Premye Okazyon | 30 Novembre 2021
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).
Les titres
1.- Swit ak yon demand men leve avoka defans la, Lakou dapel potoprens odone liberasyon ansyen depite Arnel Belizaire ak konpayel li yo ki te lannwit 29 pou louvri 30 novanm 2019,nan rantre vil jakmel sou dives chef akizasyon .
Men atandan ansyen depite Delma-taba ak konpayel li yo rete nan prizon pou fin konplete demach administrativ yo nan nivo penitansye nasyonal ,dapre youn nan avoka yo,met Caleb Jean Baptiste .
2.- Fenomèn ensekirite ak zak kidnapin yo pa sispann pran jarèt nan zon metropoliten potoprens la .
Sonny Guichard se non direktè lekòl Coeur de Jesus ki trouvel sou channmas la pa twò lwen lakou kasasyon bandi kidnape byen bonè maten lendi 29 novanm nan pandan li tap rantre nan lekòl la. Yon zak ki panike responsab yo epi kreye laperèz kay plizyè nan elèv yo. Okenn aktivite pat fonksyone nan lekòl pou jounen lendi a. Nap gen poun swiv yon repotaj ak Peterson Luxama.
3.- Pou mwa novanm nan selman Preske Yon santèn moun kidnape- 10 pousan nan ka sa yo se anlevman kolektif , daprè selil kriminalite sant Analiz AK Rechech CARDH . Mèt Gédéon Jean evoke plizyè rezon ki lakoz ogmantasyon chif sa yo.
Li fè divès pwopozition ak otorite konsène yo pou rive derasinen flewo sa a ki pa sispann fè Viktim epi rann popilasyon a vinn pi pòv.
4.- Nan kad yon operasyon ajan polis nasyonal Dayiti yo mennen nan lokalite Doda komin Vèrèt, 2 prezime bandi tonbe nan echanj kout zam ak la polis epi 2 lot jwenn arestasyon yo, selon komisè gouvenman Sen Mak la, Mèt Moise Derestin.
Chèf pakè a fè konnen operasyon sa a rive fèt gras ak bonjan enfomasyon yo jwenn bokote popilasyon an sou yon gwoup neg ak zam kap teworize yo nan zòn sila.
5.- Premye minis Ariel HENRY,nan okazyon 34 lane masak ruelle Vaillant ,te rann li sou plas pou salye memwa sitwayen sa yo kite mouri asasinen ak bilten vot yo nan men yo .
Dr Ariel HENRY renouvle angajman ak deteminasyon li pou kreye yon klima sosyal ak politik ki vize garanti oganizasyon eleksyon lib ,transparan ,san pati pri ,nan tout peyi a .
6.- Konbit òganizasyon politik sendikal ak popilè nan tèt kole ak MOPOD, IPAM, MTC raple epi kontinye denonse masak ruelle Vaillant ki te fèt nan dat 29 Novanm lane 1987 .
Yon dat popilasyon ayisyèn nan pa dwe janm bliye.
Yo profite denonse tou volonte yo di aktyèl premye minis lan Ariel HENRY manifeste pou ta òganize eleksyon nan peryòd sa yo kote peyi dayiti ap fè fas ak yon fenomèn ensekirite jeneralize.
7.- Ricard PIERRE ki se anyen Sénate sud-est ki enstale jedi 25 novanm pase a nan tet ministè planifikasyon fe deklarasyon patrimwan li bay leta ayisyen 29 novanm 2021 an nan pale potoprens jan la lwa mande sa .
Selman 4 jou apre nominasyon epi enstalasyon li minis lan di li santil fye poul déklare bay leta ak kisa li rantre kom minis e ak kisa lap gen pou kite fonksyon an .
Se yon obligasyon pou politisyen fonksyonè sivil ak ajan piblik yo deklare leta a eritaj yo genyen selon aktik 7 nan lwa 12 févriye 2008 la ki gen pou we ak déklarasyon patrimwan.
8.- Ansyen senate Jean Baptiste Bien -Aime estime se paske seten ansyen koleg konba li yo nan opozyon an bezwen manje ki lakoz yo al rantre nan gouvenman PHTK twazyem vezyon an ak Premye minis Ariel Henry a, Jean Baptiste Bien-aime kalifye gouvenman lawont nouvel ekip sa seten dirijan nan opozisyon al entegre semen pase a
9.- Dosye Amel Lafleur a rapouswiv jounen lendi a nan lakou dapel potoprens.
Dosye a ranvwaye pou lendi kap vini la, gen posiblite pou lakou a komanse tande enkilpe yo ak viktim nan, nan prochen odyans yo.
Rédaction : Ganito FRANÇOIS.
Réalisation & mise en ligne : Mysuel THIMOTÉE.