En Direct | Premye Okazyon | 20 Juin 2022

Premye Okazyon | 20 Juin 2022
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).

Les titres
1.- Jean Marson Romelus, 11 lane se non jenn ti gason sa ki mouri asasinen ak yon bal nan tet byen bone aye dimanch la nan premye seksyon bas cap rouge, komin jakmel,depatman sides dayiti.
Poko gen twop detay sou vre sikonstans asasina Jean Marson Romelus , elev klas 6em ane fondamantal.
Komise gouvenman jakmel la,met Lionel Cherima Toutfwa déjà lanse yon manda damne deye Guyvard Domond, ki selon enfomasyon yo ta yon ansyen solda ameriken kom moun ki ta komet krim sa epi mande sevis imigrasyon ak emigrasyon pou entedi li kite peyi a.

2.- Jodi lendi a fe egzakteman 64 jou depi bandi kidnape Patrick Marcelin ,yon enjenye nan zafe enfomatik–
Yon mwa depi bandi yo koupe kontak ak fanmi an apre yo te fin resevwa yon dezyem ranson.
Manman Patrick Marcelin ki gen 76 lane ,mande ravise yo nan okazyon fet papa, pou pemet pitit gason li kise papa yon pitit fi rantre li souple.

3.- Yon anplwaye ladwan sou 5 bandi te kidnape toujou anba men ravise yo sa fe deja 12 jou.
Pou egzije liberasyon yo anplwaye dwann yo atrave peyi a kanpe travay . Bandi te kidnape 5 anplwaye dwann nan 9 me a sou bisantne nan moman yo tap soti travay.
4 ladan yo deja libere kont ranson. Anplwaye yo mande otorite yo pou plase plizye patwouy ozalantou batiman dwan nan yon fason asire sekirite yo.

4.- Polisye yo kontinye rete youn nan sib bandi ak zam yo – 3 moun sou 5 pami yo yon polisye BlTS blese ak plizye bal byen bone aye dimanch la , nan zon kafou nouyok ,komin kwadebouke.
Enspekte prensipal Frantz Saint Paul ,24em pwomosyon ki déjà sibi yon operasyon chirijikal te sou wout pou ale nan komin mibale loske bandi 400 mawozo te atake li epi blese 3 moun kite abo yon machin prive.

5.- Endividi ak zam kite abo yon machin atake yon bckup lapolis nan zon plas jeremi samdi a.
Bilan 2 polisye soti blese. Plak machin ki tire sou polisye yo se ta younn nan plak machin PNH la bandi te vole nan moman atak kont pale Jistis potoprens semen pase a. 3 plak machin PNH ki nan men bandi yo se 1-01015, 1-01001 epi 1-00884.

6.- Jodi lendi a an fe 11 jou depi bandi ak gwo zam te anvayi epi okipe pale jistis potoprens jiska prezan otorite yo toujou poko reprann kontwol bantiman.
Komise gouvenman ak dwayen tribunal la pa janm mete pye yo nan espas la ,sa ki fe yo pa menm anmezi pou konnen kantite dega ki ta komet nan batiman.

7.- Vandredi 24 jen kap vini la se dat limit pou nouvo kod penal ayisyen an rantre aplikasyon.
Seten oganizasyon nan sekte pwotestan mande premye minis Ariel Henry pou pa bay lod mete dokiman sa an aplikasyon.

8.- Asasina jounalis Nehemie Joseph – pake tribinal premye enstans mibale konvoke ansyen senate Wilot Joseph pou jodi lendi a.
Ansyen senate plato santral la dwe al reponn kesyon komise gouvenman met Gabriel Fleury ,konsenan denonsyasyon li fe sou antenn caraibes Fm ki gen pou we ak asasina jounalis Nehemie Joseph ,10 oktob 2019.
Wilot Joseph lonje dwet sou senate Rony Celestin kom moun ki ta asasinen jounalis korespondan radyo Mega.

9.- 201mil 280 kandida pami yo 52,74 % ki soti nan 7 mil 491 lekol ap pare pou patisipe nan egzamen 9em ane fondamental yo kap dewoule soti Jodi lendi 20 pou rive mekredi 22 jen an ,nan tout peyi a.
Plis pase 10 mil pesonel ap deplwaye nan 930 sant egzamen atrave peyi a . Responsab edikasyon yo di tout bagay sanse ok pou dewoulman egzamen leta yo kap demare jodi a pou ane eskole 2021 -2022 a.

10.- Bilan definitive lapli ki tonbe sou vil gonayiv fen semen pase a – 1300 kay inonde, 3000 fanmi sinister ak 15 lekol andomaje.
Sitwayen yo nan vil gonayiv mande otorite yo pou kire kanal yo,yon fason pou evite plis dega pandan sezon siklonik la.

Coordination : Peterson LUXAMA.
Rédaction : Dieuseul GUERRIER.
Réalisation et mise en ligne : Mysuel THIMOTEE.