Premye Okazyon | 12 Octobre 2021.
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).
Les titres
1.-4 prezime bandi tonbe anba bal nan echanj kout zam ak lapolis ki rive sewi 2 zam , yon fizi daso M4 ak yon pistolè kalib 9 milimèt kite nan men prezime kriminel yo.
Prezime bandi sa yo akize komkwa yo tal atake epi egzije lajan nan men pwopriyete yon izin sab ki nan zon penye ,komin petyonvil lendi 11 oktòb 2021 an.
Antrepriz sa ,dapre enfomasyon yo se ta pou ansyen prezidan chanm depite a Cholzer Chancy .
2.- Sitiyasyon an te wo nan katye matisan pandan preske tout jounen an kote bandi ak gwo zam tap fe parad pandan lapolis te absan .
Bandi yo tire anpil katouch , fouye epi kidnape moun dapre enfomasyon yo kote nou aprann ta gen plizye moun ki blese loske bandi yo te louvri kout zam yon bus ranpli ak pasaje.
3.- Gwo van tansyon nan seten katye apre bandi ak zam kidnape plizye moun pandan wikenn nan ,pami yo paste Devariste Eliodor .Nan komin delma ,plizye fidel te leve kanpe pou mande liberasyon san kondisyon responsab legli metodis delma 28 la ,yo prezante tankou yon papa.
Nan komin petyonvil,zon montay nwa ,sitwayen yo te bloke wout la pou egzije liberasyon 3 jenn gason bandi ak zam kidnape dimanch 10 oktob la nan aswe.
Aloske jodi a fe 9 jou depi bandi ak zam kidnape, nan legliz Jesus Center Dèlma 29, pastè Jean Mary Ferrer Michel ak 2 lòt moun, ki toujou nan men ravise yo ki egzije gwo som lajan pou libere otaj yo .
4.- Se jodi lendi 11 oktob la ,odisyon prizonye yo rele prizonye politik yo tankou ansyen depite delma-taba Arnel Belizaire dewoule nan lakou dapel potoprens .
Yon pwochen odyans prevwa pou lendi 18 oktob ,dapre youn nan avoka akize yo,met Arnel REmy ki di yo depoze yon reket pou mande libete pwovizwa anfave detnu yo ..
5.- Patizan Arnel BELIZAIRE yo ki te move kou Kong tap mande liberasyon ansyen depite Delma-Taba a ki femen nan prizon depi 2 lane.
Arnel BBELIZAIRE avan menm li kite lakou dapel te montre li pat kontan desizyon tribinal la Ki ranvwaye afè a pou lot semen .
Se menm pozisyon an bo kote ansyen senatè Youri LATORTUE ki pa dako ak prezidan lakou ki leve syèj, aloske yo te ka rapouswiv ak dosye a.
6.- Dwayen tribinal premyè enstans pòtoprens lan, ap gen pou tande, madi 24 oktòb la-a, aksyon an refere, mèt Arnel REMY entwodwi an favè kòdonatè SPNH-17 la, Jean Elder LUNDI ak plizyè lòt polisye ki gen manda damne dèyè yo.
Jean Elder LUNDI ki denonse sal rele pèsekisyon manm sendika l ap dirije a ap sibi, lonje dwèt li sou DGPNH la , Léon CHARLES, daprè li,k ap chèche entimide otorite yo nan lajistis la pou ansyen delege SPNH-17, Abelson Gros-nègre ka toujou rete femen nan prizon.
7.-Plis pase 10 mil ayisyen rapatriye soti nan plizye peyi depi dat 19 septanm nan ,dapre oganizasyon entenasyonal migrasyon (OIM) . Se peyi etazini,kiba ak bayamas ki voye tounen Migran ayisyen sa yo ,dapre OIM .
Pou selman jounen samdi 9 oktob la,kiba ak etazini voye tounen nan peyi dayiti mil 69 moun pami yo 34 % se fanm ak timoun ,dapre UNICEF ki revele gen 170 timoun ki retounen nan potoprens ak paran yo pou sel jounen samdi a .
8.-Anviwon 19 mil timoun travese depi komansman ane 2021 an jungle ki rele Darien nan ki twouve li nan fwontye ant kolonbi ak panama ,nan sousi pou yo rive ateri sou teritwa ameriken an .
Yon chif istorik dapre UNICEF kantite timoun ki rive travese apye bouchon sa ki rele Darien nan .Anpil nan timoun sa yo se orijne ayiti kote paran yo te pase kek tan nan peyi tankou chili ak brezil .
9.- Gouvenman ap travay pou kounya pou rive mete kanpe yon nouvo koney elektoral.
Nan yon korespondans ki date 8 oktob premye minis Ariel Henry voye bay Gardy Maisoneuve prensipal dirijan Sant Karl Leveque , li envite asosyasyon kap defann dwa moun yo pou reyini diferan akte yo nan sekte a ,yon fason pou seleksyone epi pwopoze pou pita 13 oktob non 3 pesonalite pami yo yon fanm .
Apre verifikasyon,you nan pesonalite sa yo ap gen pou chwazi kom manm pwochen konsey elektoral pwovizwa
10.- 325 jen diplôme ki soti nan 2 pwomosyon lekol nomal siperye , egzije minis edikasyon nasyonal la Marie Lucie Joseph pou entegre yo nan sistem nan apre yo fin boukle 7 mwa staj yo nan 10 depatman peyi a .
jen sa yo malgre fomasyon yo ,toujou poko kapab entegre sekte piblik edikasyon an alosk dosye yo déjà transfere nan ministe edikasyon nasyonal.
Rédaction : Ganito FRANCOIS.
Réalisation et mise en ligne : Mysuel THIMOTÉE.