En Direct | Premye Okazyon | 05 Me 2021

Premye Okazyon | 05 Me 2021
Prezantasyon : Roberde CÉLINÉ (Bob C.) | Dieuseul GUERRIER | Pierre-Renel RENÉ (PRR).

Tit yo
1- Zak kidnaping yo ap rapouswiv. Anplwaye nan biwo santral direksyon jeneral enpo yo kanpe travay jounen 4 me-a, pou egzije liberasyon san kondisyon, Marc Arthur SAINT- HILAIRE, youn nan chofè DGI yo bandi kidnape 3 me pandan lap rantre pòtoprens. Anplwaye pwotestatè yo menase kontinye kanpe travay jiskaske ravisè yo libere chofè-a, pandan yo mande otorite konsène yo asire sekirite popilasyon an.
2- Ant mwa mas pou rive mwa davril la-a, ka anlèvman yo ogmante ak 300 pou san, Kote se pòtoprens ki genyen plis ka kidnaping daprè rapò sant analiz ak recherch nan zafè dwa moun nan (CARDH) mete deyò. Dapre chif ki saoti nan dokiman sa-a, Sèlman pou mwa avril ki sot pase-a, bandi kidnape 91 moun alòske pou mwa mas la-a, kantite moun ki kidnape yo te sèlman 27.
3- Pouvwa an plas la kontinye fè kwè genyen yon motivasyon politik dèyè zak kidnaping yo nan peyi-a. Premye minis enterimè-a, revele zak sa yo li konsidere kòm zak kriminèl, pa genyen objektif pou fòse Jovenel MOISE kite pouvwa anvan mandal fini 7 fevriye 2022.
Claude JOSEPH fè konnen konsèy siperyè polis nasyonal la-a genyen bon jan enfòmasyon ki pwouve aklè, kidnaping nan pa yon fenomèn izole.
4- Guerby GEFFRARD, manm sendika polis nasyonal la-a, eske li disparèt oubyen li mouri asasinen ? Dapre direktè polis nasyonal la-a, enstitisyon polisyè-a pako an mezi pou pote yon eleman repons.
Léon CHARLES fè konnen se nan laprès PNH la-a aprann menm jan ak tout moun, delege SPNH-17 la-a ta mouri.

5- Kòdonatè jeneral sendika polis nasyonal Dayiti-a, Jean Elder LUNDI eksprime kèk rezèv sou enfòmasyon ki pale sou asasina delege SPNH, Guerby GEFFRARD. Dapre enspektè polis la-a, enfòmasyon sa yo kap sikile sou rezo sosyal yo depi wikenn pase-a, se yon enfòmasyon ki ta dwe pran ak pensèt, pandanl fè konnen, menm paran ak pwòch Guerby GEFFRARD pa genyen òkenn nouvèl de li jiska prezan.

6- Dwayen tribinal premyè enstans pòtoprens la-a, pral chita sou demand Habeas corpus, avoka Albelson GROS-NEGRE te fè an favè ansyen pòt pawòl SPNH-17 la-a, yo konsidere kòm yon prizonye politik, kote odyans sa pwograme pou vandredi 7 me kap vini la-a.

Se yon nouvèl ki rejwi Jean Elder LUNDI, kòdonatè jeneral sendika polis nasyonal la-a ki espere yap jwenn liberasyon ansyen pòt pawòl polis nasyonal la-a.
7- Genyen diskisyon kap rapouswiv ant diferan sektè nan lavi nasyonal la-a, pou rive mete kanpe yon gouvènman Inyon Nayonal nan yon tan kip a twò long, dapre premye minis enterimè-a.

Claude JOSEPH fè konnen soulinye ekip ki sou pouvwa-a toujou rete atachache ak òganizasyon referandòm konstitisyonèl ak konpetisyon elektoral yo, jan sa prevwa pou ane sa-a.

8- Dezinyasyon mèt Rémy EDME kòm reprezantan sektè dwa moun nan nan konsèy siperyè pouvwa jidisyè-a. CSPJ takle Ofis Pwoteksyon Sitwayen pou fwod prezime. CSPJ ale nan menm sans ak dives òganizasyon kap defann dwa moun ki fè konen mèt Renan HEDOUVILLE deside vyole aktik 13 ki kreye OPC a pou satisfè chwa politik palè nasyonal kap fè tout sa ki posib entegre moun ki pa onèt nan systèm jidisyè-a.