En Direct | Premye Okazyon | 27 Avril 2022

Premye Okazyon | 27 Avril 2022
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).

Les titres
1.- Gwo kout zam otomatik kontinye ap tire nan dives katye tankou wout santo rive kafou marasa, kwademisyon, chada, klesin ak but boyer –
Batay ant gang 400 mawozo ak chen mechan déjà lakoz plizye moun viktim , anpil sitwayen oblije kouri kite lakay yo- Otorite minisipal yo nan komin taba déjà fe solidarite epi mete nan yon abri pwovizwa plizye dizen fanmi deplase.
Antretan fos lod yo kontinye ap miltipliye estrateji pou we koman reprann kontwol yon seri zon bandi tap tante kontwole nan zon but boyer,santo ak shada.

2.- 3 manm gang 400 mawozo mouri nan echanj kout zam ak lapolis aye madi a nan zon bon repo ,pa two lwen mache seradot.
Wadson,Jeams ak efendy se non 3 prezime bandi sa yo ki bwe dlo bouch yo.
Lapolis prezante Efendy a kom chef gang kafou senmak,li enplike nan dives zak kriminel tankou asasina . lapolis konfime tou gen yon danjere kriminel ki rele Ti pasteur ki mouri nan echanj kout zam ak lapolis nan nivo kwadebouke.

3.- Lapolis nasyonal dayiti li atrave inite espesyalize POLIFRONT arete aye madi a, Moxony Germinal, 40 lane ,nan zon malpas.
Li te abo yon Ford Ranger blan ,plak AA-22747 . Moxony Germinal ki akize kom moun ki ap founi gang 400 mawozo zam ak bal pou kounya ap reponn kesyon DCPJ.

4.- Mackerson Mexil ,jounalis kameraman nan radio tele pacific blese ak bal aye madi a nan aswe-
Ensidan sa pase nan zon kafou flerio ,nan moman konfre a te sou wout pou rantre lakay li. Mackerson Mexil pou kounya ap resevwa swen ka li merite.

5.- Jean Rebel Dorcenat ,younan manm CNDDR la sove de jistes nan sa li konsidere kom yon tantativ asasina kont li aye madi a . Se endividi yo pa rive idantifye ki louvri kout zam sou machin komise a ,sou wout ayopo potoprens pandan li tap pran direksyon vil pwovens pou al asiste fineray yon pwoch li.
Pou Dorcenat atak sa ta gen pou we ak lis non seten fanmi ki ta enplike nan trafik zam ilegal ak minisyon nan peyi a.
Jean Rebel Dorcenat ki we sa ki pase a tankou zak entimidasyon fe konnen se tout manm komisyon an ki pou kounya nan gwo difikilte.

6.- Etidyan fakilte medsin ak famasi yo anonse yon jounen mobilizasyon jodi mekredi a nan lide pou pwoteste kont asasina ak bal 23 avril pase a sou bwa vena kanmarad yo Osny Zidor ki te nan 5em lane medsin nan fakilte leta a.
Pandan jounen sa,yon mach pasifik prevwa, kote rasanbleman ap fet devan fakilte a ,yon mannye pou pote solidarite yo ak fanmi etidyan an Osny Zidor .Etidyan yo pwofite pou envite tout kouch nan sosyete a an jeneral ak tout etidyan an patikilye vin rejwenn yo nan kad mouvman sa.

7.- Anket sou asasina prezidan Jovenel MOISE – Yon 5em jij ap gen pou deziye sou dosye sa nan jou kap vini yo . Manda Merlan Belabre kom jij enstriksyon fini lendi 25 avril la.
Sant analiz ak rechech nan zafe dwa moun eksplike nan ki nivo dosye sa konplike –
Pou oganizasyon dwa moun nan sel yon tribinal espesyal ,entenasyonal ak yon refom nan dwa ayisyen an kap ede nan reyalizasyon pwose masak 58em prezidan ayisyen an. Si non pwose a ap kontinye fet nan radio ,televizyon , nan lari ak sou rezo sosyo yo.

8.- Dosye siyati kontra ant meri petyon vil ak konpayi Lakay Fun world SA, majistra Kesner Normil soti nan silans li.
Majistra enteriné a demanti enfomasyon kap sikile sou rezo sosyal yo komkwa meri a siyen yon kontra ak konpayi sa a pou Yon peryòd 25 lane ,pou mete kanpe Yon parc atraksyon nan plas st pierre petyonvil.
Premye sitwayen komin nan fè konnen se pito Yon don konpayi sa a tap fè meri a men li deside fè retrè akòz tole dosye sa a fè sou rezo sosyal yo.
Toutfwa majistra enteriné a pwomet pou chache lòt finansman pou renove Plas la.

Rédaction : Peterson LUXAMA.
Réalisation et mise en ligne : Mysuel THIMOTÉE.