En Direct | Premye Okazyon | 11 Mai 2022

Premye Okazyon | 11 Mai 2022
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).

Les titres
1.- Yon masak san parey –se konsa RNDDH dekri batay ant gang 400 mawozo ak chen mechan nan komin kwadebouke ak taba kote 148 moun mouri ,dapre oganizasyon dwa moun nan.
Plizye milye moun kouri kite lakay yo loske bandi 400 mawozo yo te anvayi baz chen mechan nan kwademisyon lannwit samdi pou louvri dimanch 24 avril ,dapre rapo prelimine yon anket oganizasyon dwa moun nan ki presize gen 81 kay ak 57 machin ki boule.

2.- Nan rapo sa,RNDDH rekomande otorite yo nan leta pou sispann pwoteje gang ak zam, konbat trafik ilegal zam ak minisyon epi kanpe sou politizasyon PNH la.
RNDDH mande pou gen anket ki Mennen sou seten polisye ki ta nan konivans ak gang yo epi reprann kontwol teritwa ki anba men bandi yo pandan leta ap cheche pwoteje popilasyon an.
Nan komante RNDDH yo,yo souliye jiska prezan pi gran founise zam ak minisyon ki al jwenn gang yo se leta ayisyen ,ansyen eli yo,manm sekte prive a ak lot pesonalite politik ki vle pran pouvwa men ki kwe se gang ak zam kap kapab fasilite yo.

3.- Plis pase mil polisye revoke poutet yo abandone pos yo nan enstitisyon an pandan selman 6 mwa komandman Frantz Elbe.
5 622 chek ak 1 313 kat debi BNC, ki totalize 267 milion 308 mil 183 goud retounen nan ministe ekonomi ak finans swit ak rapo yon komisyon espesyal kite gen objektif evalye resous pesonel PNH la.
Dapre direkte jeneral ai PNH la,Frantz Elbe ,mezi sa pemet enstitisyon polisye a pran angajman ogmante prim de risk ajan inite espesyalize yo ak briga entevansyon yo atrave peyi a.

4.- Dezyèm jounen pwotestasyon nan direksyon jeneral enpo DGI . Tout aktivite yo toujou rete paralize nan bwat sa a kote Pwotestatè yo ap egzije liberasyon Bernard Gay ,direktè adjwen enstitisyon an bandi ak zam kidnape depi plizyè jou.
Pwotestatè yo pwomèt pou kenbe mobilizasyon an jiskaske Kad DGI a jwenn liberasyon l –

5.- Polisye Alex Mompremier transfere nan peyi etazini 9 me pase a . li akize nan trafik dwog ,lapolis te arete li nan mwa oktob 2020 ansanm ak polisye Ysa Dieudonne epi Eliobert Jasmin, alyas Eddy One.
Kanta Eddy One ,lapolis te arete li yon fwa anko nan mwa mas 2022 pou trafik dwog epi remet li bay ajan DEA yo 7 avril pase a.

6.- « Angajman inivesite a nan batay kont ensekirite ». se anba tem sa 13em kongre pastoral inivesite-achidyosez potoprens la ap dewoule soti 14 pou rive 15 me kap vini la.
Reflechi sou ki solisyon ki dwe jwenn ak fenomen ensekirite a ,se youn nan objektif kongre inivesite sila ,dapre pe Frantzy Petit homme.

Rédaction : Dieuseul GUERRIER.
Réalisation et mise en ligne : Mysuel THIMOTÉE.