En Direct | Premye Okazyon | 24 Mai 2021

Premye Okazyon | 24 Mai 2021
Présentation : Roberde CÉLINÉ (Bob C.), Dieuseul GUERRIER & Pierre Renel RENÉ (PRR).
Météo avec Chrisnette SAINT-GEORGES
Kijan Potoprens leve maten an? avec Mackenson RÉMY (4*4)

Les titres :
1- 7 endividi arete, 4 zam sezi, pami yo 2 galil, 3 machin konfiske, se bilan yon operasyon direksyon santral polis jidisyè mennen jedi 20 2021 an, pènye, nan kad ankèt sou asasina polisye Jude Maurice. Dapre pòt pawòl a.i PNH la-a, pou kounya, fòs lòd yo ap chèche san pran souf, Pierre Emile FOUCHARD alyas Blanchard, toujou nan kad dosye sa-a.
Marie Michelle VERRIER ki anonse ankèt sa ap rapouswiv fè konnen polis syantifik deja pare pou fè prelèvman pou rive fè konparezon ant zam ki sezi yo ak katouch yo jwenn sou sèn krim nan.

2- Direktè jeneral a.i polis nasyonal dayiti-a fè konnen li pa okouran genyen bandi ki pran trèv nan nan dosye kidnaping nan. « Lapolis pa chome », dapre Léon CHARLES ki fè konnen enstitisyon kontinye ap ranfòse tèt li epi rapouswiv nan travay prevansyon ak represyon enstitisyon an.
Pi lwen, nimewo 1 polis nasyonal la-a anonse genyen anpil dispozisyon kap pran nan tout nivo pou pèmèt lòd retabli nan peyi-a, espesyalman nan sant vil la-a

3- Kontrèman ak moun kip ase kidnaping nan bese nan peyi-a dènye jou sa yo, responsab rezo nasyonal kap defann dwa moun yo li menm fè konnen se politik kap fèt, pandan li lonje dwèt sou pouvwa an plas la-a li estime ki genyen manèt kidnaping nan nan menl.
Pierre ESPERANCE fè konnen kidnaping nan ap rapouswiv anba anba, pandanl eksprime kè kase li genyen fas ak masak tout kalite manm G9 yo kontinye ap fè nan katye popilè yo, espesyalman nan katye bèlè.

4- Kominote pwotestant la kontinye eksprime gwo kè kase li genyen fas ak fenomèn ensekite kap bwase bil popilasyon nan kat kwen peyi-a. Ebel PIERRE bat bravo lakontantman pou ti bese ki fèt nan zafè kidnaping nan pòtoprens dènye jou sa yo.
Toutfwa-a, pastè-a ki rete kwè se sèlman lapriyè ki ka pote yon solisyon ak fenomèn ensekirite-a ak kriz la-a, envite popilasyon an rejwenn yo sou channmas la-a, 28,29 ak30 me-a, nan apremidi, pou priye pou Ayiti.

5- Dosye Abelson GROS-NEGRE. Habeas Curpus la pa rive plede jodia jan sa te prevwa akoz aktè yo ki pat prezan, dapre youn nan avoka yo.
Mèt Arnel REMY denonse pakè-a ki ap bòykote dosye-a pou Abelson ka rete nan prizon, pandan dosye sa pa menm ekziste nan grèf pakè-a.

6- Etidyan fakilte dwa gonayiv yo manifeste yon lòt fwa devan rektora inivèsite leta-a, jounen vandredi 21 me 2021 an. Yon sit-in pou mande rektora retounen sou desizyonl pran pou pa valide dènye egzamen yo te fè yo. Pwotestatè yo mande rektora-a poul degajel jwenn yon antant san pèdi tan ak responsab dwa gonayiv yo, pou rive mete yon bout nan kriz la-a ki kontinye ap brase bil fakilte sa-a.

Réalisation & mise en ligne : Mysuel THIMOTÉE