Premye Okazyon | 14 Janvier 2022
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).
Les titres
1.- Lopital Ste Croix leyogan kap bay sevis depi lane 1971 blije kanpe travay non selman pou pwoteste kont anlevman 2 chofe yo ak yon jeneratris men tou akoz yo pa ka fonksyone nan fe nwa.
Bandi ak zam nan katye matisan te sezi yon jeneratris entsitisyon an te apenn sot achte mekredi pase a.
Nou aprann Youn nan chofe kitap kondwi kamyon yo libere men ravise yo poko vle libere lot chofe a ak jeneratris la.
2.- Lapolis nasyonal konfime arestasyon polisye Martino Stetensky DELLIARD ,28em pwomosyon ki afekte nan konsey elektoral pwovizwa ,pou enplikasyon prezime li nan asasina yon lot polisye ki pote non Jean Ketlet NAU ,lannwit 16 pou louvri 17 desanm pase a,nan delma 32.
Prezime kriminel la rekonet se li menm ki touye fre dam li an poutet viktim nan te gen yon swadizan relasyon anmore anmorez ak mennaj li.
Pou kounya polisye Martino Stetensky Delliard twouve li sou kontwol DCPJ , yon video kap sikile montre koman li te tire ak plizye bal fre dam li Jean Ketlet NAU .
3.- 9 endividi arete ,infòm ,bòt ,badj, kouto ak Yon zam kalib 22 sezi nan kad Yon operasyon lapolis mennen mèkredi pase a nan lokalite twawòch.
Endividi sa yo ki jwenn arestasyon yo te fè tèt yo pase pou manm FADH.
Se Plizyè antite nan lapolis ki te mete ansanm pou reyalize operasyon sa a daprè pòt pawòl PNh la .
4.- Nasyon zini lanse apel bay otorite ayisyen yo pou Mennen bonjan anket sou asasina 2 jounalis ayisyen kit a pral fe repotaj sou zak vyolans neg ak zam yo ap komet nan zon laboul 12,komin petyonvil.
Responsab zak yo dwe fe fas ak lajistis ,dapre nasyon zini .
5.- Rodolph JAAR ,youn nan sispek kle nan asasina prezidan repiblik la ki avwe li patisipe nan planifye ak finanse asasina transfere mekredi a ozetazini apre Lapolis dominiken te fin arete li 7 janvye pase a.
Rodolph Jaar kite nan prizon drog ,pwomet pou kolabore ak otorite jidisye ameriken yo,yon fason pou pen li kapab redwi.
Rodolph Jarr fe pati plizye yon lis plizye lot endividi lapolis nasyonal dayiti ap cheche tankou Cineus Francis Alexis,Ashkard Pierre( yon ansyen diplomat) ,ansyen senate John Joel Joseph, Joseph felix Badio ak jij Windell Coq Thelot.
6.- Premye minis Ariel HENY akonpaye manm gouvenman ak dives lot kad nan administrasyon piblik la twouve yo cotes des Arcadins pou yon retret 2 jou.
Retret gouvenmantal sa ap dewoule nan lide pou pi byen amonize ak travay ansanm nan kad aksyon gouvenman.
7.- Anseyan yo nan grans Sud peyi a denonse pwomès akonpayman yo di otorite konsène yo te fè aprè pasaj tranbleman tè 14 out pase a men ki pa raspekte.
Anseyan yo fè pledwaye sa nan okazyon virewon solidarite Unyon nasyonal nòmalyen ayisyen òganize soti 28 pou rive 30 Desanm pase a nan gran Sud peyi a,dapre Josue Merilien.
Réalisation et mise en ligne : Mysuel THIMOTÉE.