En Direct | Premye Okazyon | 14 Décembre 2022

Premye Okazyon | 14 Décembre 2022
Présentation : Dieuseul GUERRIER, Pierre Renel RENÉ (PRR), Lydie ALEXANDRE & Johnny FERDINAND.
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).

Les titres
1.- Finansman gang ak zam an ayiti –Apre etazini ak kanada Royaume-Uni deside li menm tou rantre nan bay sanksyon ak tout move je ki abitye ilitize fonksyon yo pou patisipe nan move zak an ayiti.
Gouvenman britanik la mete anplas yon rejim sanksyon ki sible akte kriminel yo, gang ak konplis ki abitye ba yo lajan, sa ki lakoz peyi a konnen yon enstabilite kwonik.
Mezi sa yo ap komanse rantre an aplikasyon apati 28 desanm kap vini la.

2.- Pandan tan sa, sanble sanksyon entenasyonal yo poko bay twop rezilta.
Bandi detounen Pou pipiti 17 kontene pandan mwa desanm nan sou boulva la saline nan kote ti komesan yo pa konnen ak ki sen pou yo adrerse priye yo.

3.- Gang yo Kontwole Apeprè 60% Kapital ayisyenn nan ,dapre nasyon zini –
— Chèf imanitè Nasyonzini an ann Ayiti di prèske 60% kapital la anba kontwòl gang yo ki komèt zak vyolans ak abi seksyèl sou manm popilasyon an, sa ki fòse plizyè milye moun kite kay yo.
Ulrika Richardson deklare, prèske 20 mil moun ap fè fas ak “kondisyon katastwofik tankou grangou” ak epidemi kolera a ki retounen nan peyi a e ki déjà lakoz lanmò 283 moun.

4.- Kolektif Defansè plus di li endiye fas ak konpotman otorite yo pa rapò ak zak kriminalite ki genyen nan peyi a. Nimewo 1 kolektif la lonje dwèt sou 3 sektè ki daprè li se prensipal responsab ensekirite Sila a.
Antonal Mortimé fè konnen klima tèrè yo enstore nan peyi a rantre nan strateji pouvwa an plas la pou pa oganize Eleksyon.
Defansè dwa moun nan mande popilasyon an pou leve kanpe pou anpeche yon ti gwoup ki kache dèyè yon swadizan akò kontinye pran Peyi a an otaj.

5.- 2 manm 400 mawozo jwenn arestasyon yo nan komin mibale –
Almase Daphinis, 51 kane,moun koniyon, se manm aktif 400 mawozo ak Alain Joseph,35 lane, se non 2 endividi sa yo ki anba men lapolis.
Alain Joseph travay kom enfomate gang 400 mawozo, nan estasyon bis kwadebouke a.

6.- Nan yon not rapel Ministè Lajistis ak Sekirite piblik voye bay Majistra nan tout jiridiksyon Repiblik la fe yo sonje obligasyon yo genyen pou trete yon bon kantite dosye, yon fason pou rive diminye detansyon prevantiv pwolonje a, daprè jan konstitisyon an, ki se manman lwa peyi a, mande sa ansanm ak trete epi konvansyon Ayiti ratifye yo.
Ministè a mande yo tou pou yo respekte prensip fondamantal sa a ki di fòk jistis la travay rapid sou dosye li gen pou l trete yo.
Peyi a kapab konnen yon lot kriz gaz nan jou kap vini yo-

7.- Asosyasyon nasyonal pwopriyete estasyon sevis yo (ANAPROS) lonje dwet sou konpayi petwolye Total Haiti (les Bandari) ki ta egzije pou pwopriyete ponp yo peye komand yo an dola ameriken ak yon to egzajere.
Se yon move desizyon ,dapre ANAPROS ,ki eksplike kalite difikilte yo genyen pou jwenn dola achte sou mache lokal la . ANAPROSS mande otorite yo nan leta pou aji vit poy evite peyi a konnen yon nouvel kriz gaz nan jou kap vini yo.

Productions : Jean-Claude DOLCÉ.
Coordination : Peterson LUXAMA.
Rédaction : Dieuseul GUERRIER.
Réalisation & mise en ligne : Mysuel THIMOTÉE.