En Direct | Premye Okazyon | 23 Mai 2022

Premye Okazyon | 23 Mai 2022
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).

Les titres
1.- Komise gouvenman miragwan nan Jean Ernest Muscadin konfime nan tet kole ak lapolis li rive arête anviwon 5 moun pami yo John Sivrain alyas Federal ki mouri sou wout pou ale lopital Ste Therese Fond des blan, wiken pase a –
Prezime kriminel sa kite konn ap opere nan vilaj de Dieu te debake nan komin ansavo ,dapre komise gouvenman Jean Ernest Muscadin.

2.- “Pandan sitiyasyon sekirite peyi a ap deteryore,gouvenman Ariel Henry a ta dekese plis pase 100 milyon goud nan kad festivite 18 me yo nan akaye- Revelasyon ansyen senate Youry Latortue.
Ansyen senate latibonit la pesiste pou di ekip ki sou pouvwa pa gen okenn volonte pou konbat fenomen ensekirite ak kidnapin ki genyen nan peyi a.
Dirijan pati ayiti an aksyon an apiye sa li di sou kantite lajan yo mete nan bidje Lapolis ak lame dayiti atrave bidje 2021-2022 a.

3.- Plizye ankete ULCC ak ajan lapolis nasyonal dayiti fouye biwo santral administrasyon jeneral dwan yo (AGD) nan kad yon anket sou jesyon direkte jeneral la,Rommel Bell ,vandredi pase a.
DG ULCC la,met Jacques Hans Ludwig Joseph anonse yo louvri anket sa apre yo ta siyale yo gen zak koripsyon nan bwat la ,anket sila konsene jesyon direkte jeneral AGD a.
Nan yon not ULCC mete deyo ,li konfime gen yon anket ki louvri sou jesyon direkte jeneral Romell Bell swivan atik 11 dekre 8 septanm 2004 ,lwa ki kreye inite lit kont koripsyon an ULCC.

4.- Oganizasyon sitwayen pou yon nouvel ayiti pa dako ak desizyon gouvenman ayisyen an pran pou transfere nan peyi etazini chef gang 400 mawozo a, Germine Joly alyas Yonyon ,3 me pase a ,swit ak demach otorite ameriken yo.
OCNH ki raple yonyon sete yon prizonye lajistis ayistyen te kondane mande otorite jidisye ayisyen yo pou kominike li stati chef gang 400 mawozo a ki pou kounya anba kontwol lajistis ameriken.

5.- Atizan fe dekoupe yo nan vilaj Noailles blije kouri abandone aktivite yo akoz pwoblem ensekirite ki blayi depi kek tan nan komin kwadebouke.
Atis ak Atizan yo ki pa konnen ak ki sen pou yo adrese priye yo raple espase sa se yon patrimwan kiltirel pou peyi a ,yo mande otorite yo pou aji vit,yon fason pou pemet aktivite yo rekomanse san pwoblem nan vilaj la.
Nap gen poun swiv yon repotaj ak Jean georges Blaise .

6.- Sistem jidisye a toujou rete paralize – Grev jeneral epi san limit grefye ak komi pake yo kite lanse depi 12 avril pase a ap rapouswiv nan tribinal yo.
Asosyasyon nasyonal grefye ayisyen yo kap egzije pi bon kondisyon travay swete gen yon konsansis ki rive jwenn sou zafe nominasyon jij yo nan lakou kasasyon.
Tout demach inilateral pou nome jij yo kapab gen gwo konsekans sou sistem jidisye a epi menm rive anpeche aparey jidisye a fonksyone.

7.-Apati mwa me egzesis fiskal sa tout anplwaye leta ki nome yo ap komanse touche swivan nouvo barem salaryal ki nan bidje 2021 -2022 a.
Dapre yon memorandom kipote dat 20 me minis finans la voye bay direksyon jeneral bidje, direkyon jeneral trezo ak kontabilite piblik li mande yo pran dispozisyon nesese pou sale ansanm ajan piblik yo ajiste dapre nouvo barem nan.
Nap note desizyon sa pa konsene anplwaye kontratyel yo nan leta.

Rédaction : Dieuseul GUERRIER.
Réalisation et mise en ligne : Mysuel THIMOTEE.