En Direct | Premye Okazyon | 26 Mai 2021

Premye Okazyon | 26 Mai 2021
Prezantasyon : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Meteyo avèk Chrisnette SAINT-GEORGES
Kija Potoprens leve maten an? avèk Mackenson RÉMY (4*4)

Tit yo nan jounal la
1- Non ak pwojè referandòm enkonstitisyonèl Jovenel MOISE la-a. Jean Charles MOISE envite popilasyon nan kat kwen peyi-a pou kontinye mobilize epi mete dife, tout materyèl ki ka patisipe nan reyalizyon pwojè malatchong sa nan peyi-a.
Sekretè jeneral Pati Pitit DESSALINES nan rete kwè pwojè referandòm sa pa genyen anyen pou wè ak vrè enterè popilasyon ayisyèn nan, men pito, vize satisfè kapris PHTK ak akolit yo, ak kominote entènasyonal la-a.

2- « Se ansanm popilasyon an ki dwe rete mobilize pou rele chalbare dèyè ekip PHTK ak tout referandòm enkonstitisyonèl malatchong nan. » Se menm pozisyon an pati Lòd Demokratik ak RDNP sou pwojè Jovenel MOISE la-a.
Se nan sans sa-a yo mande tout jèn ak tout sektè òganize pou poze aksyon ki posib nan zòn pa yo, pou anpeche oganizasyon kriminèl PHTK ki sou pouvwa ekzekite pwojè kwoupyon sa-a, li estime ki riske genyen gwo konsekans sou fonksyònman sosyete-a.

3- « Prèske 10 milya dola ameriken, se kantite lajan Jovenel MOISE depanse ant 2017 pou rive jounen Jodi-a, san yo pa abouti ak òkenn rezilta. » Se revelasyon ansyen senatè Jean-Charles MOISE fè nan konferans pou laprès, madi 25 me 2021 an.
Lidè Pitit DESSALINES ki kalifye ansyen patwon AGRITRANS la-a kòm move jesyonè ak prezidan kowonpi, soulinye zafè Petro Caribe-a pa anyen devan esskandal koripsyon ki genyen pandan administrasyon 2 vèsyon PHTK yo sou pouvwa-a.

4- « BITGOUD », se non monè elektronik pati politik politik Pitit DESSALINES lanse ofisyèlman, nan 3 mwa mwa kap vini la-yo.
Dapre Jean Charles MOISE, se yon desizyon Politiko-Ekonomik, yon altènativ pou batay kont pwoblèm espekilasyon kap fèt avèk dola ameriken an.
Jean-Charles MOISE fè konnen monè sa pral non sèlman favorize enklizyon ekonomik nan peyi-a, men tou, echanj ant Ayiti ak lòt peyi, tankou Panama, Venezuela ak Lachine.

5- Pandan korona viris la ap vale tèren e malgre eta dijans pouvwa an plas la dekrete nan kèk mache piblik nan kapital la machann yo ap fonksyone kom si maladi a pat egzsiste. Yon tablo ki 2 paman ak sa kap pase nan vil gonayiv kote se kèk grenn moun ki deside pote mask nan lar-a.
Toutfwa-a, nan kamyonèt, nan lekòl ak nan mache yo abitid yo pako vrèman chanje Peterson Luxama ak Dieulivens JULES ap genyen pou prezanten repòtaj yo nan jounal la-a.

6- Genyen plis moun nan dyaspora kip a vin nan peyi-a akòz ensekirite-a pase sila-a yo kip a vini akoz Corona Virus. Se temwanyaj plizyè moun ki tap soti nan peyi etranje yo. Majorite avyon ki rantre pou jounen madi-a te preske vid.
Pou kèk nan sitwayen ki tap rantre yo, se pè dyaspora yo pè pou yo pa kidnape yo, ki fè yo pa vle vinn Ayiti. Nap gen poun swiv yon repòtaj avèk Réginald REMY nan jounal la-a.

7- Dosye Monferrier DORVAL. Swit ak rapò ankèt direksyon Santral Polis Jidisyè, kabinè enstriksyon site divès non moun pou prezante kòm temwen, pami yo, Martine MOISE, Jospeh JOUTHE, ak plizyè avoka, tankou mèt Robenson PIERRE-LOUIS.
Avoka-a ki dil pare pou kolabore,felisite majistra Rénord REGIS ki montrel detémine pou rapouswiv ak ankèt la-a, pou pèmèt limyè blayi sou dosye asasina batonye a

🖥: Reyalizasyon : Mysuel THIMOTÉE