En Direct | Premye Okazyon | 16 Septembre 2021

Premye Okazyon | 16 Septembre 2021
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).

Les titres
1- « Jovenel MOÏSE te gen gwo diskisyon ak ansyen Prezidan Michel MARTELLY, lidè pati politik PHTK, avan yo te asasinenl, » Selon sa jounal ameriken New York Times rapòte, Jovenel tap resevwa gwo presyon nan men Martelly, pou te chanje gouvènman an, epi nome Ariel HENRY kòm premye minis.
Nan yon atik ki pibliye ayè madi-a, New York Times rapòte, chantè gwoup Sweet Micky-a te fache kont Jovenel MOISE paskel pat dakò sipòtel klèman pou pwochèn eleksyon yo. Nap genyen plis detay avèk Luckson SAINT-VIL nan jounal la-a.

2- Demisyon sekretè jeneral konsèy minis yo, Rénald LUBERICE, mèkredi 15 septanm 2021 an. Sekretè jeneral konsèy minis la-a adopte desizyon sa-a, pou tèt enplikasyon prezime premye minis Ariel HENRY nan asasina Jovenel MOISE.
Rénald LUBERICE, nan lèt li adrese bay ansanm ninis yo fè konnen li pa santil konfòtab poul rete nan sekretarya konsèy minis yo, anba direksyon yon premye minis ansyen prezidan Jovenel MOISE te nome epi ki genyen akizasyon sou dol kòm moun ki ta enplike nan asasina chèf leta-a, pandan li refize al reponn kesyon lajistis.

3- Finalman kabine enstriksyon rive tande, aprè plizyè tantativ echwe, ansyen chèf USGPN nan, Dimitri HERARD ki te arete kòm youn nan moun ki ta enplike nan asasina ansyen prezidan, Jovenel MOISE.
Apre plis pase 3 zèd tan nan kare majistra, Gary ORELIEN, avoka Enkilpe-a pat deside bay twòp detay nan laprès. Enstriksyon an dwe rete sekrè dapre mèt Jean VANDAL.

4- Tantativ enstalasyon Joseph LAMBERT la-a. Oganizasyon Pèp Kap Lite (OPL) wè nan demach sa-a yon tantativ koudeta.
Responsab pati sa- ki siyen akò premye minis Ariel HENRY a lonje dwèt sou yon sektè sou sèn politik la-a, ki toujou opoze ak chanjman reyèl done politik yo nan peyi-a.

5- Depi anviwon 4 jou genyen gwo dispositif sekirite ki remake nan nivo pertimèt palè prezidansyèl la sou channmas. Tout alantou palè-a bare ak gwo sepatè, kote menm machin pa ka sikile.
Kantite moun ki konn ap moute desann nan alantou palè-a diminye konsiderableman.
Plizyè sitwayen ap poze kesyon pou konn rezon prensipal nouvo dispozitif sekirite sa nan zòn palè prezidansyèl la. Nap gen poun swiv swiv yon repòtaj avèk Peterson LUXAMA nan jounal la-a.

6- Obsèvatwa Ayisyen Dwa Moun estime akò politik pou yon gouvènans apeze ak efikas, premye minis Ariel HENRY pwopoze-a reyalis epi pran an konsiderasyon ansanm revandikasyon, tankou reyalizasyon pwosè ki gen pou wè ak gaspiyaj ki fèt nan lajan Petro Carivbe-a.
Alòske li siyen akò sa-a, OHDH swete genyen yon laj konsansis ki jwenn an aktè politik ak aktè nan sosyete sivil la-a, pou rive abouti ak yon solisyon ak kriz plizyè dimansyon peyi-a ap konnen depi kèk tan.

7- Lapolis kraze AK gaz lakrimogèn manifestation ki tap fèt jounen mekredi 15 sektanm 2021 an pou egzije liberasyon polisye Saint-Jean SAINT-PHILIPPE ki jwenn arestasyonl lendi pase-a nan direksyon general lapolis la.
Pwotestatè yo ki kalifye arestasyon sa-a kòm yon zak abitrè, mande direksyon jeneral enstitisyon an pou vini ak bonjan prèv pou montre Saint-Jean SAINT-PHILIPPE se ta manm gwoup polisye ki regwoupe nan fantom 509.

8- « Dat 4 oktòb 2021 an toujou kenbe pou relouvèti klas yo nan grand sud peyi-a. Leta kontinye ap pran bon jan dispozisyon pou sa-a. » Se garanti minis kondisyon fanm ak dwa fanm bay.
Alòske li tap fè yon pasaj gran sud peyi-a, doktè Sophia LOREUS eksplike yap travay tou pou rive touche vrè viktim ki abite trè lwen yo. Konsa genyen yon gwo rankont ki te òganizé sou komin Torberc avèk tout direktè reprezantan leta yo nan sud peyi-a.

Réalisation et mise en ligne : Mysuel THIMOTÉE & Josué JACQUELIN.