En Direct | Premye Okazyon | 10 Septembre 2021

Premye Okazyon | 10 Septembre 2021
Présentation : Roberde CÉLINÉ, Dieuseul GUERRIER & Pierre-Renel RENÉ.
Météo avec Chrisnette SAINT-GEORGES
Kijan Potoprens leve pou maten an? avec Mackenson RÉMY (4*4)

Les titres
1- Chofè ak pwopryetè machin pa sispann kou monte, kouri desann anven dèyè yon galon dizel oubyen gazolin. Manm sektè transpò-a ki trè kritik fas ak fason yo estime mouche leta ap jere dosye gaz la-a depi kèk tan nan peyi-a, fè konnen sityasyon sa-a deja gen konsekans sou aktivite transpò an komen an. Nap gen pou rejwenn jean Georges BLAISE nan jounal la-a.

2- Yon total 2 mil 248 moun mouri, 12 mil 763 blese ak 329 lòt disparèt. Se dènye bilan Direksyon Pwoteksyon Sivil prezante sou kantite dega ki anrejistre nan tranbleman tè 14 dawout la-a sou gran sud peyi-a. Jerry CHANDLER mete aksan tou sou 690 mil moun, swa yon total 40 % manm nan popilasyon grand sud la-a, ki sibi gwo konsekans katastwòf la-a. Genyen 53 mil detwi, san konte plis pase 83 mil lòt andomaje, dapre direktè Pwoteksyon sivil la-a.

3- Jose Pablo SYLVAIN, se non yon antreprenè Bandi moun pa rive idantifye touye ak bal, maten jedi 9 septanm nan, nan komin kwadèboukè, antreprenè Jose Pablo SYLVAIN. Dapre premyè eleman enfòmasyon yo, antreprenè-a tap soti nan izin mangol lè bandi ouvè kout zam sou li, kote li mouri sou plas. Jose Pablo SYLVAIN te konn ekspòte mango nan peyi letranje.

4- Kominote Legliz Katolik la nan depatman nò-a toujou sou chòk aprè zak sasinay ki fèt sou pè André SYLVESTRE nan vil Okap, lendi ki te 6 sèptanm nan, apremidi apre li te sòt fè yon tranzaksyon labank.
Pi wo otorite legliz la nan dezyèm vil peyi-a mande lapolis ak lajistis louvri bon jan ankèt pou twouve asasen ki etenn souf kire pawas Nòtre dame LaMèsi

5- « Enkapasite pou gouvenman sa fè fas ak gang ame yo, pwoblèm kidnaping lan, ensekirite ak konfli ki egziste ant otorite yo nan leta-a, se prèv Ariel HENRY pa genyen anyen lap dirije. » Se pozisyon Kolektif Ansyen Depite Opozisyon. Ansyen depite sikonskripsyon Mibalè-a, Abel DECOLINNES fè konnen li konstate se popilasyon an ki prensipal otaj batay nan gouvenman sa-a.

6- Kolektif Ansyen Depite Opozisyon pa konte siyen okenn akò ki gen ladanl yon ekzekitif ak yon sèl premye minis, dapre pòt pawòl KDOA.
Abel DECOLLINES ki konfime patisipasyon Kolektif la nan diskisyon ak ekip premye minis defakto-a, Ariel HENRY sou pwojè akò pou asire gouvènans leta pandan peryòd tranzisyon an, raple si se ta yo akò monosefal ki jwenn, akò sa pap dire.

7- Siyati yon pwotokòl dakò, jedi 09 septanm nan, ant Ministè Ayisyen kap Vi Aletranje ak Haitian Diapora Resources World Wide.
Dapre responsab MHAVE yo, akò sa vize estabilize relasyon relasyon yo avèk ansanm òganizasyon ki nan dyaspora.

8- Asasina Jovenel MOISE. Mèt Raynold GOERGES deja pwodui yon demand men leve dekwou anfavè Jean Laguel CIVIL devan jij enstriksyon Gary ORELIEN kap mennen dosye sa-a.
Avoka enkilpe-a kontinye voye jete tout akizasyon kap peze sou do kliyan li an, li fè konnen akize-a pa konn anyen nan lanmè ansyen chèf leta-a.

Réalisation & mise en ligne : Mysuel THIMOTÉE & Josué JACQUELIN.