En Direct | Premye Okazyon | 22 Juillet 2022

Premye Okazyon | 22 Juillet 2022
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).

Les titres
1.- Ajan dwanye yo kontinye ap sezi zam ak katouch nan waf podepe a –
pou jounen jedi a ajan dwanye yo ak sipo lapolis nan podepe sezi 7 pistole ,434 katouch ak 4 chaje kalib 40 ak 9 milimet abo yon bato kite soti nan peyi etazini.

2.- Reyaksyon yo pa sispann sou premye lane gouvènans Premye minis Ariel Henry nan tèt peyi-a. Yon bilan ki gen ladan-l yon lòt desizyon ki prevwa monte pri gaz la sou mache lokal la.
Okazyon pou kèk lidè nan klas politik la raple, yon fwa ankò priyorite pèp ayisyen an pa gen anyen pou wè ak yon deklarasyon konsa kote objektif la ki vize amelyore kondisyon popilasyon an, daprè yo, se yon manti.
Rèsponsab politik sa yo fè konnen ijans la nan moman an rete kontèks ensekirite a k’ap kontinye ogmante nan peyi a, sitou nan rejyon metwopolitèn Pòtoprens.

4.- Deklarasyon premye minis Ariel Henry sou evantyèl ogmantasyon pri gaz la, leve plim sou do sektè sendikal la.
Brigad sendikal anti koripsyon wè anons sa a tankou yon deklarasyon lagè .Asosiyasyon pwopriyetè chofè dayiti yo( APCH) ak fòs sendikal pou sove Ayiti FOSA voye jete nan poubèl deklarasyon sa a.
Mehu Changeux ak Anderson Desroches evoke plizyè egzanp pou montre zafè monte priz gaz la pap bon nan konteks difisil peyi a ap travèse jounen jodia.

5.- Fòs opozisyon radikal pou chanjman (FORC) youn nan kowalisyon ki de solidarize yo ak akò 11 septanm nan , anonse yon lòt manifestasyon pou Jedi 28 Jiye k’ap vini la, nan kapital la.
Objektif manifestasyon sa se pou al kontinye egzije demisyon premye minis Ariel Henry, yo estime ki pa regle anyen pandan yon lane li pase nan tèt leta.
Yo kritike tou kominote entènasyonal la yo di ki ap soutni ekip anplas la malgre tout deriv li yo.

6.- Ekonomis Camille Charlemers denonse siyati ako ant gouvenman ak fon monete entenasyonal FMI ki rekomande yon pas men nan politik fiskal peyi a.
Yon desizyon parey ki pap rezoud kriz ekonomik peyi a ap fe fas ,dapre dirijan PAPDA.
Aplikasyon ako sa pral ogmante lavi che ak grangou ki genyen nan peyi a epi rann popilasyon an pi pov toujou ,dapre ekonomis la.

7.- Kisa peyi a kapab atann swit ak renouvelman mandan BINUH an ? Nan dat 15 jiye ki sot pase la konsey sekirite nasyon zini an vote an fave biwo entegre nasyon zini an ayiti.
15 manm pemanan ak non peman yo vote bay misyon an kat blanch pou yon lane anko nan peyi a.
Renouvelman sa fet nan yon konteks difisil kote peyi a ap konnen gwo pwoblem ensekirite lavi che ak kriz politik.
Kisa BINUH kapab pote nan kriz sa yo le nou konsidere sou premye manda li a ,li te pase akote misyon li te genyen pou ranfose dyalog ant akte politik yo.
W ap gen pou swiv yon dosye ak Jause Varin.

Rédaction : Dieuseul GUERRIER.
Réalisation et mise en ligne : Mysuel THIMOTEE.