En Direct | Premye Okazyon | 11 Novembre 2022

Premye Okazyon | 11 Novembre 2022
Présentation : Dieuseul GUERRIER, Pierre Renel RENÉ (PRR), Lydie ALEXANDRE & Johnny FERDINAND.
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).

Les titres
1.- Gwo tansyon jodi jedi a nan kafou fey kote bandi ki soti nan katye gran ravin tap vin tante tabli baz yo nan zon savann pistach. Bandi yo te atake yon bakop lapolis ak lokal sou komisarya ki nan ansyen kay chef gang tije a.
Pa gen twop detay sou kantite moun kit a mouri oubyen blese pandan atak sa.
Toutfwa nou aprann gen yon prezime bandi ki mouri ,anpil abitan kouri kite lakay yo epi bandi yo tante mete dife nan youn nan blende yo kite an pan.

2.- Dezyem jounen vyolans nan komin Tirivyè latibonit.
Manm Baz Gran Grif touye anviwon 17 moun epi mete dife nan plis pase 75 kay pami yo kay manman jounalis Bertude Horace ki anime emisyon Koze Pèp sou Radio Delta nan Vil Sen Mak.
Zak sayo pase sòti 9 pou rive 10 Novanm 2022 a nan lokalite tankou Preval, Baryè Leon, Jako, Katsanpa ak Lamou.

3.- Fok nou di Zak sa yo vini swit ak lanmo anviwon yon kenzèn jèn gason ak jèn fi manm Kowalisyon Jan Deni te rache ak manchèt epi lage kadav yo nan flèv latibonit la.
Viktim sa yo kite abò plizyè motosiklèt tap pran direksyon mache Pon Sonde pou al vann yon kantite diri manm Baz Gran Grif ki gen nan tèt li Lukson Elan te vòlè nan yon kamyon kitap sòti plato santral pou vini nan Balatibonit.

4.- Fineray sekrete jeneral RDNP a,Erick Jean Baptiste ap chante lendi novanm 2022 a,nan legliz senpye petyonvil ve zon 9h30 nan maten.
Erick Jean Baptiste akonpaye ajan sekirite li Peterson Virnius … te mouri asasine nan laboul 12 ,29 oktob pase a.
Plizye lot mes prevwa chante atrave dives komin andedan peyi a tankou jeremi,miragwan ak senmak.

5.- Kolektif media an liy yo (CEMEL) anonse yon mach pasifik ak rad blan pou dimanch 13 novanm 2022 a nan Kapital la. Yon mach pou denonse zak sasinay ki fèt sou 9 jounalis.
Aktivite sa a ap demare sou channmas pou al bout Delma 33 kote jounalis Romelson Vilcin te mouri , daprè pòt pawòl CEMEL la Dieudonné Saint-Cyr.
Jounalis la fè Konnen pandan menm jounen an gen yon seremoni omaj ki prevwa nan memwa 9 jounalis sa yo.

6.-La polis nan 3yem vil Peyia arete jodi jedi a Rebel Corneille, youn nan chèf mouvman leve kanpe kap fèt kont pouvwa an plas la nan depatman.
Fòs lòd yo arété li san manda, voyé li nan prizon, nan moman li tap patisipé nan you sit-in ki tap fèt devan Pakè Okay pou mandé jistis pou Tess Garry yo te jwenn asasiné 25 oktob pasé a.

7.- Aksyon an abeas Corpus anfave 9 nan prizonye kolonbyen ki enplike nan asasina prezidan repiblik ala Jovenel MOISE.
Pledwari dosye sa ap fet vandredi 11 novanm nan devan dwayen tribunal premye enstans potoprens la Met Bernard Sainvil . Se kabine Maisonneuve ak asosye kap defann kolonbyen yo lapolis te arete 8 jiye 2021 ,yon jou apre asasina Jovenel MOISE lakay li nan peleren 5,petyonvil.

8.- Polisye ki regwoupe tèt yo anndan Sendika Nasyonal Polisye Ayisyen yo mande rèsponsab PNH yo pran bonjan dispozisyon pou ogmante salè yo para rapò ak lavi chè a, san wete lajan tikat la ki dwe rive 30 mil goud.
Mezi sou ogmantasyon pri gaz la gouvènman an toujou kenbe a se youn pami faktè ki pouse ajan PNH sa yo pran desizyon sa.

9.- Maladi kolera ap fè ravaj nan komin Kenskof. Plis pase 22 moun deja pèdi lavi yo, anviwon 80 lòt ki kontamine ap pran swen lopital, se bilan maladi kolera nan komin sa ki gen anviwon 60 mil abitan daprè, Jean Massillon , prezidan Komisyon kominal Kenskòf la.
Bèlfontèn se seksyon kominal ki plis touche , kote maladi a deja pote ale 17 kretyen vivan.
Sitiyasyon an riske vin pi grav akoz komin kenskof pa gen okenn estrikti sanitè ki ka ede yo reponn ak kolera, dapre jean Massillon.

Productions : Jean-Claude DOLCÉ.
Coordination : Peterson LUXAMA.
Rédaction : Dieuseul GUERRIER.
Réalisation & mise en ligne : Mysuel THIMOTÉE.