En Direct | Premye Okazyon | 10 Décembre 2021

Premye Okazyon | 10 Décembre 2021
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).

Les titres
1.- Se jounen vandredi a desizyon gouvenman pou monte pri gaz la ap rantre an aplikasyon .
Apati dat sa galon gazolin nan kite 201 goud ap vann 250 gdes (49goud) , Diésel la kite vann 169 goud ap pase a 353 gdes ,yon ogmantasyon 184 goud pandan kewozen kite 163 goud pral vann kounya 352 goud , yon ogmantasyon 189 goud .

2.- Li posib pou pri transpo an komen an pa ta ogmante . Pou sa fet ,gouvenman dwe respekte pwomes pou akonpaye chofe yo,dapre fwon unifye transpote ak travaye ayiti yo .
Sendika pa opoze ak ogmantasyon pri gaz la nan ponp yo ,pandan yo swete pwogram sa touche machin ki konsome gazolin ak diesel sou teritwa nasyonal la .

3.- Parapo ak anons gouvenman fè pou ogmante pri pwodwi petrolye yo kap efektif apati vandredi 10 desanm nan ,Ansyen prezidan sena Ronald lareche mande gouvenman kanpe sou mezi sa kap gen gwo konsekans sou kondisyon lavi popilasyon an .
Ansyen palmantè a raple moman sa pa ideyal pou pouvwa ogmante pri gaz la akoz popilasyon an fin dekapitalize mete sou sa pwoblem ensekirite ak Kidnaping lan ki paralize preske tout aktivite .

4.- Inyon nasyonal nomalyen ayisyen yo UNNOH ak dives lot oganizasyon sendikal ki mande popilasyon an pou pran lari jounen vandredi a .
Objectif : denonse zak kidnapin yo ak ogmantasyon pri gaz yo sou mache a .
Dat sa kap make selebrasyon inivesel dwa moun yo,se ap okazyon pou tout sitwayen okipe beton an ,yon fason pou vin defann dwa yo,dapre dirijan UNNOH yo..

5.- Lapolis nasyonal dayiti nan komin petyonvil arete 3 prezime bandi pami yo chef gang katye jalouzi a ak 3 solda li .
Jonas Clermy ak Kelly Sanon se non 2 pami endividi sa yo lapolis arête nan rantre katye jalouzi ,zon mon kalve,jounen jedi a ,dapre yon sous bo kote enstitisyon lapolis la .

6.- Koripsyon se youn nan prensipal koz povrete nan peyi a,dapre premye minis Ariel Henry . Deklarasyon li fe pandan jounen entenasyonal lit kont koripsyon ,jedi 9 desanm nan anba tem “Votre droit, votre défi : Dites non à la corruption.
Tolerans zewo kont koripte ak kowonpi yo ,se mesaj chef gouvenman ak direkte ULCC a .

7.- Jounen entenasyonal dwa moun yo ,anmenmtan 73em anivese deklarasyon inivesel dwa moun,vandredi 10 desanm nan .
Fondasyon Je kle oganize 2 jounen refleksyon pou make dat sa kap selebre nan yon moman kote se gwoup neg ak zam kap dirije ,dapre me Samuel Madistin .

8.- Kolektif Aktyel ak ansyen etidyan CEFEF egzije minis edikasyon an pou travay rapidman yon fason pou kou yo kapab reprann nan yon lokal ki gen plis sekirite . CFEF ki twouve li nan matisan te oblije femen pot yo akoz afwontman gwoup neg ak zam yo nan 3zyem sikonskripsyon potoprens la.
COCFEF egzije Nesmy Manigat pou jwenn yon espas pou etidyan yo ki deloje nan espas yo depi anviwon 7 mwa ,déclare Bill Marken,vis prezidan kolektif la .

Rédaction : Ganito FRANÇOIS.
Réalisation & mise en ligne : Mysuel THIMOTÉE.