En Direct | Premye Okazyon | 14 Mai 2021

Premye Okazyon | 14 Mai 2021
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR)

Les titres :
1- Ayiti toujou anba menas epidemi Corona virus la-a. Nan plizyè rejyon nan peyi-a, genyen sèten ka grip ak fyèv ki sinyale. Yon sitiyasyon ki kòmanse enkyete anpil popilasyon an sitou avèk aparisyon yon nan nouvo souch ki deja an repiblik dominikèn.
Divès sitwayen radyo karayib enntèroje pa kache enkyetid yo fas ak menas ki pandye sou peyi a. Nap genyen poun swiv yon repòtaj avèk Réginald REMY nan jounal la-a.

2- Koripsyon nan administrasyon piblik la-a. « Nan sèlman 6 mwa, genyen prèske 40 milyon goud ki depanse, andeyò tout nòm kontab etabli. » Se sa ki revele nan rapò odit lakou siperyè dèkont ak kontansye administratif drese sou jesyon Magalie HABITANT, nan tèt SMCRS.
Dapre Fonasyon Je Klere ki reprann konklizyon rapò odit sa-a, CSC/CA rann yon arè debè kont ansye DG SMCRS la-a, ak lòt kad nan enstitisyon an pou fot administratif grava k detounman lajan.

3- « Oganizasyon Eta Ameriken manke kredibilite pou ta jwe wòl mitan jwèt nan demach pou rezoud kriz politik la-a peyi-a ap konnen depi kèk tan. » Se deklarasyon ansyen depite sikonskripsyon senmak la-a, Samuel D’HAITI. Ansyen palmantè-a ki raple sekretè jeneral òganizasyon sa te deja pran pozisyon an favè Jovenel MOISE, kwè solisyon kriz la-a ap vini avèk depa chèf leta.

4- Atak kont jounalis Yandy Frantz FIDELE. Bandi ak zam atake jounalis radio Ibo-a, nan mitan jounen mekrèdi 12 me-a, nan zon kafou Drouya, pa twò lwen E-POWER. Machin li tap kondwi-a resevwa yon bal. Toutfwa konfrè-a soti sen e fof anba atak sa-a.

5- Abel ROCHASSE, se non yon polisye ajan 4, 17èm pwomosyon bandi ak zam asasinen nan delma 3, jounen mèkredi 12 me-a. Dapre enfòmasyon yo, bandi te atake viktim nan, nan moman li tap sot fè yon tranzaksyon labank, kote li resevwa plizyè bal.

6- Jacques DIEUFENE, Jeff ZEPHIER, Fenelus MANASSE ak Anièce ANTOINE, se non 4 polisye ki ta enplike nan touye Peguy SIMEON 31 lane, daprò yon sous bò kote enstitisyon polisyè-a. Polisye sa yo pou kounya twouve yo nan izòlman, kote sezi badj ak zam sevis yo.

7- Gwoup kap apiye rapatriye ak refijye yo kondane lanmò trajik migran Péguy SIMEON, ki rann dènye souf li nan yon lopital wanament, apre lapolis te fin kraze zol nan yon estasyon bis kap asire wanament-kap ayisyen. Pòt pawòl GARR la-a, Mike Joseph LYSIAS fè konnen Peguy SIMEON ki genyen 31 lane, pat reprezante òkenn menas pou polisye sa yo, ki pat ezite maltretel, jiskaske yo lakoz lanmòl.

8- Vyolans eskolè. Ministè edikasyon nasyonal ak fòmasyon profesyonèl kondane zak maltretans yon paran te fè sou pipit li nan lakou lekòl Saint-Joseph la nan petyonvil, jou ki te 07 Mai pase-a. Yon zak ki dapre minis Pierre Josué Agénor CADET pa kadre ak lwa premye oktòb 2001 ki entèdi chatiman kòporèl kont timoun yo. Ministè-a pwofite pou anonse yon nouvo kanpay kominikasyon ak plizyè lòt patnè nan lide pou kontinye seri sansibilizasyon kont chatiman kòporèl ak tout fòm maltretans timoun yo ap sibi sitou nan milye eskolè.

Rédaction : Ganito FRANCOIS
Réalisation & mise en ligne : Mysuel THIMOTÉE