En Direct | Premye Okazyon | 11 Mai 2021

Premye Okazyon | 11 Mai 2021
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Météo avec Chrisnette SAINT-GEORGES.
Kijan Potoprens leve maten an avec Mackenson RÉMY.

Les titres :
1- 15,16 ak 17 me kap vini la-a, se dat rezo pwotestan anonse pou 3 jounen jèn nasyonal kont Fenomèn kidnapng nan ki kontinye ap pran teren nan peyi-a.

Pou jounen 17 a, kretyen yo ap gen pou reyini kafou rézistans soti onzè pou rive Inè aprè midi, nan lide pou kwape zak kriminèl yo nan kat kwen peyi-a.

2- Jounen priyè, manifestasyon nan lari, jounen refleksyon, sit-in…òganizasyon politik yo nan opozisyon an genyen yon ajanda byen chaje, pou relanse mobilizasyon popilè yo nan kat kwen peyi-a.

Atravè aktivite sa yo kap demare apati mèkredi 12 jiska 18 me, ki se jou fèt drapo ak inivèsite-a, opozisyon politik la-a antann anpeche reyalizasyon referandòm konstitisyonèl la-a, epi egzije depa san kondisyon Jovenel MOISE sou pouvwa-a.

3- Bandi ak zam ki fè pati gwoup gang 400 mazozo asasinen enspektè divizyonè Gabo DENIS, 7èm pwomosyon PNH la.
Ensidan sa rive wikenn pase a, nan moman enspektè polis la tap tante chape anba yon tantativ kidnapin nan komin kwadèboukè.
4- Popilasyon nan diferan komin peyi-a kontinye pwoteste pou di non ak pwojè nouvèl konstitisyon jovenel MOISE, ki pa gen ni lejimite, ni manda, dapre atik 134-2 manman lwa peyi-a, atravè konsèy elektoral pwovizwa-a vle enpoze peyi-a. Pandan jounen dimanche 9 me-a, popilasyon nan vil Hinche, depatman sant ak wanamint, depatman nodès kouri deyè yon delegasyon ministè enteryè ak konsèy elektoral pwovizwa-a, ki te al tante prezante pwojè referandòmm enkonstitisyonèl la bay senten patizan pouvwa-a.
5- Aprè plizyè mwa fèmti akoz kanpe travay kite genyen nan 18 jiridiksyon nan peyi-a, asiz kriminèl san asistans jiri yo redemare nan tribinal premyè enstans Sen Mak, lendi 10 me 2021, dapre dwayen an mèt Noel Pierre Louis MASSILLON.
Pou odyans kriminèl sa-a, tribinal la ap trete anviwon 70 dosye, sa ki pral pèmèt anpil nan prizonye yo konnen finalman santans yo.

6- Pwofesè lekòl piblik yo deside bay elèv yo yon chans pou yo boukle ane-a. Se nan sans sa-a, yo leve pou yon ti bout tan, grèv yo te tanmen depi 07 avril pase-a, pou egzije otorite ministè edikasyon nasyonal yo bay kat debi, aryere salè ak lèt nominasyon. Anseyan yo toutfwa anonse nouvo estrateje pou kontinye fè pase revandikasyon yo pa se.
7- Biwo ministè afè sosyal ak travay pa fonksyone, depi 3 lane nan komin wanament, kote yo te mete anplwaye yo deyò nan local sa-a, nan lane 2018, paske lwaye-a pat peye. Depi lè sa-a, otorite yo pa fè òkenn jefò pou pèmèt sitiyasyon an retounen nan nòmal.

Yon sitiyasyon ki genyen enpak sou plis pase 12 mil ouvriye nan konpayi devlòpman endistriyèl (CODEVI) ak lòt anplwaye nan sektè prive local. Dapre mèt Magnekell REGULUS, CODEVI pwofite sitiyasyon sa pou revoke anplaye yo chak mwa nan fason iregilyè.

8- Dosye DERMALOG. Oganizasyon sitwayèn pou yon nouvèl Ayiti adrese yon korespondans bay Konsèy siperyè pouvwa jidisyè-a pou mande yo ouvri you ankèt pou detèmine motif ki lakoz jij enstriksyon Mathieu CHANLATTE derefize adopte mezi disiplinè parapò ak plent oganizasyon an depoze kont sèten moun nan pouvwa ki ta enplike koripsyon sou dosye kat DERMALOG.
Kòdonatè OCNH la-a, mèt Camille OCCILUS estime jij entriksyon an pa respekte dèle lalwa ba li pou mennen enstwiksyon sou dosye-a.