Premye Okazyon | 21 Septembre 2021
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).
Les titres
1- Ankèt sou asasina ansyen Jovenel MOISE. Ansyèn premyè dam Martine MOÏSE mande repòte audisyonl ki te fikse pou 20 novanm kap vini la-a.
Pou jistifye demand repò sa-a, avoka Martine MOISE yo baze sou rezon sante premyè dam nan ki lakoz li pwolonje sejou li nan peyi etazini.
2- « Premye minis Ariel HENRY se prensipal moun kap fè obstak ak ankèt sou asasina ansyen Prezidan Jovenel MOÏSE la », se sa jounal Washington Post ekri.
Nan yon tèks opinyon ki pibliye mèkredi 15 septanm pase a, Medya ameriken an pran egzanp flou ki genyen nan zafè konvèsasyon mesye HENRY ak Joseph Félix BADIO, men tou, revokasyon komisè gouvènman Pòtoprens lan, Mèt Bed-ford CLAUDE.
3- Lesly VOLTAIRE, Ernst MATHURIN, ansyen depite Beaudelaire NOELSAINT se pèsonalite anviwon yon senkantèn òganizasyon deziye pou fè pati biwo swivi nan kad akò Montana.
Inisyatè akò sa-a ki déjà rankontre premye minis defakto-a, Ariel HENRY, fè konnen rankont sa pa genyen òkenn enfliyans sou demach yo-a.
4- Oganizasyon Konstrui Ansanm Ayiti deklare li pap sipòte okenn egzekitif avèk yon sèl premye minis ou byen bisefal ki gen nan tèt li, premye minis defakto Ariel HENRY ou byen senatè Joseph LAMBERT, pa rapò ak enplikasyon yo nan yon seri zak malonèt nan peyi-a, dapre Walker TELEMAQUE Kòdonatè estrikti sa-a.
Sepandan militan politik la kise youn nan manm pleyan Petrokaribe fè konnen si akò 11 septanm la ap sèvi kòm strateji pou fouke anba kòd pi devan premye minis la, li ankouraje lòt aktè politik al siyenl.
5- Pandan tan sa-a, konpatriyòt nou yo kontinye ap kite peyi-a pou al chèche lavi miyò, paske yo estime pa genyen pèspektiv.
Yon dizèn milye migran pami yo, majorite ayisyen yo remake jounen vandredi-a anba pon sou fwontyè su peyi etazini.
Dapre eksplikasyon majistra Del Rio a, nan Texas, Bruno Lozano, Yap tann gad-fwontyè yo arete yo, pou tanmen demach otorizasyon sejou yo.
Nap raple, nan mwa out pase-a, genyen prèske 6.800 ayisyen ki jwenn arestasyon yo nan fwontyè sud la-a.
Réalisation et mise en ligne : Mysuel THIMOTÉE