En Direct | Premye Okazyon | 09 Septembre 2021

Premye Okazyon | 09 Septembre 2021
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ.
Météo avec Chrisnette SAINT-GEORGES.
Kijan Potoprens leve pou maten an? avec Mackenson RÉMY.

Les titres
1- Komite konsiltatif endepandan ki travay sou pwojè nouvèl konstitisyon sa-a, remèt travay la-a bay premye minis Ariel HENRY, mèkredi 08 septanm 2021 an. Atravè nouvo pwojè sa-a, CCI pran tout dispozisyion pou evite tout volonte pou ta tabli diktati nan peyi-a epi asire yon vrè ekilib ant pouvwa yo nan leta, dapre Mona JEAN, manm komite-a.
Rejim prezidansyèl, palaman bikameral, endepandans jidisyè poun site sa yo sèlman…Se kèk pami pwen ki karakterize nouvo dokiman sa-a.

2- Chanjman konstitisyon an pap ka rezoud tout pwoblèm peyi-a ap fè fas, se deklarasyon premye minis Ariel HENRY, ki remèsye manm komite konsiltatif endepandan yo pou travay sa-a. Chèf gouvènman, toutfwa-a aranjel bòl kote sila-a yo ki kontinye kwè fòk demokrasi-a ranfòse atravè yon nouvèl konstitisyon.

3- Non Joseph Felix BADIO kite akize kòm moun kite planifye asasina ansyen prezidan Jovenel MOISE, pa nan lis moun ki enkilpe yo, komisè gouvènman pòtoprens la-a, mèt Bedford CLAUDeE voye bay kabinè enstriksyon. Se revelasyon mèt Reynold GEORGES, avoka Jean Laguel CIVIL.
Dapre avoka, se yon estrateji pou kòmanse ekate moun nan dosye sa-a. Yon lòt bò, mèt Reynold GEORGES mande Bedford CLAUDE kiyès ki bal dwa poul ekri digicel mande relve appel, alòske dosye-a deja devan kabinè entriksyon.

4- Konsèy Ektoral Guirlande MÉSADIEU ap dirije-a pa gen okenn tit ak kalite pou ap deside sou non peyi-a. Se pozisyon Oganizasyon Pèp kap Lite sou lis fòmasyon politik KEP mete deyò, kap genyen pou al patisipe nan eleksyon yo. Dapre OPL, pa gen okenn sektè kle nan lavi nasyonal ki okipe enstitisyon sa-a ilegal.

5- Pwopriyetè ak chofè machin nan plèn nan denonse endividi ak zam kap fè pase revandikasyon yo pa sispann fòse chofè yo abandone machin pou bloke lari-a. Pafwa yo menm rive mete dife nan machin sa yo oubyen andomaje yo
APCPCS mande otorite konsène yo aji vit pou yo sispann viktim anba vye pratik sa yo.

6- Dezòmè. Ayiti gen yon dokiman sou koze anviwonman. “Pacte pour la transition écologique et sociale en Haïti”, se non dokiman sa-a gwoup aksyon frankofòn pou anviwonman (GAFE) nan tèt kole ak mouvman nasyonal sitwayen pou klima (ALTERNATIBA) prezante bay gran piblik la mèkredi 8 septanm lan.
Zouti sa ki vize kontribye nan edikasyon anviwonmantal popilasyon an, gen yon ansanm mezi pou rive konstwi yon teritwa ki pi ekolojik.

7- Divès lekòl prive nan peyi-a pa deside respekte dat 21 septanm ak 4 oktòb ministè edikasyon nasyonal anonse pou relouvèti klas yo. Lendi 6 septanm nan, genyen plizyè lekòl fonksyone kòm sa dwa.
Divès òganizasyon sendikal nan sektè edikasyon an denonse konpòtman direktè lekòl sa-a, ki vin konfime kesyon lekòl a 2 vitès nan peyi-a.
Yo mande otorite yo nan ministè edikasyon pran sanksyon kont dirijan lekòl prive sa yo ki pa respekte dat ki fikse pou ouvèti ofisyèl klas yo.

Réalisation & mise en ligne : Mysuel THIMOTÉE