Premye Okazyon_27 Février 2023 | Andrew Holness, ap nan tèt yon delegasyon CARICOM jodia an Ayiti.

Premye Okazyon_27 Février 2023 | Andrew Holness, ap nan tèt yon delegasyon CARICOM jodia an Ayiti.

Présentation : Dieuseul GUERRIER, Pierre Renel RENÉ (PRR), Lydie ALEXANDRE & Johnny FERDINAND.
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).

Les titres
1.- Yon delegasyon Caricom ap rive nan potoprens jodi lendi a ,nan kad yon misyon ki vize atire atansyon diferan akte ayisyen yo sou nesesite pou antann yo nan entere nasyon an , dapre minis afe etranje peyi trinidad la kap fe pati delegasyon sila menm jan ak yon reprezantan peyi kanada. Se premye minis jamayik la, Andrew Holness kap nan tet delegasyon sa ki dwe rankontre premye minis Ariel Henry, manm wo konsey tranzisyon an, seten dirijan politik ak manm sosyete sivil oganize a.

2.- Konfli tou louvri ant CSPJ ak komise gouvenman potoprens la- 5 jou apre piblikasyon memorandom CSPJ a ki mande jij depe yo pou pa bay swit ak okenn rekizisyon ki soti anba men komise oubyen sibstiti komise gouvenman ki pa setifye yo ,met Jacques lafontant ki pa setifye li menm tou mande jij de pe ak responsab komisarya nan jiridiksyon lap dirije a pou soumet ba li oubyen bay yon sibstiti tout manda damne yap gen pou emet. Yon fason vwale pou pa respeke memorandom SCPJ a ki pote dat 23 fevriye 2023. Nan menm memorandom sa konsey siperye pouvwa jidisye a te mande ak chef jiridiksyon yo pou entedi majistra ki pa setifye yo pran syej epi egzije yo remet tout materyel woulan ak lot ekipman ki toujou nan men majistra ki pa setifye yo. Nou dwe pale maten an ak youn nan konseye CSPJ yo,majistra Wando St Villier.

3.- Inite kap batay kont koripsyon yo (ULCC) ap oganize demen madi a, nan lokal yo pako, yon jounen deklarasyon patrimwan anfave aplwaye leta ki gen obligasyon pou koube yo anba lwa 12 fevriye 2008. Lwa sa ki pote sou deklarasyon patrimwan seten kategori pesonalite politik ,fonksyone ak lot ajan piblik yo. Pou fasilite konsene yo ,ULCC ap mete a disponisyon yo note,grefye ak sibstiti komise gouvenman ,kise yon okazyon espesyal pou yo finalize sou plas pwosedi deklarasyon patrimwan yo. Nap gen poun pale ak pot pawol enstitisyon sila,met Daniel Jean.

4.- Toujou menm dosye sa, nan depatman sides peyi a 8 majistra kominal an fonksyon ak 4 ansyen palmante pral jije devan tribinal koreksyonel poutet yo pat fe deklarasyon patrimwan yo anvan yo te pran fonksyon. Majistra Antenor Denoil, Harry Bruno, ansyen senate Dieupi Cherubin ak ansyen depite Vikerson garnier se kek pami pesonalite sa yo ki gen dosye yo déjà anwole pou al jije devan tribunal koreksyonel. Se jij Jean Clivens Desriviere dwayen tribinal premye enstans jakmel la chwazi pou jije ansanm otorite sa yo, swivan yon rapo ULCC te soumet bay otorite jidisye yo nan jakmel . Plis detay ak korespondan nou Elie Lorveus.

5.-Entevansyon lapolis nan komin kwadebouke – yon prezime bandi manm 400 mawozo mouri nan echanj kout zam ak fos lod yo ki rive sezi yon fizi kalib 12, aye dimanch la, nan zon latranble ak duval roche. Samdi pase a polisye yo arete Dorestant Roosevelt, nan zon chanmas. Endividi sa ki ta manm 400 mawozo enplike nan dives zak malonet tankou kidnapin, asosyasyon malfekte, asasina epi vol ak zam, dapre kodinasyon pres ak relasyon piblik PNH la.

6.- Se toujou gwo anbouteyaj devan biwo imigrasyon lalu a malgre responsab yo pran desizyon pou pa resevwa demand paspo anko nan lokal sa. Pou fasilite pwodiksyon paspo yo, respondab yo mande sitwayen yo pou pa vin depoze paspo nan biwo imigrasyon lalu a men pito nan dives lot sant yo kreye pou sa tankou Delma 31, rue Lamarre, gymnazyom vincent, Taba, Petyonvil ak Delma 33 pou polisye yo. Soti 9 janvye rive jounen jodi a biwo imigrasyon atrave peyi a resevwa plis pase 100 mil demand paspo ,yo rive enprime plis pase 60 al 70 mil.

7 .- komes gaz la toujou kontinye ap fet san pwoblem nan sekte enfomel la aloske majorite ponp yo rete femen nan kapital la ak nan res peyi a. Yon veritab dezod ki pa san konsekans sou sekte transpo a, dapre transpote yo ki kwe sa kap pase a se rezilta yon gwo konplo ant leta ak mafya ki nan sekte prive ayisyen an. Kriz gaz la pap rezoud toutotan leta pa reprann kontwol a, dapre pwotestate yo.

8.- Zak kidnapin yo ap kontinye – Bandi ak zam kidnape samdi pase a youn nan fre sent terez yo nan bon repo, komin kwadebouke – Fre Ravix se responsab kominote fre sent terez yo nan latwason, komin koniyon –granbwa. Antretan nou aprann bandi yo toujou poko libere 2 fidel legliz batis potoprens yo. Se menm sitiyasyon an pou dokte Jeanty Fils Exalus kodonate nasyonal stop aksidan .Oganizasyon an ki egzije liberasyon san kondisyon medsen an bandi te kidnape mekredi 22 fevriye pase a.

Productions : Jean-Claude DOLCÉ.
Coordination : Peterson LUXAMA.
Rédaction : Dieuseul GUERRIER.
Réalisation & mise en ligne : Mysuel THIMOTÉE.