En Direct | Premye Okazyon | 06 Octobre 2021

Premye Okazyon | 06 Octobre 2021
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).

Les titres
1.- Dosye Pandora Papers : divès gwo pèsonalite politik ak òm dafè Ayisyen gen non yo site nan kad yon gwo envestigasyon entènasyonal sa ki reyalize sou plizyè sekrè finansye, e ki touche 91 peyi ak teritwa nan mond lan.
Pandan ankèt sa yon gwoup jounalis mennen, gen 11,9 milyon dokiman ki te kache ki rive devwale pou premye fwa. Dokiman sa yo montre, enplikasyon moun sa yo nan mete kanpe antrepriz, konpayi ak estrikti, achte oubyen vann aksyon ak divès kay, san nòm fiskal entènasyonal yo pa respekte.

2.- Pami pèsonalite Ayisyen ki site nan envestigasyon sa a, nou jwenn ansyen Premye minis Laurent Lamothe, òm dafè Gilbert Bigio, Rudolph Boulos ak 2 manm fanmi Jaar…
Kolaboratè nou Luckson SAINT-VIL, ki se korespondan pèmanan nou Ozetazini, ap ba nou yon lide sou travay ankèt sa a, ak enplikasyon moun sa yo ,nan jounal la maten an .

3.- Jij Loubens ELYSEE se non nouvo majistra enstriktè dwayen tribinal premyè enstans pòtoprens la-a, mèt Bernard SAINT-VIL dezinye pou mennen ankèt sou asasina batonye lòd avoka pòtoprens la-a, mèt Monferrier DORVAL.
Nap raple, majistra Renord REGIS ki te chaje pou mennen ankèt sou dosye sa-a, te remèt demisyon li bay konsèy Siperyè Pouvwa Jidisyè (CSPJ), depi 16 septanm pase-a.

4.- Direksyon jeneral lapolis la transfere 3 polisye kite afekte nan sekirite jij Jean Wilner Morin .
Direksyon jeneral la pran desizyon sa touswit apre prezidan ANAMAH te fin patisipe nan yon emisyon sou radio Metropole kote li te fe kwe Leon Charles se youn nan obstak nan kad tretman dosye Monferrier Dorval la.
Genyen nan polisye sa yo ki gen 6 lane depi yap asire sekirite majistra Jean Wilner Morin ki depi aye lage pou kont li nan lari a .

5.- Monte fenomèn ensekirite ak zak kidnaping yo nan peyi-a, Ansanm pati ak òganizasyon politik opozisyon an egzije revokasyon san pèdi tan, direktè jeneral a.i polis nasyonal la-a.
Responsab ansanm òganizasyon an menm lonje dwèt sou Léon CHARLES yo estime kit a genyen menl tranpe nan fenomèn ensekirite-a.

6.- Ensekirite ak kidnaping. Ayiti ta dwe resevwa vizit yon nouvèl delegasyon amerikèn nan semèn sa menm. Yon ekip teknik INL (International Narcotics and Law Enforcement) ki soti nan depatman deta. Se sekretè deta adjwen zafè Amerik yo, Brian A. NICHOLS ki fe anons sa . Ekip sa ap rantre nan peyi-a nan yon kontèks kote tout moun konstate yon ogmantasyon nan zak kidnaping yo fas ak yon polis nasyonal ki montre li pa kapab afwonte bandi yo .

7.- Pòt pawòl sektè demokratik ak popilè-a, demanti enfòmasyon ki fè kwè emisè ameriken yo ta pwopoze pou fè 3 akò yo fè yon sèl.
Mèt André MICHEL ki rete atache ak dokiman Ariel HENRY a, plede an favè sal rele aplikasyon enklizif akò 11 septanm 2021 an.

8.- Asiz kriminèl san aistans jiri yo demare, madi 05 oktòb 2021 an, nan tribinal premye enstans Senmak la, dapre dwayen tribinal la, Mèt Nohe Pierre Louis MASSILLON.
Alòske li deja pare pou trete anviwon 16 dosye ki an eta, klima ensekirite ak konjonkti politik la anpeche jij yo vinn patisipe nan odyans normal yo.

9.- Ofis pwoteksyon sitwayen (OPC) mande minis afe etranje a,Claude Joseph pou entevni anfave etidyan ayisyen ki nan sitiyasyon iregilye sou teritwa vwazen.
OPC mande minis afe etranje a pou chita pale ak omolog dominiken li ,yon fason pou regilarize estatu etidyan ayisyen sa yo ki ekspoze ak move tretman,depotasyon ak tout kalite vyolans .
OPC raple sa gen 6 mwa depi otorite dominiken yo te apwouve pwosesis demand viza etidyan yo men jiska prezan anbasad ayiti a pa an mezi pou livre paspo yo bay etidyan yo ki kontinye ap sikile san dokiman sa lakay vwazen .

Réalisation et mise en ligne : Mysuel THIMOTÉE & Josué JACQUELIN