Premye Okazyon | 13 Septembre 2021
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR)
Météo avec Chrisnette SAINT-GEORGES
Kijan Potoprens leve maten an? avec Mackenson RÉMY
Les titres
1- 11 moun mouri 10 lòt blese grav, se bilan tèrib aksidan sikilasyon ki fèt nan mòn tapyon, maten vandredi 10 septanm nan.
Aksidamn sa enplike yon ti bis Pappadap ki tap transpòte moun fond des Nègres ki pèdi fren ak yon trelè ki abandone sou wout la-a depi kèk tan, e ki deja lakoz yon aksidan nan mèn tapyon. Nap gen pou rejwenn nan jounal la-a, Arnel JOSEPH, korespondan nou depi nan vil Tigwav
2- Aksyon entènasyonal pou dwa Moun yo (AIDH) mande aktè politik yo ak sosyete sivil la pou met tèt ansanm pou rive bay peyi-a yon akò politik, kap pèmèt genyen yon solisyon ki jwenn ak kriz Ayiti ap konnen depi kèk tan.
Kòdonatè AIDH a, Réginald ATUS pwopoze mete kanpe yon kolèj tranzi twa-a, aprè aktè sa yo fin jwenn pwopozisyon inik la.
3- Akò soti kriz. Plizyè òganizasyon popilè apiye desizyon pati politik Fanmi Lavalas pran pou siyen akò Montana ki genyen rapò ak gouvènans tranzisyon an. Dapre responsab òganizasyon sa yo, sa ki di nan akò sa-a, sanble tèt koupe ak gouvènman salut piblik pati-a toujou ap klèwonnen an.
4- Premye minis Ariel HENRY pa genyen òkenn lejitimite pou chanje konstitisyon an, dapre NOU PAP KONPLIS ki kwè ki kwè toutfwa-a, fòk ta genyen yon chanjman reyèl manman lwa peyi-a.
Ricardo FLEURIDOR reklame pito reyalizasyon eleksyon pou renouvle pèsonèl politik la-a kap genyen pou inisye yon vrè deba sou chanjman manman lwa peyi-a.
5- Estrikti ki batize NOU PAP KONPLIS plede an favè yon ankèt entènasyonal endepandan pou fè limyè sou asasina Jovenel MOISE.
Pòt pawòl NOU PAP KONPLIS la-a, Ricardo FLEURIDOR ki estime asasina ansyen prezidan Jovenel MOISE se yon krim Transnational, mande premye minis Ariel HENRY ki endekse nan rapò direksyon Santral Polis Jidisyè, poul fasilite ankèt la-a rapouswiv.
6- Manifestasyon nan vil senmak. Brokè ak debadè ki afekte nan la dwàn ak APN Sen Mak la-a manifeste vandredi 10 septanm 2021 an.
Avèk pwòp kadna yo fème pòt plizyè enstitisyon piblik nan vil la pou mande responsab direksyon jeneral dwàn pòtoprens la-a la bese taks sou dedwanman machin kap soti nan peyi etranje yo.
Réalisation & mise en ligne : Mysuel THIMOTÉE & Josué JACQUELIN.