Premye Okazyon | 17 Juin 2022
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).
Les titres
1.- Yon moun mouri ,2 lot blese se bilan atak bandi ak zam kont APN sou bisantne aye jedi a –
Snay Jacques se non ajan sekirite Caribbean Port servives (CPS) yon antrepriz prive ki loje nan lokal APN nan ki mouri ak yon bal nan do aloske 2 lot anplwaye menm antrepriz sa soti blese ak bal,dapre enfomasyon ki disponib yo.
2.- Finalman Paste Shilord Moneus (50 lane) ,rantre lakay li aye dimanch la, apre 35 jou li pase nan men ravise li yo.
Endivid ak gwo zam te kidnape responsab Legliz De Dieu Bethel Dhaiti penye Fatima, 14 me pase a lakay li nan menm zon sa . Yon lot kote bandi yo libere Raymond Batichon alyas pouchon,responsab lekol preskole Parc de Loisir . bandi te kidnape li madi pase a ,nan potoprens.
3.- Kanta Patrick Marcelin li toujou nan men ravise li yo, sa fe déjà 2 mwa ak yon jou . Sa fe anviwon 3 semen depi bandi yo koupe kontak ak fanmi an ki déjà bay 2 ranson.
Manman Patrick Marcelin ki gen 76 lane kap soufri ak plizye maladi mande ravise yo souple libere pitit gason li souple.
Bandi yo libere tou 4 sou 5 ajan dwanye yo te kidnape 9 jen pase a sou boulva lasalin nan.
4.- Nou aprann ,5 sitwayen turcs ,bandi te kidnape nan komansman mwa me a, kitap rantre ayiti abo yon bus ak 7 lot moun,libere depi madi pase a ,dapre AFP.Anvan sa ,3 jenn fanm turques te libere paske yo te malad.
Pa gen detay ki bay konsenan kantite lajan fanmi otaj yo ta bay pou jwenn liberasyon pwoch yo ,bandi te kidnape 8 me pase bao yon otobus Metro,yo te soti repiblik domiken pou rantre sou teritwa ayisyen an.
5.- Yon 45em polisye mouri asasinen- enspekte divizyone Robert Medard mouri ak plizye bal nan komin kwadebouke ,mekredi pase a, zon Duval,pa two lwen maket kafou marasa.
Se bandi ak zam ki touye enspekte a kite responsab sikilasyon nan komisarya kwadebouke a.
Ak tout inifom lapolis la sou li,enspekte Robert Medard mouri andedan machin prive li yon patfinder blanch plka AA 34272.
6.- Watson Gustave alyas Mafia se non prezime chef gang wout pis aviyasyon building 2004 la ki mouri nan echanj kout zam ak lapolis nan delma 83.
Pandan echanj kout zam ak ajan brigad rechech ak entevansyon yo , yon lot manm gang kite akonpaye Mafia mouri ,lapolis rekipere yon pistolè 9 milimet.
Mesye sa yo espesyalize yo nan detounen kamyon machandiz ak anlevman ,dapre lapolis nasyonal d Ayiti.
7.- Nan rapo li ki pibliye 16 jen 2022 a,sekrete jeneral nasyon zini yo Antonio Guterres mande pou konsey sekirite a renouvle pou 12 mwa anko manda biwo entegre nasyon zini yo an ayiti( BINUH ) ki bout mekredi 15 jen pase a.
Polis nasyonal la resanse 540 ka anlevman soti premye janvye rive 31 me 2022 swa yon ogmantasyon 36,4 % ,kont 396 pandan 5 denye mwa lane 2021 an tandiske kantite moun ki mouri yo ogmante jiska 17 % swa 782 moun ki mouri pandan 5 premye mwa lane 2022 a.
8.- Chif sa yo pa sispan ogmante ,dapre sa ekri nan rapo sekrete jeneral oganizasyon zini yo . Pou mwa me a selman yo anrejistre 198 ka anlevman ak 201 moun mouri nan depatman lwes peyi a.
Nan rapo sa ,sekrete jeneral nasyon zini yo eskplike koman lapolis nasyonal dayiti kontinye ap pedi nan efektif yo akoz demisyon anpil ladan yo,seten lot ki pran retret yo oubyen mouri.
Sou yon total 15 mil 459 manm anrejistre selman 12mil 800 te nan pos yo jiska 31 me pase a. Sitiyasyon sa rive akoz anpil nan polisye sa yo dezete ,yo pa la tou pou rezon sante oubyen yo sispann yo , seten ladan yo itilize pou pwoteksyon rapwoche ,sa ki reprezante yon gwo pwoblem, dapre sa ki ekri nan rapo nasyon zini yo.
Coordination : Peterson LUXAMA.
Rédaction : Dieuseul GUERRIER.
Réalisation et mise en ligne : Mysuel THIMOTEE.