Premye Okazyon | 23 Novembre 2021
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).
Les titres
1.- Gwo bouwara, lèse frape ant chofè moto, pwopriyetè machin ak ponpis, Jiska lendi 22 novanm 2021 an ankò, se nan gwo difikilte pou sitwayen yo Jwenn gaz nan kapital la ak zon ki sou kote li yo .
Plizyè chofè moto ak pwopriyetè machin ak lòt sitwayen pa mete dlo nan bouch yo pou denonse sitiyasyon sa kap kontinye malgre garanti otorite yo te bay. Yo mande gouvènman pran bon jan dispozisyon pou pèmèt gaz la disponib nan ponp yo.
2- Aprè plis pase yon mwa anba men gang « 400 mawozo », 2 pami 17 misyonè etranje ki te kidnape yo, jwenn liberasyon yo. Se òganizasyon « Christian Aid Ministeries », kote misyonè yo tap travay, ki pibliye enfòmasyon an ayè dimanch lan.
Toutfwa-a, lapolis an Ayiti bò kote pa l pat konfime nouvèl la. Alòske gouvènman ameriken an salye liberation sa-a, men parèt trè pridan nan sa yap di.
3- Lakou dapèl pòtoprens demare lendi 22 novanm nan ak dosye ki enplike paste Amel LAFLEUR ak Michael LISSAINT kabinè enstriksyon te voye al jije pou vyòl sou timoun.
Jounen lendi-a, menm si pastè-a pat prezante, tribinal syeje epi ranvwaye afè-a nan 8 jou anko.
4- Alòske li refize mete an aplikasyn akò 11 septanm 2021 an, plizyè estrikti, pami yo, òganizasyon Konstrui Ansanm Ayiti, youn nan pati ki te siyen dokiman sa menase retire solidaritel ak premye minis Ariel HENRY si toutfwa li ta deside fòme yon gouvènman ak ekip Jovenelis epi Martelis yo.
Kòdonatè estrikti sa-a, Walker TELEMAQUE, kise youn nan manm pleyan Petrokaribe yo fè konenn li pa nòmal pou gen kowabitasyon ak rejim PHTK ki finn gaspiye lajan peyi-a san yo pa jije.
5- 4 mwa aprè premye Minis Ariel HENRY monte nan tet peyi-a, PATI POLITIK VIV AYITI estime chèf gouvènman pa regle anyen konkrè pou pèmèt popilasyon an soti nan sal ye depi kèk tan.
Dapre VIV AYITI ,yo kwe demisyon Ariel HENRY nan tèt leta, se grenn solisyon ak kriz plizyè dimansyon peyi-a ap konnen depi apre asasina ansyen prezidan Jovenel MOISE.
6- Apati 2èm lendi janvye 2022, ayiti pral rantre nan yon nouvèl kriz enstitisyonèl, dapre ansyen senatè Antonio CHERAMY.
Manda dènye tyè sena repiblik la-a ap rive nan bout li, alòske yo te estime yo te eli pou 6 lane. Fòk genyen deba ki fèt sou kesyon sa-a, pou dezamòse kriz sa-a, dapre ansyen senatè Lwès la-a.
7- Sistèm politik, ekonomik ak sosyal ki tabli nan peyi-a rive nan bout li, dapre ekonomis Etzer ÉMILE ki envite jèn yo, nan peyi-a, leve kanpe pou goumen kont sistèm mafia sa-a. Ekonomis la mete aksan tou, sou kontrebann ak kòripsyon kap taye banda nan peyi-a, depi plis pase 200 lane,sa ki anpeche peyi a pran wout devloman.
8- Plisyè jenn fanm ak jenn gason diplome nan lekôl nômal siperyè te plante pikèt yo devan lokal ministè edikasyon nasyonal ak fômasyon profestonèl nan delmas 83.
Atrave sit-in sa pwotestatè yo ki kontinye egzije entegrasyon yo nan sistèm edikatif la raple yo se yon total 325 etidyan estajye ki boukle staj yo sa fe kek tan men jiska prezan leta ayisyen refize yo entegre sistem nan malgre ako yo te siyen ak ministe a .
Rédaction : Ganito FRANÇOIS.
Réalisation & mise en ligne : Mysuel THIMOTÉE.