En Direct | Premye Okazyon | 06 Décembre 2021.

Premye Okazyon | 06 Décembre 2021.
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).

Les titres
1.- Dr Mackendy Guerrier ki se youn nan medsen ki anime espas sante nan emisyon maten karayib ak nan kanal mizikal sou radi Caraibes Fm , resevwa plizye bal pami yo youn nan kou samdi pase a nan moman endividi yo pa rive idantifye tap tante kidnape li ansanm ak tout madanm li nan zon bois verna .
Endividi yo tire sou machin chirujyen – dentis la ki resevwa plizye bal . Pou kounya lap resevwa swen nan yon lopital prive nan kapital la. Pwofese inivesite ,Dr Mackendy Guerrier riske paralize pandan tout res vi li ,dapre bilan medikal yo .

2.- Toutfwa Gen posiblite pou ta sove lavi Dr Makindi Guerrier (38 lane) ,papa 2 pitit , men pou sa fet li oblije vwayaje nan peyi letranje. Fanmi li solisite bourad chak moun ,chak enstitisyon ki kapab pou ede yo sove lavi jenn gason sa ki sel peche li te se rete ayiti pou pratike metye li kom dantis epi patisipe nan fomasyon lot jen parey li nan fakilte odontoloji.
Fanmi an déjà kominike 2 nimewo kont nan inibank sou non Clinique Dr. Guerrier Makindi : 210-1021-1545805 Goud oubyen 210-1022-1545813 (dola ) . Nap gen entevansyon kek nan koleg li yo nan jounal la maten an . Swit ak sa ki rive a kliknik ephata konplek medikal kote dr Guerrier tap bay sevis li anonse yo femen pot yo jiska nouvel lod.

3.- Nou aprann Bandi yo nan komin kwadebouke libere kont ranson aye dimanch la 4 moun yon menm fanmi pami yo 3 elev lekol saint louis de gonzag ak yon etidyan 4em ane agronomi yo te kidnape vandredi 26 novanm pase a sou wout meye ,zon kafou nouyok .
Wendy Lens Joseph ,Frantz Endy Joseph ak Berchereau Lens jean Baptiste se non 3 elev sa yo bandi te kidnape ki gen laj 8 rive 10 lane ansanm ak Fritzman Laguerre ,etidyan agwonomi nan UPH .
Nan moman kidnaping nan ravise yo te libere menm jou agwonom Frandy Joseph kise papa 2 nan elev yo, yon fason pou li te al cheche lajan pou libere res otaj yo .

4.- Se konfime bandi 400 mawozo yo libere jounalis Alexander Joseph Galves aye dimanch la.
Animate ribrik ti koze nan panyol la libere 9 jou apre neg ak zam te kidnape li nan komin kwadebouke ,nan moman li te sou wout pou ale an repiblik dominiken .
Plizye vwa te leve pou egzije liberasyon Alexander galvez ,jounalis ayisyano-dominiken .

5.- Toujou pandan wikenn nan ,bandi kidnape yon militant dwa moun nan delma 75. Ravise yo egzije 150 mil dola pou libere Novia Austin .
Dives oganizasyon fanm ki denonse zak sa mande liberasyon san kondisyon militant feminis la . Nou aprann bandi ta kidnape tou yon ajan dwanye pandan wikenn nan .

6.- Lapolis nasyonal dayiti pandan yon entevansyon stope yon prezime bandi ki te nan men li yon pistole nan ang ru Magloire Ambroise ak Nicolas ,aye dimanch la.
Endividi sa te louvri kout zam sou yon patwouy CBIM kite rive sou plas nan menm zon sa kote te genyen yon jenn gason bandi te apenn touye ak bal .
Swit ak ensidan sa ,yon polisye te prezante epi di li se met zam sa kite nan men prezime bandi ki mouri nan echanj kout zam ak patwouy CBIM nan . Ajan yo te pwofite arete polisye sa ki plase nan izolman sou lod direksyon jeneral PNH la ak DCPJ .

7.- Se pa bann ak pa paket lopital yo nan ap resevwa moun ki blese anba bal bandi – Yo se dives lopital nan komin kafou ak sent kwa leyogan ki plis akeyi denye viktim matisan yo kote anpil blese twouve yo sou tab Operasyon.
Moun sa yo viktim nan denye evenman ki pase nan 3zyem sikonskripsyon potoprens la.
Plis pase yon dizen moun blese,plizye moun mouri anba bal bandi kipa ezite tire sou popilasyon sivil la .
Nap gen pou n swiv repotaj ak Jean Georges Blaise

8.- Jij enstriksyon Ikenson Edume nan yon korespondans ,mande direksyon jeneral enpo(DGI) pou founi kabine enstriksyon enfomasyon konsenan aksyone konpayi soneger yo,pami yo Dimitri ak Jean Mary Vorb ki gen akizasyon fo nan ekriti prive ak piblik epi detounman lajan leta nan kad konfli ki opoze yo ak leta ayisyen .

9.- Antretan yon sous nou kapab fe konfyans konfime nou jij Ikenson Edume kap mennen anket sou dosye sa atrave yon odonans deside leve mezi konsevatwa jij Mathieu Chanlate te pran sou kay ki pou enkipe
Dimitri Vorbe ak Jean Mary Vorbe depi premye desanm pase a .
Ki donk Dimitri ak jean mary Vorbe déjà rekipere kay yo ki nan zon morn kalve ak peguy vil .
Jij Matieu Chanlate kite depote li nan dosye sa te odone nan dat 27 jiye 2020 pou sezi epi jele byen ak fon kife pati patrimwan pesonel Dimitri Vorbe ,Elizabeth Debrosse Preval,jean mary Vorbe ak Reginald Vorbe nan kad anket kite louvri kont mesye dam yo sa yo pou fo ak izaj de fo,asosyasyon malfekte ,sifaktirasyon ak blanchiman lajan .

Rédaction : Ganito FRANÇOIS.
Réalisation & mise en ligne : Mysuel THIMOTÉE.