En Direct | Premye Okazyon | 01 Février 2022

Premye Okazyon | 01 Février 2022
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).

Les titres
1.- Roland Trouillot se non bizizman sa bandi ak zam kidnape lendi 31 janvye a gwo lajounen ,nan delma 19.
Dapre yon video kap sikile sou rezo sosyo yo se 4 neg ak kagoul , gwo zam nan men abo yon zuzuki koule blanch vit tente ki desann epi fose viktim nan monte machin nan.
Yon lot kote etidyan inivesite GOC tanmen yon mouvman pwotestasyon pou egzije liberasyon pwofese jean Francois Dorce ,bandi kidnape wikenn pase a.

2.- Dives komin andedan peyi a anba dlo- Gwo lapli ki tonbe sou peyi a lannwit dimanch pou louvri jounen lendi a pwovoke inondasyon nan plizye depatman ak komin.
Nan depatman NIP, no ak nodes gen anpil lapli .Dega yo konsiderab nan komin limonad ,seksyon bois de lance ak nan premye seksyon katye Morin . Nap gen plis detay ak korespondan nou Donald Germeus.

3.- Plizye oganizasyon nan sosyete sivil la salye demach ki abouti ak eleksyon yon prezidan ak yon premye minis nan kad ako Montana.
Dyalog ant ayisyen yo kapab debouche sou yon solisyon nan kriz kap wonje peyi a ,dapre konsey nasyonal sosyete sivil ayisyen nan.
Kolektif 4 desanm sou bo pal ekgzote siyate diferan ako yo pou jwenn yon konsansios sou yon pwopozisyon pou rezoud kriz la.

4.- Ariel Henry kontinye ap resevwa kritik seten siyate ako 11 septanm nan – Ansanm pati ak oganizasyon pwogresis yo anonse 3 jounen mobilizasyon ,soti 2pou rive 4 fevriye kap vini la.
Objektif : egzije premye minis la pou respekte ako 11 septanm nan .Pwotestate yo reklame demisyon 4 minis nan gouvenman Ariel henry a.

5.- Inyon Ewopeyen kwe eleksyon yo ta dwe oganize nan peyi a ,yon fwa kondisyon yo reyini.
Retabli sekirite,fomasyon yon KEP san paspouki ak yon rejis elektoral konple se kek nan kondisyon ki dwe reyini pou eleksyon yo kapab akseptab nan je inyon ewopeyen ,dapre chef delegasyon an an ayiti,Sylvie Tabesse.
Diplomat la plede anfave yon ako lajman laj padan dat 7 fevriye a ap pwoche.

6.- Dezyem konparisyon Mario Antonio Palacios Palacios la kite dwe fet lendi 31 janvye a ,ranvwaye pou dat 4 fevriye kap vini la.
Dapre yon dokiman legal sevis kreyol lavwad lamerik dispoze ,avoka ki reprezante akize a , Alfredo Izzaguire ,li fe konnen Palacios pou kounya an izolman akoz prekosyon responsab yo nan prizon an ap pran parapo ak maladi covid 19 la.

7.- Genyen plis machin ki frekante zon sid kapital la kote belijeran yo sanble ap obseve yon trev ,7 mwa apre yo tap fe san koule chak jou nan zon sa –
Majorite abitan yo toujou pa ka rantre lakay yo,anpil ladan yo ap viv anba tant,kay yon zanmi oubyen nan sant spotif kafou a.
Matisan ,tibwa ak gran ravin sa ki sou kontwol bandi ak zam yo toujou chaje ak pikan kwenna , dapre chofe transpo ak pasaje yo kap janbe kafou lanmo sa ak laperez.
Seten lot pasaje ki di yo pap pran chans kontinye itilize wout sen jud –fontamara pou fe ale vini ant potopresn ak sid kapital la.

8.- Komise gouvenman aken an ,jean Herve janvier envite martine Phebe ,pou prezante nan pake a ,jedi 3 fevriye kap vini la.
Dapre chef pake a ,envitasyon sa vini swit ak yon plent papa defen Dalaschika malbranche alyas neges DA kont Thoy ‘ART.

Rédaction : Dieuseul GUERRIER.
Réalisation et mise en ligne : Mysuel THIMOTÉE.