En Direct | Premye Okazyon | 04 Novembre 2021

Premye Okazyon | 04 Novembre 2021
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).

Les titres
1- Rate gaz la kontinye pou pi bèl nan kapital la.
Malgre otorite konsène yo te anonse gaz la ap disponib
nan ponp yo sou teritwa nasyonal la, li vin pi difisil
pou yon moun jwenn yon galon nan pwodwi sa-a sou
mache a.
Si anba kèk ponp se anba gwo lese frape ak bouwara
pou sitwayen yo rive jwenn yon ti gaz, gen plizyè ponp
ki toujou pa fonksyone daprè konsta radyo karayib.
Nap gen poun swiv yon repòtaj avèk Peterson
LUXAMA nan jounal la-a.

2- Malgre garanti otorite yo te bay, Terminal Varreux
a toujou pa fonksyone akoz bandi G9 yo ki bloke zon
sa -a. Pa pita, premye novanm pase-a, bandi kidnape
nan matisan 7, 3 chofè ki tap transpòte gaz.
Jiskaprezan, pa ko genyen òkenn dispozisyon ki pran
bò kote responsab yo nan leta pou pte yon solisyon ak
pwoblèm sa-a, alòske se popilasyon an ki kontinye ap
peye po kase-a.

3- Ensekirite ak kidanping nan peyi-a. Sektè
demokratik ak popilè lonje dwèt sou sèten manm nan
gouvènman ki gen kòd lonbrik yo mare ak PHTK,
Matelis oubyen Jovenelis ki pa sispann finanse gwoup
ak zam yo.
Sa ki lakoz sitiyasyon ensekirite vin pi deteryore chak
jou pi plis.

4- Anpil avoka nan kat kwen peyi-a mete deyò, yon
petisyon, pou mande prezidam fededrasyon Bawo yo
pou pran yon pozisyon piblik sou sitiyasyon peyi-a.
Pi lwen, yo pwopoze prezidan bawo yo pou pa pèmèt
okenn prezime kidnapè ak konplis yo benefisye
assistans legal gratis epi mande avoka yo pou pa
defann okenn prezime kidnapè.

5- Ensekirite lakay vwazen- Yon majo nan lame
dominiken mouri poutèt yon telefon potab.
Jose Ferreras CUEVAS mouri avan ye lendi a nan
moman li tap kite lakay li nan vil liberacion. Se
endividi ak zam ki touye majo a ak plizye bal nan
moman yo tap tante brake li, dapre sa jounal listin
Diario rapote.Prezime kriminel yo pote ale telefon
viktim nan ak tout motosiklet li tap kondwi-a.

6- Fineray polisye BlLTS la, Pierre Frantz Richard
ETIENNE, alias kelito ki te tonbe anba bal bandi, nan
jou kip ase yo, chante nan akademi polis la nan
finisman semén lan, kote fanmi defen an, frèdam
polisye-a tal rann defen an yon denye omaj.
Nan okazyon wan responsab BLTS yo ak reprezantan
wo komandman PNH la konsidere asasina sa-a kòm
yon kou di pou enstitisyon an. Malgre sa-a, yo pa
deside fé bak nan batay kont fenomén ensekirite-a.

7- Gouvènman konsansis la ta dwe mete an plas nan
jou kap vini la yo. Premye minis defakto-a pran
angajman sa nan kad yon rankont li te genyen avèk
komite swuivi akò 11 septanm 2021 an, dapre sektè
demokratik ak popilè-a.
SDP pwofite pou renouvle atachmanl ak dokiman,
pandanl soulinye enkapasite gouvènman ki la-a, pou fè
fas ak pwoblèm ijan popilasyon an ap fè fas, tankou
ensekirite, pwoblèm gaz la-a.

8- « Tout veyikil ki genyen motè kap woule sou tè-a,
dwe sibi ekspètiz, pandan renouvèlman Asirans Polis
yo » Se yon obligasyon direksyon jeneral OAVCT a
enpoze. Dapre direktè jeneral enstitisyon an, Fritzner
BERNADEL, dispozisyon sa rantre nan kad aksyon ki
vize konbat kidnaping ak vòl machin ki pa sispann
repete nan peyi-a.

Mise en ligne : Mysuel THIMOTÉE.