Jounal 𝐏𝐫𝐞𝐦𝐲𝐞 𝐎𝐤𝐚𝐳𝐲𝐨𝐧 || 𝟏𝟐 Juin 𝟐𝟎𝟐𝟒

1.- Seremoni enstalasyon premye minis Garry Conille ak kabine ministeryel la, se jodi mekredi a 10h30 nan villa dakey .

Arete konsey prezidansyel tranzisyon ki nonmen nouvo gouvenman pibliye ofisyelman aye madi a,nan jounal ofisyel peyi a le moniteur .

Gouvenman sa ki gen yon manda kap bout 7 fevriye 2026 gen 14 minis pou 18 ministe , pami yo 4 fanm .

2.-Premye minis Garry Conille rankontre aye madi a ak anbasade etazini an ayiti Dennis Hankins .

Kriz sekirite peyi a ak sipo etazini ak miltinasyonal la se prensipal pwen kite diskite ant chef gouvenman ak anbasade ameriken an .

Antretan konseye prezidan Smith Augustin ak Leslie Voltaire ,rankontre anbasade repiblik domiken nan ayiti , Faruk Michel , yon fason pou rann pi dinamik epi ranfose relasyon bilateral ant 2 peyi yo .

3.- Lapolis nasyonal dayiti ap fete jodi mekredi a 29 lane kreyasyon li- Tankou lane pase se nan yon konteks gwo sakrifis ,fos lod yo ap tante ranplis prensipal misyon yo kise pwoteje ak sevi popilasyon an.

Asasina 3 polisye UTAG yo 9 jen pase a oblije direksyon jeneral lapolis la anile fesitivite kite prevwa pou jounen mekredi a .

Yon jounen PNH la ap pwofite pou konsantre ,medite, reflechi anba tem onore sakrifis ak devouman pou pi byen pwoteje , dapre yon not direksyon jeneral enstitisyon an .

4.-Pou rann omaj ak tout polisye ki tonbe pandan 29 lane lapolis la, SPNH-17 anonse pou jounen an dives aktivite tankou ekspozisyon foto polisye ki mouri yo, ekspozisyon tout inite ak antite andedan lapolis la.

Okazyon tou pou sendika lapolis la onore vanyan polisye ki kontinye ap batay pou ayiti pa kaba ,dapre kodinasyon SPNH-17 ki kwe 29 lane apre PNH la pa grandi pou laj li akoz kowonpi ak enkonpetan yo pran li an otaj .

Aktivite sa ap dewoule sou boudon nan lokal Ofis pwoteksyon sitwayen an OPC .

5.-Fondasyon Je klere reklame demisyon wo komandman PNH la akoz enkapasite pou pwoteje enstitisyon lapolis la epi garanti sekirite popilasyon an.

FJKL egzije arestasyon tout moun ki enplike nan asasina 3 polisye UTAG yo,dimanch pase a ,nan zon delma 18. Krim sa se rezilta koripsyon kap wonje ansanm enstitisyon ki responsab zafe sekirite nan peyi a kote lajan ranseyman yo mal depanse .

6.-Rektora inivesite leta di yo aprann ak anpil lapenn ak doule nouvel lanmo pwofese Henry Robert Sterlin , lanwit dimanch 9 jen pase a .

Briyan pwofese, Dr Sterlin te konsakre yon bon pati nan karye anseyan li nan sevis UEH la patikilyeman nan INAGHEI kote li fome plizye jenerasyon etidyan,dapre yon not rektora . Disparisyon pwofese Henry Robert Sterlin se yon gwo kou pou inivesite a ak pou peyi a.

Présentation: Dieuseul GUERRIER & Johnny FERDINAND
Météo: Chrisnette SAINT-GEORGES
Tansyon Lari: Mackenson RÉMY 4×4
Productions:Jean-Claude DOLCÉ
Coordination: Peterson LUXAMA
Rédaction: Dieuseul GUERRIER

Réalisation & mise en ligne: Jack thedd Jr Dieudonne & Jimmy Cly Théagène