senpye petyonvil , an prezans fanmi,zanmi ak kek konfre nan pres la . Malad, Carl Dieudonne ,49 lan, te mouri 24 avril pase a.
Se menm samdi a tou,fineray pwofese Dieudonne Lherisson chante nan pawas notre dame secours ,delma 75 ,an prezans dives pesonalite tankou premye minis Ariel Henry ,prezidan sena Joseph lambert ak ansyen prezidan Michel Martelly . Ansyen kandida pou pos depite marigo, Dirijan pati PlANSPA, ki te mouri 27 avril pase a swit ak yon maladi cancer kolon, li te gen 54 lane.

Rédaction : Dieuseul GUERRIER.
Réalisation et mise en ligne : Mysuel THIMOTÉE.