En Direct | Premye Okazyon | 04 Avril 2022

Premye Okazyon | 04 avril 2022
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).

Les titres
1.- Aye dimanch 3 avril a te fe 22 lane depi bandi ak zam te sasinen PDG radio haiti Inter a , jean Leopold Dominique ak gadyen stasyon an ,Jean Claude Louissaint .
22 lane apre peyi a ,zanmi ,fanmi ak koporasyon jounalis la kontinye ap reklame jistis pou fanmi an.
Yon dosye ki bloke nan tiwa lajistis pandan Asasen Jean Dominique yo kontinye ap sikile lib elibe nan vil la.

2.- Ministe kilti ak kominikasyon konfime bandi ak zam touye Edith Depas ,madanm direkte jeneral ministe kilti ak kominikasyon an ,Camy Depas ki pat prezan nan kay la, samdi 2 avril la ,nan zon penye 37.
Lapolis arête Prezime kriminel la ,Joseph Livano 14 lane , jenn ti gason sa ki abitye frekante kay fanmi an ki te konn peye lekol pou li , dapre jij depe Jean Joseph Guerrier.
Dapre enfomasyon yo, Livano Joseph te debake nan kay la ak yon lot endivid pou vin tante kidnape viktim nan Edith Depas ki fet 30 jiye 1965 nan Gonayiv.

3.- Avoka ak avokat yo nan bawo potoprens anonse yo pral plante piket yo anfas rantre primati a ,vandredi 8 avril kap vini la pou pwoteste kont konpotman gouvenman ki deside inyore rezolisyon asanble jeneral espesyal avoka yo te adopte 11 mas pase a.
Nan rezolisyon sa,avoka yo te bay gouvenman 15 jou pou relokalize tribinal premye enstans potoprens ,nan yon lot espas ki garanti sekirite avoka ak jistisyab yo.
Se nan sans sa, avoka yo prevwa reyini ak toj yo nan zon rezidans premye minis la vandredi kap vini la ,toujou nan kad aplikasyon rezolisyon an ki te déjà mande pou okenn avoka pa al plede nan tribinal la depi 11 mas pase a.

4.- Plizye moun mouri asasine pandan wikenn nan pami yo Dr Wolf Jean Philippe ,nan komin petyonvil,li te yon konsiltan nan OFATAMA.
Pa gen twop detay sou sikonstans asasina.Se menm konsta pou Friztner Charles alyas papa charles yo jwenn mouri nan zon onavil.
Enfomasyon ki fe kwe gen gen bandi ki pran pwen pou yo pa pran bal ,se yon verite.

5.- Genyen ougan oswa manbo ki touche gwo som lajan lajan nan men manm gang sa yo pou fe maji pou yo ,yon fason pou pese.
Gran sevite nan zafe jiridik nan konfederasyon nasyonal vodoyizan ayisyen ,Alix Compas denonse pratik sa ,li mande ougan sa yo sispann itilize sekte sa ki nan vodou a pou ede bandi ak zam fe sosyete a mal.
Jean paul Lundi te panche sou dosye sa ann swiv.

6.- Apre yo te fin femen pot yo nan katye matisan nan mwa out 2021 se pou kounya nan dwouya,komin site soley ,medesen san fwontye oblije kanpe sou aktivite li yo akoz batay ant gwoup neg ak zam kap twoke kon yo.
MSF deside femen sant dwouya jiskaske kondisyon sekirite yo pou pemet pesonel ak pasyan yo rive pran swen san tet chaje.
Toutfwa MSP kontinye ap bay sevis nan kek lot sant tankou ansyen local CDTI a avnu charles Summer ,nan komin taba ak nan delma 33.

7.- Apre li te fin lanse nan lane 2018 ,pwose sou dosye $1.50 lan relanse devan lajistis ameriken.
Nan yon desizyon ki adopte jedi pase a ,selon jounal Haitian Times ,3 jij federal nan new york mande pou pwosedi jidisye yo kontine.
Pwose sa te tanmen,apre plent dives ayisyen te pote kont ansyen prezidan Michel martelly,Jocelerme Privert ak Jovenel MOISE ,epi dives konpayi transfe ak konpayi telefon tankou Digicel akNatcom.
Ayisyen ki pote plent yo akize pesonalite ak antrepriz sa yo poutet yo ta fe magouy nan fikse tarif taks sou transfe lajan ak appel ant ayiti ak etranje . plis detay ak luckson Saint vil nan jounal la.

8.- Kriz la vi chè kontinye atire atansyon yon bann sitwayen nan kapital la kap rele anmwey kont pri manje epi tou gaz propane yo di kap monte san gadé dèyè.
Devan stiyason sa a ki komanse revolte sitwayen yo . platfom revéyé ayiti menase al plante piket yo devan ministè komès ak diferan lot antrepriz prive nan kapital la nan jou kap vini la a pou di non ak kriz la vi chè sa a. yon repotaj se ak jean georges blaise.

Rédaction : Peterson LUXAMA.
Réalisation et mise en ligne : Mysuel THIMOTÉE.