Premye Okazyon | 17 Janvier 2022
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).
Les titres
1.- Ansyen senate John Joel Joseph ,youn nan sispek kle nan asasina prezidan jovenel moise jwenn arestasyoin li samedi 15 janvye a nan peyi jamayik ,dapre sa otorite lapolis jamayiken yo anonse.
Ansyen senate lwes sou banye INITE ,John Joel Joseph arete ak 3 lot moun ki dapre enfomasyon yo se ta madanm ak 2 timoun ki gen nasyonalite ayisyenn.
Yo te pase pa bato pou rive jamayik kote yo tap viv nan yon zon rural san moun pat konnen ,toujou ,dapre lapolis peyi jamayik. Plis detay ak Luckson Saint vil ,nan jounal la maten an.
2.- John Joel Joseph se dezyem prezime asasen ki arete nan peyi jamayik . Anvan sa se te Mario palacios Palacios ki pou kounya anba men lajistis ameriken.
Arete 15 janvye pase a, Samyr Handal toujou nan peyi turki malgre otorite ayisyen yo te anonse yo ranpli tout fomalite pou te jwenn yon mwayen pou vole li tounen nan peyi dayiti.
3.- Premye minis Ariel Henry salye arestasyon 2 nouvo sispek nan asasina prezidan repiblik la . San li pa site non men san dout chef gouvenman vle pale arestasyon Roodoph Jaar ak John Joel Joseph ki arete an repiblik dominiken ak nan peyi jamayik.
Krim sa tankou anpil lot te lage tout peyi a nan tristes ,li pa dwe rete san pinisyon .
Ak gouvenman mwen an ,okenn koupab pape chape anba men lajistis ,dapre sa Dokte Ariel Henry ekri sou kont tweeter li aye dimanch la.
4.- kongre Ameriken an bay lod pou yon anket louvri sou zak sasinay ansyen prezidan Jovenel Moïse.
Nan yon lwa ki adopte jedi pase a kongre a egzije yon rapo byen detaye sou asasina prezidan 7 jiye 2021 an lakay li ,nan pelerin 5.
Dapre lwa sa, depatman deta gen selman 3 mwa poul pwodui rapo sa ak tout detay sou sikonstans zak asasinay sou ansyen patwon agritrans lan.
5.- Apre 2 jounen travay an atelye ,delege diferan ako politik kite prezan nan some inite ayisyen louisiane yo,nan peyi etazini ,deziye ekonomis Fritz Alphonse Jean kom prezidan pwovizwa ayiti.
Cesoc, kontra pep la,Accord lari a,ako fanm,ako milieu ,ako final ak ako montana se diferan ako sa yo kite reprezante nan some louisiane nan,dapre jounal lenouvelis ki site jeneral retrete nan lame ameriken ,Russel Honore.
Fok nou di anvan dewoulman some sa,yon not biwo ako montana te voye jete envitasyon pou patisipe nan aktivite sila a.
6.- An reyaksyon- Fritz Alphonse jean sou kont tweeter li di li salye tout inisyativ ayisyen kap pran andan kou deyo peyi a pou jwenn yon konsansis nasyonal kap pemet nou rive nan bout kriz la.
Ekonomis Fritz Alphonse jean raple kom yon akte nan ako montana ,lap kontinye travay pou aboutisman pwosesis la e rive nan tranzisyon koupe fache a .
7.- Seten oganizasyon sendikal atrave kolektif sendika ayisyen pou respe konstitisyon an tankou CTH ak CTSP ki siyen ako Montana di yo etone aprann antant ki jwenn ant ako PEN ak MONTANA.
Oganizasyon sa yo raple biwo swivi ako 30 out 2021 an pa gen otorite pou modifye dokiman.
Siyati Entente la konfime dout mouvman sendikal la te eskrpime konsenan itilizasyon oganizasyon sendikal yo kom pasrel ,prejije seten manm biwo swivi ako kont mouvman sendikal la ak konpotman moun payis yon gwoup nan ako Montana .
8.- Oganizyon politik viv Ayiti voye jete byen lwen lide pou ta gen eleksyon ki oganize nan peyi a pandan ane 2022 a.
Dirijan oganizasyon sa kwe klima ensekirite ki genyen nan peyi a sitou ak ka kidnapin yo ki pa sispann ogmante, pa pwopis pou okenn konpetisyon elektoral oganize.
Viv Ayiti mande ak tout sekte nan la vi nasyonal la pou pa patisipe nan okenn swadizan konsey elektoral pwovizwa .
9.- Kolektif 4 desanm dil regret jiskaprezan pa gen anyen ki montre kriz politik kap bwase bil peyi a depi kek tan pral rezoud, aloske dat 7 Fevriye 2022 ap raproche.
Estrikti sila raple nan sitiyasyon peyi a ye la, pa gen okenn solisyon konstitisyonel ki posib.
Se selman yon antant lajman laj ant premye minis Ariel Henry ak tout akte politik yo ki ka pemet peyi a rale yon souf dapre kolektif 4 desanm.
Rédaction : Dieuseul GUERRIER.
Réalisation et mise en ligne : Mysuel THIMOTÉE.